На над 3.600 граѓани не им бил дозволен излез од земјава

На над 3.600 македонски граѓани од почетокот на годината граничните служби не им дозволиле излез од земјата, најмногу поради обидот да патуваат во земјите на Унијата, без обезбеден повратен билет. Невладина организација обвинува дека нај дискриминирани во тој правец биле Ромите.
Ромите се најдискриминирани од пограничните служби при обид за патување во земјите - членки на Европската унија, обвинуваат од невладината организација Рома. Според оваа невладина организација, оние кои се обиделе да посетат свои роднини и пријатели и покрај претходно обезбедените неопходни документи, граничната полиција ги вратила со образложение дека бараат азил.

Од Граничната полиција тврдат, обвинувањата не се основани. Поради недостиг на документи подеднакво не им е дозволен излез од земјава на сите кои сакаат да патуваат во земјите од Европската унија, а притоа не ги исполниле сите услови. Нормите и критериумите се од ЕУ, а македонските гранични служби со обврските за интегриран систем само ги спроведуваат.

Од МВР информираат, од почетокот на годинава до пред четири дена од граничните премини кон Србија, Бугарија, Косово, Албанија и Грција по разни основи не им е дозволен излез на 3.686 граѓани со македонски пасош, најмногу поради обид да патуваат во земјите на Европската унија без обезбеден повратен авионски билет, гаранција, лично осигурување или без пари. Обидите да се излезе од земјава и да се бара азил благовремено се спречуваат и од причини што Македонија не е земја од ризично подрачје.

Во Белград почна протестот ,,1 од 5 милиона”

Вечерва во Белград , пред Филозофскиот факултет почна по 41. пат протестот ,,Еден од пет милиона”.

Протестниот марш ќе се одвива по улиците во центарот на Белград. Пред тоа , на насовраните им се обратија Никола Јовановиќ, шеф на парламентарната група на Сојузот за Србија (ССС) во белградското собрание.

"Ние не се согласуваме на измамнички избори. Нема да бидеме мали завртки во механизам што е расипан. Не ни требаат фотелји и ресторани кога луѓето страдаат. Нема да даваме на системот , кој е на умирање.  Доволно е. Значи, нема да му дадеме алиби на овој систем. Ние сакаме да го промениме системот и тоа е нашата порака “, рече Јовановиќ, додавајќи дека и честита на Демократската партија што се приклучи во бојкотот на изборите.

На три дена до изборите, Трамп ја поддржа кандидатурата на Нетанјаху

Американскиот претседател Трамп денеска ја поддржа изборната кампања на израелскиот премиер Бенјамин Нетанјаху и откри дека со него разговарал за можен договор за заедничка одбрана.

На три дена пред изборите во Израел, Трамп на Твитер напиша дека со Нетанјаху разговарал за договор со кој би се ставил печат на одличниот сојуз меѓу двете држави.

„Очекувам да ги продолжам разговорите по изборите во Израел, кога ќе се сретнеме во Генералното собрание на ООН следната недела“, напиша Трамп, пренесува Франс Прес.

Двете држави веќе заедно работат на размена на информации, заеднички воени вежби и воена соработка, а договорот ќе создаде нови обврски, особено автоматската интервенција на Соединетите држави во случај на напад на Израел.

Десничарот Нетанјаху е во мртва трка со центристите и сега има цел да добие поддршка од Трамп, но и од рускиот претседател Владимир Путин, кого го посети оваа недела.

Лидерот на ционистите, главниот противкандидат на Нетанјаху, Бени Ганц, ја отфрли идејата за алијанса како „тешка грешка“, бидејќи Израел со тоа ќе ја загуби воената автономија.

„Никогаш не сме барале некој да загине за нас. И никогаш не побаравме туѓа дозвола да ја браниме израелската држава“, рече Ганц, пренесе Ројтерс.

Нетанјаху, кој победи на изборите во април, но не беше во можност да формира коалиција и распиша нови избори, во вторникот објави план за анексија на долината на Јордан и поголемиот дел од Западен Брег, доколку победи на изборите следната недела.

Колевски: Советот на јавни обвинители едногласно го прифати предлогот за разрешување на Јанева

Членовите на Советот на јавни обвинители едногласно го усвоија предлогот за разрешување на Катица Јанева, поднесен од Собранието.

Советот на јавни обвинители на денешната вонредна седница едногласно ја разреши специјалната јавна обвинителка Катица Јанева која е третоосомничена за случајот „Рекет" и се наоѓа во притвор. За нејзино разрешување гласаа сите осум пристуни членови на Советот на вонредната седница.

-Советот на јавни обвинители на денаешната седница едногласно одлучи да ја разреши од функцијата специјален јавен овинител Катица Јанева поради нестручно, незаконско и несовесно работење, изјави претседателот на Советот на јавни обвинители Ацо Колевски по завршувањето на седницата.

Тој посочи дека в понеделник ќе продолжи седницата на која ќе се расправа за обвинителите во Специјалното јавно обвинителство кога ќе биде констатиран престанок на нивниот мандат.

Одлуката за разрешување на Јанева, додаде, стапува на сила со денешниот ден и ќе биде објвена во службените гласила

Процесот на разрешување на Јанева почна на 5 септември, кога Комисијата за избори и именувања зад затворена врата едногласно и без дебата донесе заклучок да му предложи на Собранието да ја разреши Јанева. Одлуката беше донесена врз основа на извештајот на Советот на јавни обвинители за разрешување на Јанева поради нестручно, незаконско и несовесно работење. Продолжи Собранието на Република Северна Македонија кое денеска во рамките на 112-тата седница ја разреши специјалната јавна обвинитеклка Јанева со 102 гласа „за" без воздржани и против. За оваа одлука гласаа „за" и 27 припадници од заедниците кои не се мнозинство. Веднаш по завршувањето на седницата претседателот на Собранието Талат Џафери го потпиша  предлогот за разрешување и го достави до Советот на јавни обвинители кој на вонредна седница ја потврди одлуката за разрешување.

Мандатот на специјалната јавна обвинителка Катица Јанева истекуваше утре, 15 септември. 

притисни ентер