Премиерот Заев се сретна со претставници од Сојузот на борците

Премиерот Зоран Заев денеска имаше средба со претставници на Сојузот на борци - Вера Бунтевска, в.д. претседателка на Главниот одбор на Сојузот на борци на Република Македонија, Евзи Мемети, потпретседател на Главниот одбор на Сојузот на борци на Република Македонија и Трајко Стаматоски, претседател на Градскиот одбор на Сојузот на борци од НОБ.
На средбата, на која претседателот на Владата беше придружуван од вицепремиерката  и министерка за одбрана Радмила Шекеринска и од министерката за труд и социјална политика Мила Царовска, преставниците на Собузот на борци му го честитале на Заев назначувањето претседател на Владата на Република Македонија и составот на демократска Влада.

- Вашите заложби, верба и оптимизам даваат сила и водат напред. Веруваме во вас, ве поддржуваме и ве охрабруваме да продолжите со мудрите политики со коишто се грижите за сите граѓани и на Република Македонија и го враќате достоинството на луѓето и на државата на регионален и меѓународен план, порачале претставниците од Сојузот на борци на Република Македонија и од Град Скопје.

Како што соопшти владината прес-служба, тие му се заблагодариле на премиерот Заев и на Владата што уште во ребалансот на Буџетот за оваа година се предвидени средства на Сојузот на борци на Република Македонија и за политиките на разбирање што ги покажува новата Влада за значењето на борците за Република Македонија и за НОБ, како еден од најзначајните периоди во историјата на Република Македонија.

Премиерот Заев соопштил дека Сојузот на борци на Република Македонија ќе биде застапен со соодветни финансиски средства во Буџетот и за 2018 година за да може да ги реализира програмите и активностите со коишто се негува традицијата и се афирмираат придобивките од НОБ, преку современиот патриотизам за татковината.

-Тоа е значајно во историска смисла, но и за вредностите значајни за сегашните и идните генерации, трезвеноста, определеноста кон слободата, кон љубовта и заштитата на државата, шти ги застапува Сојузот на борци на Република Македонија, чиј член сум и јас, како поддржувач на организацијата, соопштил премиерот Заев.

На средбата е договорено Владата да му помогне на Сојузот на борци на Република Македонија со соодветен простор за функционирање со оглед дека им е одземен нивниот имот, за којшто организацијата планира низ правни процедури да дојде до правдата. Исто така, претставници на организацијата ќе бидат вклучени во одбележувања значајни датуми за Република Македонија и во сите други државни настани, со што ќе се врати значајното место на борците во општествениот живот во Република Македонија, информира Службата за информирање во Владата. /МИА

Путин и Трамп во Хелсинки: Тензија без насмевки

Претседателот на САД Доналд Трамп и рускиот колега Владимир Путин се состанаа во Хелсинки, се појавија пред медиумите, а потоа заминаа на разговор зад затворени врати.

Како што оценуваат светските медиуми, првата билатерална средба на двајцата лидери изгледала “тензично“, ракувањето траело околу три секунди и скоро и да немало насмевка.

Во првата протоколарна изјава Путин доби предност и истакна дека му е задоволство што се сретнал со Трамп, додека американскиот претседател му честиташе на колегата на организацијата на Светското првенство во фудбал и играта на руската селекција.

„Гледав малку...Се беше прекрасно направено. Има многу работи за кои треба да разговараме, од трговија, до Кина и нашиот заеднички пријател претседателот Си. Имаме извонредна можност заедно, но со години не бевме согласни. Согласувањето е добра работа, светот сака да го види тоа“ – изјавил Трамп.

„Тет-а-тет“ состанокот меѓу Путин и Трамп се случува без присуство на било кое друго официјално лице или друга држава, покрај нив во просторијата се само преведувачите.

Американските медиуми навеле дека претседателот на САД категорично барал на разговорите да не присуствува никој.

Ѕанакопулос: Договорот ќе помине во Парламентот, во спротивно немаше да го потпишеме

Очигледно е дека договорот ќе помине  во грчкиот Парламент, во спротивно немаше да го потпишеме, вели портпаролот на грчката влада и министер без ресор, Димитрис Ѕанакопулос во интервју за грчкото радио Реал фм.

Како што јави дописничката на МИА од Атина, Ѕанакопулос објаснува дека грчката влада сака во Парламентот да има колку е можно поголемо мнозинство „за овој многу важен договорот, што на најдобар можен начин затвора едно 25-годишно прашање“.

-Господинот Каменос и Независни Грци доставија предлог во врска со потребата за едно проширено мнозинство во грчкиот Парламент, за 180 пратеници. Овој предлог е на маса. Грчката Влада ги очекува резултатите на референдумот и обидот за уставна ревизија и штом ова се заврши на позитивен начин, ќе го сториме она што го предвидува договорот, да го донесеме во грчкиот Парламент, борејќи се за колку е можно пошироко парламентарно мнозинство, кое според мое мислење, е можно да се постигне, рече Ѕанакопулос за грчкото радио. /МИА

Очите на целиот свет се вперени во нив: Почна самитот Трамп - Путин (видео)

Историскиот самит, само што започна во Хелсинки, откако рускиот и американскиот претседател седнаа пред новинарите.

Инаку Путин доцнел па целиот настан и тој е поместен за околу 20 минути.

Во пресрет на состанокот во четири очи, Трамп и Путин седнаа пред новинарите на кои на кратко им се обратија. Путин беше краток, изјавувајќи дека ќе разговаат за сите важни теми. За разлика од него, Трамп говореше нешто подолго, наведувајќи ги темите за кои има намера да разговара.

Според планот на самитот, Владимир Путин и Доналд Трамп ќе имаат отприлика околу три часа, колку што би требало да трае нивниот разговор, да ги “поминат“ сите теми кои се на маса.

Двајцата светски лидери ќе разговараат очи в очи, во финската Претседателска палата, здание од 19 век, кое своевремено била резиденција за руските цареви во Финска.

Од ситуацијата на Блискиот исток, пред се Сирија, улогата на Иран, потоа Украина, каде истокот на земјата го контролираат проруските сили, а тука се и западните санкции воведени кон Русија после анексијата на Крим, наводното руско мешање во американските избори, како и состојбата во која се наоѓа договорот за нуклеарно вооружување.

Инаку самитот во Хелсинки ќе биде четврта средба на претседателите Трамп и Путин од инаугурацијата на Трамп во јануари 2017 година.

И додека некои посматрачи гледаат предност во можното приближување на САД и Русија, други и понатаму се песимисти бидејќи сметаат дека нормализацијата на односите најмногу зависи од решавањето на три примарни прашања: истрагата на специјалниот обвинител Роберт Милер за руското мешање во американските избори, продолжувањето на санкциите спрема Русија и припојувањето на Крим кон Русија во 2014 година.

И пред да почне да разговара со Путин, Трамп на својот твитер налог напиша дека односите меѓу САД и Русија никогаш не биле полоши.

притисни ентер