Власта ќе слави в сабота, опозицијата ќе протестира в недела

Оценките во земјава и понатаму се поделени околу исходот на Самитот на НАТО. Власта го смета за историски успех и ќе организира прослави во сите поголеми градови, а опозциијата го смета за катастрофа и ќе протестира. 

Во сабота ќе се слави за НАТО, во недела ќе се протестира. Власта повика на прослави, опозицијата на протести. Ја добивме поканата да станеме сојузник на најсилните земји во светот, ги остваривме нашите заеднички стратешки цели, Mакедонија влегува во НАТО и чекори кон ЕУ , изјави денеска во Брисел премиерот Заев,  уверен и во позитивниот исход на референдумот. Верувам  дека граѓаните се најголемите поддржувачи на иднината на Mакедонија, рече Заев

Со условената препорака Македонската дипломатија крахираше и за тоа мора да се понесе одговорност, реагираа од опозициската партија. Во видео обракање лидерот на ВМРО-ДПМНЕ Мицкоски денеска  ги повика граганите на протест .

 овој сон на нашите граѓани кој почнува да се остварува, денес бара од нас да се обединиме околу евроатланска Македонија, се огласи лидерот на ДУИ Али Ахмети.поканата  претставува исклучително големо и значајно постигнување во однос на сигурната иднина на нашата земја, вели  Ахмети.

До полноправното членство во НАТО согласно заклучокот од Самитот од Македонија се очекува целосно да го реализира Договорот со Грција, шго подразбира успешен референдум и уставни измени, за кои е потребно двотретинско мнозинство. Претседателот Иванов остана на одлуката да не го потпишува законот за ратификација на Договорот со Грција. Од Претседателскиот кабинет засега нема реакција околу вчерашната одлука за пристапни преговори  за Македонија

Макрон го нападна Трамп : Нека продолжи да си игра политика

Францускиот претседател Емануел Макрон му одговори на Трамп и на неговата порака на Твитер дека е срамна идејата за создавање европска армија.

Макрон по нападите на Трамп рече дека две сојузнички земји како САД и Франција мора меѓусебно да се почитуваат и дека Франција е американски сојузник , а не вазалска држава.

Во пет постови на Твиртер вчера Трамп ја критикуваше Франција поради поразот што речиси го доживеале Французите во двете Светски војни , за ниската популарност на Макрон , па дури из а винската индустрија.

,,Мислам дека Французите не очекуваат да одговарам на твитови , туку да ја продолжам нашата важна историја.Мислам дека Трамп си игра политика и го пуштам да продолжи да си игра”, рече Макрон во изјавата дадена на носачот за авиони ,,Шарл де Гол”.

Во неделата американскиот претседател со сопругата беше гостин на Макрон на прославата на 100 годишнината од крајот на Првата светска војна во Париз.

Кувајт го забрани Достоевски

Кувајтските власти забранија книгите од рускиот класик Фјодор Достоевски да бидат изложени на Меѓународниот саем за книги , заедно со уште околу илјада наслови.

Директорот на фестивалот Саад ал Анзи изјави дека министерството за информирање забрани вкупно 948 наслови на книги. Меѓу забранетите книги се и ,,Браќа Карамазови “ од Достоевски , дело од 1880 година , кое ја опишува Русија и односите во нeа кон крајот на 19 век.

Достоевски е само еден од долгиот список забранети автори и книги во Кувајт , каде во подем е конзервативната струја во општестовото наспроти досегашните либерални ставови.

Министерството за информирање за последните пет години забранило над 4 000 книги , меѓу кои и ,,Ѕвонарот на Богородичната црква” од Виктор Иго и ,,Сто години самотија “ од Габриел Гарсија Маркез.

Сите книги кои ќе бидат изложени на саемот прво ги прегледува цензорска комисија , како што предвидува кувајтскиот закон. На удар на истиот закон , донесен во 2006 се навреди кон исламот и правосудството , закани за националната безбедност, повикување на немири и неморални чинови.

Два пати во септември се одржаа протести на активистите поради се пожестоката цензура.  

Чешкиот премиер одбива да поднесе оставка за киднапирањето на синот

Премиерот на Чешка, Андреј Бабиш е под силен притисок на јавноста , откако оваа недела се појавија наводи за киднапирање на енговиот син и за корупција .

Бабиш ги отфрла овие наводи и вели дека неговиот син никогаш не бил киднапиран.

,, За жал тој е болен човек. Тоа се лаги и ќе докажам дека е така.”, рече Бабиш. Неговата изјава дојде по состанокот со министерот за внатрепни работи Јан Хамацек , кој побарал одговори од него.

Тој ги отфрлил барањата за оставка и уверувал дека синот од првиот брак е болен од шизофренија , која може да доведе и до халуцинации.

На почетокот на неделава медиумите објавија изјава на синот на Бабиш , каде тој наведува дека соработник на татко му на сила лани го однел на Крим. рекол и дека му се заканил дека татко му ќе го затвори во психијатриска клиника.

Бабиш вели дека синот живее во Швајцарија , дека е ментално болен и сам ја напуштил Чешка. Признал дека синот бил во Украина и на Крим , но не кажал како стигнал таму . Бабиш ги обвинил медиумите дека се ,,како хиени и повикуваат на линч”.

Бабиш ,64 годишниот милијардер со големо бизнис царство минатата година беше избран за премиер на Чешка.

притисни ентер