Опожарена црквата Света Петка во село Долно Егри

Пожар кој започнал од запалени стрништа во битолското село Долно Егри ја зафатил и локалната црква Света Петка. Од битолската полиција потврдија дека се опожарени таванскиот дел и камбанаријата на црквата.
Според Магдалена Димитровска, портпарол на СВР Битола, најверојатно пожарот избил на 14-ти август, но граѓани во полиција го пријавиле денеска. Во селото Долно Егри не живее ниту еден жител, така што најверојатно огнот не бил забележан навреме за да биде спречено опожарувањето на храмот. Најблиските жители се на два километри во селото Средно Егри.

Екипа на СВР Битола изврши увид на лице место. Од битолската противпожарна служба велат дека пожарот кај нив воопшто не бил пријавен, но утре ќе излезат на терен за да видат колкави се оштетувањата.



СДСМ:ВМРО-ДПМНЕ нема да успее преку неосновани пријави да го поткопа градењето на едно општество, граѓаните ќе ги поразат црнилата на Мицкоски

Антинародното раководство на ВМРО-ДПМНЕ предводено од антизападниот Христијан Мицкоски по секоја цена се обидува да шири поделби и омраза, да го поткопува градењето на едно општество за сите.

Залудни се обидите на Мицкоски и ВМРО-ДПМНЕ преку неосновани кривични пријави да го блокираат напредокот на државата, се наведува во реакцијата на СДСМ на прес конференцијата на генералниот секретар на ВМРО-ДПМНЕ,Игор Јанушев.

Мицкоски и врвот на ВМРО-ДПМНЕ не успееја да ја блокираат интеграцијата во ЕУ и НАТО, а нема ни преку неосновани кривични пријави да успеат да го блокираат градењето на едно општество концепт кој доби огромна поддршка од мнозинството граѓани.

Законот за употреба на јазиците ја регулира употребата на албанскиот јазик кој во Македонија е втор официјален јазик уште со амандманите на Уставот од 2001 година и истиот не влијае на употребата и заштитата на македонскиот јазик.  

Македонскиот јазик е заштитен и обезбеден засекогаш, тој е прв официјален јазик во Македонија, сега и меѓународно признат и ќе се употребува во најголемите западни сојузи како што се ЕУ и НАТО.

Објавувањето на Законот во„Службен весник на РМ“ со потпис на Претседателот на Собранието е единствено поради безобразното прекршување на Уставот од страна на Ѓорѓе Иванов кој е должен да го потпише Указот за прогласување на законот доколку е донесен  по втор пат со потребното мнозинство во Собранието.

ВМРО-ДПМНЕ и Мицкоски нудат само деструкција, поделби, омраза и изолација. Македонија стави крај на нивните црнила и одбра светла иднина во ЕУ и НАТО како држава партнер на демократскиот свет.

Граѓаните нема да дозволат нов Груевски или Иванов кој ќе ги врати назад во темното минато, граѓаните ќе ги поразат деструктивните црни политки на Мицкоски на какво били избори, кога и да се одржат.

Свечен собир на дипломирани македонски студенти во Турција

Министерот за култура Асаф Адеми синоќа во Хилтоновиот хотел „ Double tree" присуствуваше на свечениот собир на дипломираните студенти  од Република Македонија  кои својата стручна наобразба ја стекнаа на универзитетите во Република Турција.

Во своето поздравно обраќање министерот Адеми го изрази задоволството од досегашната соработка меѓу Македонија и Турција која се одвива во духот на пријателството и традицијата, со постојани заложби за нејзино унапредување, а го подвлече и значењето на поддршката во образовниот процес за нашите дипломци кои со поддршка на  Претседателството на Турците и роднинските заедници во странство  се едуцираа на ценетите универзитетите во Република Турција. Тој истакна дека во рамки на оваа соработка дел од дипломците се веќе квалитетни и стручни  високообразовни луѓе кои со своите функции и знаење даваат значаен придонес во зацврстувањето на врските меѓу двете пријателски  земји.

На свеченоста која беше во организација на Претседателството на Турците и роднинските заедници во странство, и претходеше средба во Министерството за култура на министерот Адеми со  турската амбасадорка Тулин Еркал, претседателот на ЈТБ Абдулах Ерен, како и професори од повеќе реномирани универзитети од Турција, соопштуваат од Министерството за култура. 

Почна поставувањето монтажна катна гаража, паркингот кај Центарот за култура во Куманово нема да работи

Поради монтажа на катната гаража, од денеска кумановци нема да можат да паркираат на паркинг-просторот кај Центарот за култура „Трајко Прокопиев", се до почетокот на март годинава, соопштија од Општина Куманово.

,,Монатажата на паркиралиштето е предвидено да трае до крајот на февруари кога се планира и пуштање во употреба. Поради активности за монтирање на паркиралиштето, паркирање на оваа површина во центарот на градот нема да биде возможно до почетокот на март, се наведува во соопштението на Општина Куманово.

За изградба на ова паркиралиште, според податоците на одделението за јавни набавки, општината издвоила речиси 13 милиони денари, без ДДВ. Монтажната катна гаража ќе зафаќа простор од 1.250 метри квадратни.

На оваа локација, според податоците на јавното претпријатие „Куманово-Паркинг" има 40 паркинг места, едно за лица со инвалидитет и две наменети за електрични автомобили.

притисни ентер