Политички потрес во Германија – Шулц поднесе оставка

Претседателот на Германските Социјалдемократи , Марти Шулц вечерва си поднесе неотповиклива оставка .
Во пресрет на партискиот конгрес , на кој членовите треба да се изјаснат дали да влезат во коалиција со десничарите од ЦДУ на Ангела Меркел , лидерто на СПД , Мартин Шулц Вечерва си поднесе неотповиклива оставка . Тој на прес конференција соопшти дека раководството на партијата едногласно ја именувало Андреа Налес за негов наследник .

Оставката на Шулц доаѓа само на три  дена по постигнатиот коалициски договор со десницата , во кој Социјалдемократите добиваат уште три министерства , меѓу кои и клучните , за финансии  , за надворешни работи и за труд .

По долгите преговори , остана само уште 460 000 партиски членови да се изјаснат за договорот.

Против коалицирањето со партијата на Ангела Меркел веќе се изјасни подмладокот на СПД.
Во петокот Шулц најави дека се откажува од местото Министер за надворешни работи во новата влада .

Канцеларката Ангела Меркел , која изјави дека биле направени големи отстапки од нејзина страна за да се формира коалициската влада , сега останува во неизвесна положба.

Меркел во неделата изјави и дека не е исклучено одржување на нови вонредни избори , доколку Социјалдемократите не го поддржат договорот постигнат со раководството на партијата .

Но , според Германските медиуми , новите избори би можеле да ја втурнат земјата во политичка и финансиска криза .

СДСМ :Криминалното и расипничко 11 годишно владеење на ВМРО-ДПМНЕ ги турна граѓаните и државата во сиромаштија и долгови

Денеска кога ВМРО-ДПМНЕ се обидува да глуми загриженост и да шири неточни, лажни вести треба да и биде јасно дека е прочитана од граѓаните а демантирана од фактите, реагираат од СДСМ на прес конференцијата на ВМРО- ДПМНЕ. .

Само последните три месеци од криминалното владеење на ВМРО ДПМНЕ донесоа пад на економијата од -1.3% во првиот квартал од 2017 година. За само неколку месеци, успешните економски политики на владата на СДСМ придонесоа во последното тримесечие од 2017 година да има раст од +1.3%.

Минималната плата порасна на 12.000 денари, се изедначи за сите индустрии и денес околу 90.000 семејства имаат повисоки плати. Тоа влијае и врз растот на просечната плата којашто според официјални податоци, во март 2018 година бележи раст од 5,6 отсто во однос на истиот месец од 2017 година.

Јавниот долг за првпат е намален по неколку години постојано зголемување, а намалена е и фреквенцијата на задолжување.

Фактите покажуваат дека промените носат економски напредок, раст, поголеми плати и подобар животен стандард за граѓаните.

ВМРО-ДПМНЕ останува заробеник на едно минато време и погрешни политики коишто граѓаните ги поразија. Опозициската партија се уште не може да собере сили да се реформира и да се профилира во сериозен, демократски политички субјект, со јасен политички профил и начин на дејствување, се наведува во реакцијата на СДСМ.

ВМРО- ДПМНЕ : Каде отидоа половина милијарда евра само изминатава година?

Откако само една година е на власт криминалниот картел на СДСМ народот пати од беда, а Република Македонија е во економска стагнација, рече на прес конференција портпаролот на ВМРО – ДПМНЕ , Димче Арсовски.

Економијата тоне, нема инвестиции, а за нови работни места не ни станува збор, нема ниту едно ново работно место отворено.

                    Зоран Заев пред изборите ветуваше дека економијата ќе била приоритет на неговата  влада, ветуваше 500 евра просечна плата, пари назад во џебовите на  граѓаните и дека ќе ја спречел тенденцијата на иселување на младите луѓе од државата, и сето тоа како што велеше со зачувување на 400 милиони евра годишно кои се  краделе од државата.

          Доколку ја земеме предизборната логика на  Зоран Заев како појдовна основа, тогаш се поставува логичното прашање каде завршуваат над 530 милиони евра годишно?

          Каде отидоа половина милијарда евра само изминатава година?  

          Заев и картелот на власт да кажат каде отидоа над 530 милиони  евра од Буџетот на државата, за да нема пари да се остварат проектите кои што ги ветија пред изборите?, прашуваат од ВМРО- ДПМНЕ.

         

Се воведува државна награда за Денот на албанската азбука

Собранието на Република Македонија во рамки на 46. седница попладнево ги донесе измените и дополнувањата на Законот за државните награди, по скратена постапка, предложени од владејачкото мнозинство.

Претходно беа донесени и измените на Изборниот законик, кој предвидува привремено решение за нов состав на Државната изборна комисија и други законски решенија. 

Со измените на Законот за државните награди се предвидува воведување уште државна награда за Денот на албанската азбука 22 ноември. Опозицијата беше против предлогот нагласувајќи дека има и други заедници кои имаат свои значајни денови, како Ромите, Турците... и оти не гледаат зошто измените се носат по скратена постапка. 

Законот за поддршка на млади при купување на музички инструменти беше поддржан од сите пратенички групи, но главната дебата меѓу пратениците се водеше за тоа кој го предложил овој закон. Опозицската ВМРО-ДПМНЕ тврдеше дека тоа била Владата на поранешниот премиер и поранешен нивни партиски претседател Никола Груевски во март 2016 година, додека пратениците од СДСМ тврдеа дека ова е комплетно нов закон и оти е предложен од актуелната Влада на премиерот Зоран Заев. 

Претходно беа донесени измените на Законот за животната средина, додека за Законот за заштита на природата и за Дополнетиот предлог закон за измените и дополнувањата на Законот за лекови и медицински средства по расправата не се гласаше поради немање кворум. Пратениците ги изгласаа и измените и дополнувањата на Законот за вработување на инвалидни лица, а во прво читање помина и предлог на закон за изменување на Законот за вработувањето и осигурување во случај на невработеност. 

Донесени беа и измените и дополнувањата на Изборниот законик со којшто се предвидува избор на привремен шестмесечен состав на Државната изборна комисија.

Потпретседателот на Собранието Горан Мисовски, кој ја води седницата во отсуство на претседателот Талат Џафери, кој е во посета на Србија, продолжението на 46. седница ја закажа за утре напладне. 

притисни ентер