Македонија

Мицкоски: До 28 мај коалицијата „Твоја Македонија“ може да консолидира 61 пратеник

До конститутирање на Собранието што се очекува најдоцна до 28 мај, Коалицијата предводена од ВМРО-ДПМНЕ ќе се обиде да стигне до 61 пратеник, најави идниот мандатар за состав на новата Влада Христијан Мицкоски.

Тој во вчерашното „Само интервју“ откри дека веќе имало сигнали од поединци од другите коалиции кои има можност да се приклонат кон нив. Потоа, рече, веќе извесно нивни колаициски партнер ќе биде Вреди, со што очекува владино мнозинство од 74-75 пратеници, но најави разговори и со останатите партии за да се обезбеди 2/3 мнозинство неопходно за планиратени системски реформи.

За кадровските прашања и распредлебата на ресорите, Мицкоски кажа дека се уште не разговарале, но беше дециден дека очекува конструктивен дијалог со партнерите, кој ќе соодвествуваат на реалноста, а не на фантазиите.

-За жал неискуството и слабиот СДСМ ги измести работите тежиштето е изместено и н еможе никој да очекува во иднина дека повторно тоа тежиште ќе биде изместено и нашата задача е да го вратиме тежиштето таму каде што му е местото и без да биде тежиштето каде шти му еместото немда да донесеме надеж, Што е целта? Да кадежеме ние што добивме, или да направиме подобро општество за сите.

Досега министрите од ДУИ велеа дека одговарале пред Али Ахмети, а не пред премиерот ?

Таков министер јас нема да имам, нема да имам таков, кој што нема да биде отчетен пред мандатарот туку ќе биде пред друг центар на моќ и на тој начин јас нема да комуницирам со министрите,- Христијан Мицкоски – Претседател на ВМРО-ДПМНЕ.

Мицкоски очекува разбирање од идниот коалиционе партнер и за нивната позиција поврзана со уставните измени.. Повтори дека за нив европската интеграција останува приоритет, но не под сегашните услови..

-Ако Бугарија не е подготвена на отстапки, би се свртеле кон домашната агенда и би чекале нова гарнитура во Софија, Христијан Мицкоски – Претседател на ВМРО-ДПМНЕ.

Мицкоски во интервјуто децидно отфрли било каква можност за идна соработка со ДУИ и актуелното раководство предводено од Али Ахмети. Во однос на неговата порака, дека треба да ги почитува резултатите од изборите за да има мир и стабилност во државата, Мицкоски нагласи дека е подготвен на секакви сценарија од страна на ДУИ.

-Очекуваме се, имаме информации што се таму се збори се планира и т.н. нас не ни преостанува ништо друго освен како идна влада доколку има таков тип на протести насилни да ги обезбедиме инстиутиците и системот да функционира и сме подготвени за тоа и тука не треба да се грижат граѓаните ние сме подготвени да одговриме на секој еден насилник, - Христијан Мицкоски – Претседател на ВМРО-ДПМНЕ.

Мицкоски очекува новата влада да стапи на функција во втората половина на јуни.

Автомобилизам

Италијанската полиција заплени десетици возила на Фиат поради малото знаменце (ФОТО)

Италијанската финансиска полиција запленила десетици Фиат Тополини за кои што тврдат дека го имаат државното знаме.

Станува збор за возила кои всушност се склопуваат во Мароко.

Оваа заплена ја продолжува борбата меѓу италијанската премиерка Џорџија Мелони и производителите на автомобили.

Возилата биле блокирани на пристаништето во Ливорно поради наводно прекршување на таканаречениот закон „Произведено во Италија“, кој веќе го принуди Стелантис, матичната компанија на Фиат, да го преименува својот спортски автомобил „Алфа Ромео Милано“ во „Џуниор“.

Портпаролот на Стелантис ја потврди заплената, за која први објавија италијанските медиуми, вклучително и Ла Република.

Италијанската влада е во расправија со Stellantis околу плановите за намалување на работните места во земјата и префрлање на производството во земји со пониска цена. Минатиот месец, илјадници Италијанци се приклучија на штрајкот во близина на седиштето на производителот на автомобили во Торино во очекување на нов бран отпуштања.

Стелантис вели дека ќе ја отстранат малата налепница со италијанското знаме од автомобилот, која ја додале бидејќи проектот Тополино бил развиен во Торино. Производителот на автомобили негира дека сторил нешто лошо и рече дека секогаш комуницирал транспарентно за земјата во која се произведува Тополино.

Оригиналниот Topolino, италијански за Little Mouse, беше едно од првите масовно произведени возила произведени во Италија во 1930-тите. Се очекува фејслифтираната верзија да излезе во продажба по почетна цена од 9.890 евра.

Производителот на автомобили објави претходно овој месец дека ќе започне со продажба на возила од кинескиот партнер Leapmotor во Европа, како дел од глобалната експанзија, бидејќи се бори да ги намали трошоците за електрични возила.

Свет

Причина за падот на хеликоптерот со иранскиот претседател е технички дефект

Причината за хеликоптерската несреќа во која загина иранскиот претседател е техничка неисправност, објавија иранските државни медиуми.

Тие кусо изјавија дека до несреќата дошло по технички дефект и дека нема индиции за кривично дело, пренесува Вашингтон пост.

Да потсетиме, иранскиот претседател Ебрахим Раиси и неговиот министер за надворешни работи загинаа вчера во хеликоптерска несреќа. Иранската државна агенција првично ги наведе лошите временски услови во областа како причина за несреќата, поради која хеликоптерот се урнал на самиот врв на планината. После тоа се запалил, а останала само опашката.

Фудбал

Избран е најдобриот фудбалер во Бундеслигата

Флоријан Вирц (21) од шампионот Баер Леверкузен е избран за играч на сезоната во Бундеслигата, откако играчот од средниот ред му помогна на својот клуб да ја освои титулата, објави Германскиот фудбалски сојуз.

За наградата одлучуваат гласовите на навивачите (40 проценти), клубовите (30 проценти) и експертите (30 проценти).

Леверкузен е првиот тим што ја заврши сезоната во Бундеслигата без пораз и се уште е непоразен во сите натпреварувања оваа сезона, односно на 51 натпревар. Виртц, кој игра на позицијата офанзивен играч за врска, имаше 11 гола и 12 асистенции во Бундеслигата или 18 гола и 20 асистенции на 47 натпревари во сите натпреварувања.

Меѓу другото, тој дојде од клупата за да постигне хет-трик во победата од 5-0 над Вердер Бремен во април, со што Баер ја освои титулата во Бундеслигата на пет кола до крајот. Тимот од Леверкузен на чело со тренерот Чаби Алонсо сезонава може да ја освои тројната круна бидејќи ги очекува финалето во Лига Европа против Аталанта и финалето од Купот на Германија против Кајзерслаутерн.

Настапите му донесоа на 21-годишниот Вирц три награди за играч на месецот оваа сезона. Тој исто така беше именуван во прелиминарниот тим на Германија за Евро 2024, постигнувајќи го единствениот гол во победата на Германија со 1-0 над Франција на пријателскиот натпревар во март.

Според Трансфермаркт, сајт специјализиран за проценка на вредноста на фудбалерите, Виртц вреди 110 милиони евра. Како што се наближува трансфер рокот, светските медиуми пишуваат како најголемите европски клубови сакаат да го доведат. Тој има договор со Баер до летото 2027 година.