Изнер ја комплетира листата полуфиналисти на Вимблдон

 Американскиот тенисер Џон Изнер е последниот полуфиналист на Грен слемот Вимблдон, откако синоќа го победи Милош Раониќ од Канада со 3:1, по сетови 6:7, 7:6, 6:4 и 6:3.

Изнер кој е деветти носител на турнирот з апротивник во полуфиналната пресметка ќе го има Кевин Андерсон.

Во другото полуфинале ќе играат Новак Ѓоковиќ и Рафаел Надал.

Двата меча на распоредот се утре, а за денеска се предвидени женските полуфиналиња. 

Вардар со рутинска победа против Стеауа

Екипата на Вардар вечерва оствари победа против Стеауа со 27-21 (15-11) во рамките на четвртото коло на СЕХА лигата.

Тимот на Роберто Парондо одигра колку што требаше за да победи во СЦ „Јане Сандански“, а во вториот дел тренерот им даде шанса на сите ракометари.Најдобар во нашиот тим беше Кисељов со пет голови, а голманот Милосављев имаше 11 интервенции.

Кај тимот Стеауа, Вегар заврши со шест, додека Хумет се истакна со пет погодоци.

Вардар по овој меч остана на врвот на табелата и е единствен со четири победи од четири дуели.

Во следното коло „црвено-црните“ повторно играат на домашен терен, откако на 2 октомври во Скопје го пречекуваме српскиот шампион Војводина.

Интер со пресврт до победа над Тотенхем, Барселона убедлива против ПСВ

Навивачите на Интер чекаа седум години да се вратат во Лигата на шампионите, а вечерва присуствуваа на вистинско шоу на „Џузепе Меаца“.

„Нероазурите“ победија со 2:1 против Тотенхем по драма и голови на Мауро Икарди (86) и Матијас Весино (93).

Пред тоа, Кристијан Ериксен донесе предност за тимот од Премиер лигата, кој играше доста подобро во поголемиот дел од дуелот и малкумина мислеа дека на крајот ќе си замине со празни раце.

Барселона го победи ПСВ со 4:0 во вториот дуел од групата „Б“, одигран на стадионот „Камп Ноу“.

Фудбалерите на тренерот Ернесто Валверде стигнаа лесно до победата, откако Лионел Меси запиша „хет-трик“, а еден погодок постигна Усман Дембеле

На тој начин, Барса ја предводи групата со три бода поради подобра гол разлика од тимот на Лучано Спалети. 

Анчелоти: Наша првична цел е да ја поминеме групата

 Тренерот на Наполи, Карло Анчелоти, трет пат во кариерата ќе има настап во Белград, во рамките на најквалитетното фудбалско натпреварување во Европа.

Претходните два пати на Анчелоти му донесоа среќа и тој стана шампион на Европа како играч и како тренер.

- Со Милан бев во Белград во 1988 година. Се сеќавам на маглата. Исто така се сеќавам и на 2006 кога се квалификувавме во Лигата на шампионите, а потоа станавме шампиони на Европа. Групата е тешка, но ние само гледаме како да поминеме во нокаут фазата. Важно е да играме како знаеме, изјави Анчелоти.

Почетокот е закажан за 21 часот. 

притисни ентер