Албанците ги боли за своите, молчат за Македонците

Зошто албанските медиуми во земјава и во регионот објавуваат само за тепаните Албанци а не кажуваат дека и Македонците се жртви на насилни Албанци?

 Нашиот репортер Миомир Серафиновиќ на оваа тема разговараше со поранешниот амбасадор на Македонија во Тирана Ристо Никовски.

„Македонија е единственото место на Балканот каде на барањата на Албанците не се решени според нивните принципи“, вели за Канал 5 поранешниот амбасадор на Македонија во Тирана Ристо Никовски.

Погледнете го интервјуто на Миомир Серафиновиќ со Ристо Никовски.

СДСМ: Младите не сакаат обнова на режимот и изолација, знаат дека зад маската на Мицкоски се крие Груевски

​Ништо не е сменето во ВМРО-ДПМНЕ ниту пак кај Христијан Мицкоски. Лаги, манипулации, лицемерен патриотизам, тоа е матрицата на ВМРО-ДПМНЕ.

Токму поради ВМРО-ДПМНЕ над 600 илјади млади се иселија. Токму поради режимот на Груевски младите беа под притисок, нашата држава беше изолирана и без извесна европска иднина, граѓаните осиромашуваа, економијата тонеше, а наместо правда имаше неправда.

Младите не сакаат обнова на режимот, изолација, неизвесност, несигурност, враќање назад

Младите се за напредокот, интеграцијата, сигурноста и стабилноста што ги донесе СДСМ.

Благодарение на вистинските младински политики, младите денеска се партнери во нивното креирање.

Нашата држава е единствена земја во регионот којашто не е членка на ЕУ, а ја ја спроведува Гаранцијата за млади, мерка преку која се вработија 1.839 млади лица а дополнителни 4.100 млади добија можност за доедукација.

За само две и пол години отворени се 54.000 нови работни места а од нив 54 отсто се вработени млади.

Преку младинската европска картичка, младите имаат низа поволности и можности во повеќе дејности, како угостоителство, транспорт, културни и спортски настани.

424 млади земјоделци добија грантови од 10 илјади евра за инвестиции во земјоделството и  вложивме над 34 милиони денари во подобрување на ИТ вештините кај младите.

За прв пат носиме Закон за млади кој е веќе во процедура.

Младите знаат. Зад маската на Мицкоски се крие вистинскиот Никола Груевски.

Младите не сакаат обнова на режимот и затоа на 12 април гласно ќе изберат напредок, сигурност, стабилна иднина во НАТО и ЕУ што ги нуди СДСМ.

Центар за комуникации со јавноста на СДСМ

МЗ: Имаме слух за барањата на кофинансираните специјализанти

​Министерството за здравство (МЗ) има слух за барањата на кофинансираните специјализанти и се бара механизам за подобрување на нивниот статус.

Во исто време решаваме состојби каде немаше никакво поместување во позитивна насока со години претходно. Нивните колеги кои се приватни специјализанти за првпат се платени за својот труд во 2018 година. Тие дотогаш работеа бесплатно. Фокусот кој прво го ставивме беше на приватните специјализанти, да им овозможиме подобри услови за работа.

Сега, се бара механизам и за кофинансираните специјализанти. Веќе се договорени да почнат работни групи да работат на решавање на оваа ситуација, но затоа треба да биде во соработка со Фондот за здравствено осигурување и најверојатно со пратениците со цел да се види каква е можноста Законот во тој дел да се промени. Откако следната недела ќе ги собереме сите информации ќе имаме и детална динамика како и кога ќе може да се изнајде решение.

Покрај наследените куп проблеми кои оваа Влада ги наследи, за две години значително се подобрени условите за работа на здравствените работници.

Направено е најголемо зголемување на платите во јавното здравство.

Вкупно со сите зголемувања, основната плата на лекарот специјалист ја зголемуваме за 40%, на медицинските сестри помеѓу 20 и 23%, на општите лекари 25% и 15% на сите здравствени соработници.

Зголемени се и коефициентите за исплата на дежурства и ноќен труд на медицинскиот кадар, а некои типови на дежурства се зголемени за два до три пати.

Владата на Република Македонија во изминатиот период ги подобри условите на здравствените работници и нема намера да отстапи од оваа политика којашто требаше да се примени многу одамна, а со години ништо не беше направено на ова поле.

Министерство за здравство, Одделение за односи со јавностa

Над 160 жени годишно жртви на семејно насилство

Над 160 жени во просек во земјава секоја година се изложени на семејно насилство.

Најмногу со тепање на кое му претходи вербална расправија  потоа  уцени со закани по живот,мобинг а не е мал бројот и на оние кои се принудувани на проституција и на питачење, покажуваат истражувања во Куманово, Велес, Штип, Кочани, Кичево и Прилеп направени од  здружението – Национален ромски центар. Од ЕУ и одделот за правата на жените при Обединетите нации, годишно семејното насилство во Македонија се зголемува од 20 а во некои градови и до 60 отсто,најмногу кај ромите.

Колку што се зголемува бројот на случаите  на семејното насилство толку се намалува бројот на жените  кои се охрабруваат да пријават. Причина е изгубена верба во институциите. Само десетина се во судска процедура.

Анализите покажуваат дека треба и  соодветни законски измени за регистрирање на малолетничките бракови,евидентирање на нивните ново родени деца- така наречени ,,фантоми,,но и сериозно справување со мафијата која работи и профитира како од проституцијата така и од питачењето и крадењето.  

притисни ентер