Има или не конфликт на интереси во комисиите во министерството за култура?

Има или не конфликт на интереси со членовите на комисиите кои одлучувале за годишната програма на министерството за култура? Ако има, кој ќе ја понесе одговорноста?

За дел од правниците има, за министерството за култура нема конфликт на интереси во тоа што членови на комисии кои одлучувале за тоа кој ќе добие државни пари од министерството,  барале и добиле средства  во истиот конкурс. Адвокатот Давидивиќ  сметаат дека конфликт сепак има, а одговорност тербало да се бара и од министерот Алаѓозоски како потписник на конкурсот. Они пак кои не се задоволни колку пари добиле и како се тие  распределени можат да побараат и поништување смета адвокатот.

Реакција стигна и од Самостојниот синдикат за образование, наука и култура  од каде обвинуваат за нефукционалното трошење државни пари, обезбедени преку Министерството за култура за дел од проектите кои со ништо не ја отсликуваат, презентираат или воздигнуваат културата во земјава. Според СОНК, дел од проектите се сомнителни во оправданоста да бидат одобрени преку Министерството за култура, како и проекти кои се поднесени од членови на комисии и кои одлучуваат за доделување на средства за туѓи, но и за свои апликации.

Инаку,  вчера од култура ретерираа по објавувањето на информацијата дека Виган Максути од Тетово, кои во својата дискографија има песни за УЧК и Адем Јашари ќе добие од државата 300 000 денари, неместо 200 000 колку што побара. За овој случај имало техничка грешка, но ваква грешка немало во одлуката џез викендот во Прилеп, манифестација која е важна за градот, да и бидат доделени нула денари. Се жалат и од театарот во Куманово кои велат дека добиле премалку пари дури и за основно функционирање.

Оставка од  Алаѓозоски побара и музичарот Златко Ориѓански кој жестоко реагираше за тоа  кој се добил пари од министерството за култура. Во својот фејбук статус тој побара и кривична одговорност од министерот.


Нови субвенции за купување велосипеди и замена на водомери во општина Карпош

На денешната десетта седница на Советот на општина Карпош, советниците ја одобрија одлуката за добивање на финансиски средства, за замена на стари куќни водомери на со нови ултразвучни.

Водомерите ќе се интегрираат во системот на далечинско одчитување на системот на Јавното претпријатие „Водовод и Канализација“.

Градоначалникот на Карпош Стефан Богоев, нагласи дека ова е грант од ЕБРД преку Министерството за транспорт и врски кој ќе изнесува околу 200.000 евра.

Со овој проект би се опфатиле 500 куќни домаќинства.

На седницата исто така беше одобрена предлог-одлуката за субвенционирање на купување нови велосипеди. По масовниот интерес за првата ваква акција, во која беа предвидени 300.000 денари, локалната самоуправа продолжува со уште една ваква акција, во која се предвидени дополнителни 360.000 денари финансиски средства, со кои ќе се помагаат карпошани да купат нови велосипеди.

Советниците ги усвоија и Извештаите за работата во областа на детската, здравствената и социјалната заштита, културата и образованието. Исто така, се усвоија и Извештаите за работата во областа на заштитата и спасувањето, екологијата и енергетската ефикасност и работата на организација на Советот за периодот од 01.01 до 15.05 .2018 година.

На оваа седница, советниците го усвоија и предлогот за времено давање на недвижни ствари (простории на локалната самоуправа на надвозникот „ Влајко“) на Министерството за земјоделие на Република Македонија.

СДСМ :Криминалното и расипничко 11 годишно владеење на ВМРО-ДПМНЕ ги турна граѓаните и државата во сиромаштија и долгови

Денеска кога ВМРО-ДПМНЕ се обидува да глуми загриженост и да шири неточни, лажни вести треба да и биде јасно дека е прочитана од граѓаните а демантирана од фактите, реагираат од СДСМ на прес конференцијата на ВМРО- ДПМНЕ. .

Само последните три месеци од криминалното владеење на ВМРО ДПМНЕ донесоа пад на економијата од -1.3% во првиот квартал од 2017 година. За само неколку месеци, успешните економски политики на владата на СДСМ придонесоа во последното тримесечие од 2017 година да има раст од +1.3%.

Минималната плата порасна на 12.000 денари, се изедначи за сите индустрии и денес околу 90.000 семејства имаат повисоки плати. Тоа влијае и врз растот на просечната плата којашто според официјални податоци, во март 2018 година бележи раст од 5,6 отсто во однос на истиот месец од 2017 година.

Јавниот долг за првпат е намален по неколку години постојано зголемување, а намалена е и фреквенцијата на задолжување.

Фактите покажуваат дека промените носат економски напредок, раст, поголеми плати и подобар животен стандард за граѓаните.

ВМРО-ДПМНЕ останува заробеник на едно минато време и погрешни политики коишто граѓаните ги поразија. Опозициската партија се уште не може да собере сили да се реформира и да се профилира во сериозен, демократски политички субјект, со јасен политички профил и начин на дејствување, се наведува во реакцијата на СДСМ.

ВМРО- ДПМНЕ : Каде отидоа половина милијарда евра само изминатава година?

Откако само една година е на власт криминалниот картел на СДСМ народот пати од беда, а Република Македонија е во економска стагнација, рече на прес конференција портпаролот на ВМРО – ДПМНЕ , Димче Арсовски.

Економијата тоне, нема инвестиции, а за нови работни места не ни станува збор, нема ниту едно ново работно место отворено.

                    Зоран Заев пред изборите ветуваше дека економијата ќе била приоритет на неговата  влада, ветуваше 500 евра просечна плата, пари назад во џебовите на  граѓаните и дека ќе ја спречел тенденцијата на иселување на младите луѓе од државата, и сето тоа како што велеше со зачувување на 400 милиони евра годишно кои се  краделе од државата.

          Доколку ја земеме предизборната логика на  Зоран Заев како појдовна основа, тогаш се поставува логичното прашање каде завршуваат над 530 милиони евра годишно?

          Каде отидоа половина милијарда евра само изминатава година?  

          Заев и картелот на власт да кажат каде отидоа над 530 милиони  евра од Буџетот на државата, за да нема пари да се остварат проектите кои што ги ветија пред изборите?, прашуваат од ВМРО- ДПМНЕ.

         

притисни ентер