Адвокатите алармираат : предлог – законот за нотаријат ќе удри по џебот на граѓаните

Предлог – законот за нотаријат ќе удри по џебот на граѓаните, алармираат адвокатите.
За склучен купопродажен договор во вредност од околу 50.000 до 80.000 евра, адвокатските и нотарските трошоци сега се најмалку 10.000 денари, а со измените, граѓаните ќе ја плаќаат истата сума и ќе немаат правна заштита.

Адвокатката Павлина Зефиќ вели дека со така целосно ќе се уништи адвокатурата, зашто предлозите на нотарската комора го промовираат надриписарството. Измените не се приоритетни, бидејќи ги немало во планот 3-6-9.

„Цената за еден нотарски акт којшто сега се предвиува со новите предлог измени, се движи од 8.000 до 60.000 денари во зависност од вредноста на предметот. Доколку се предвидува, онаа варијанта којашто ние како адвокати ја бараме, а тоа е договорите да ги составуваме, а нотарот само да ги потврдува во форма на јавна исправа, таа варијанта ќе биде многу поевтина“, изјави адвокатката Павлина Зефиќ

Адвокатите преку медиумите дознале дека премиерот Заев ќе има состанок со членовите од ресорот правда. Зефиќ јавно апелираше адвокатската комора да не отстапува од барањето за повлекување на предлог измените. Заев очекува прифатливо решение.

„Редот е прво да разговараме после правото на штрајк не им бега“, изјави премиеот Зоран Заев.

Опцијата за штрајк, адвокатите повторно ја разгледаа на нефомален состанок. Ако штрајкуваат, нема да се заврши ниту една правна работа.

„Тоа ќе значи штета на сите. Парализирање на целиот судски систем, на граѓаните и наш судир. Но, ние ќе направиме напор да не дојдеме до тоа, бидејќи во таква ситуација, нема да имаме корист“, изјави адвокатот Раде Јовчевски.

Според судиите на Светска банка за Југоисточна Европа, за трошоците пред нотар за долговите за сметки, Македонија е на второто место, после Латвија. Помалку трошоци имаат граѓаните на Словенија па на Хрватска, земји кои се во Европската унија. 

Сончево со мала до умерена облачност и температура до 34 степени

Времето во Македонија ќе биде сончево со мала до умерена облачност. Во западните делови значително облачно, попладне со појава на пороен дожд и грмежи.

Утринската температура ќе се движи од 14 до 19, а  дневната од 21 до 34 степени.

УВ-индексот ќе изнесува 8.

Во Скопје сончево со мала до умерена облачност. Утринската температура ќе се спушти до 16, а дневната ќе се искачи до 31 степен.

До петок во попладневните часови ќе има појава на локална нестабилност проследена со пороен дожд, грмежи и засилување на ветерот. Во петок кон крајот на денот ќе почне да дува засилен северозападен ветер кој ќе продолжи и во сабота и ќе услови значително опаѓање на температурата во наредните денови. За време на викендот ќе има локален дожд, но без грмежи, а од понеделник се очекува пооблачно време со пообилни врнежи од дожд.

Утре сончево со мала до умерена облачност

Утре ќе биде сончево со мала до умерена облачност.

Во западните делови пооблачно, попладне со појава на пороен дожд и грмежи.

Т-мин. од 11 до 19, а т-макс. од 26 до 34 степени. /МИА

Европол: Поголем број на терористички напади во ЕУ отколку во 2016 година

Бројот на џихадистички напади бил за 50 отсто поголем минатата година, во однос на 2016 година, соопшти денеска Европол.

Девет членки на ЕУ во 2016 година пријавиле 142 неуспешни напади, додека бројот на обиди за напад во 2017 бил 205, што е за 45 отсто повеќе.

Во вкупно 33 напади, кои се случиле, починале 68 лица, додека 844 биле повредени.

Мал раст бележат и нападите кои ги извршиле левичарските или анархистичките групи и поединци.

„Бројките во овој извештај не се само статистика. Не смееме да заборавиме, дека зад секој број стои барем една невина жртва. За да се бориме против тероризмот важно е да имаме оптимална размена на информации и точни податоци“ – изјавила извршната директорка на Европол, Катрин Де Бол.

Европол наведува и дека уапсени се 975 лица поради терористички активности – учество или подготвување на терористички напади, џихадистичка пропаганда или регрутирање, а најчесто се користени ножеви за нападите.

притисни ентер