Македонија

Заев апелира до пратениците да се сподели одговороноста за влез во ЕУ и НАТО

Во собраниската Комисија за уставни прашања, премиерот Зоран Заев уште еднаш апелираше до пратениците од ВМРО-ДПМНЕ да гласаат за уставните измени и да се изјаде консензус и единство за прашањето поврзано со влез во ЕУ и НАТО. 

- Да се обидеме да се исправиме пред одговорноста и одлуките. Секој со своите ставови. Кажано е се, се повторуваат ставовите, но прашањето е дали можеме да изградиме консензус, единство, нешто зад кое ќе застанеме заедно, рече Заев додавајќи дека НАТО и ЕУ се речиси единствените работи и политички и етнички што не обединуваат.

Прашањето, според него, е што ќе правиме со НАТО и со ЕУ ако ја пропуштиме и оваа шанса.

- Никој не го чепка името Македонија. Се појаснува името Македонија. Да, гордост е на сите нас. Го појаснуваме, го дефинираме. Знам дека никој нема територијални аспирации. И знам дека сите сме демократи луѓе. Знам дека си ја сакаме Македонија и сакаме да биде признаена од сите. И знам дека одговорноста за НАТО и за ЕУ е на сите, рече Заев.

Кажа дека разговарал со сите пратеници и дека знае дека на огромен број од пратениците од опозицијата тешко им паѓа помислата да се испушти оваа шанса.

- Подобар договор нема. Дајте да видиме можеме ли со уставниот закон да промениме нешто што оди паралелно за да може да ги приближиме ставовите. Можеме ли некако да го зацврстиме тоа со идентитетот и со јазикот, да разговараме со нешто што ќе не сплоти, но дефинитивно НАТО и ЕУ остануваат нешто што политички не држи заедно. Воопшто договор не е возможен. Да ја осигураме и обезбедиме иднината и на сегашните и на идните генерации, дајте со одговорноста да се носиме. Без опозицијата ние не можеме ништо да направиме во Парламентот. Не можеме. Имаме пратеници, немаме двотретинско мнозинство, рече премиерот.

Повторно апелираше до пратениците.

- Имаме време и сега, имаме време и на пленарната седница. Граѓаните ќе бараат одговори, ќе одминат месеци, денови и години. Дали сме биле на нивото на историската одговорност сите, со сите свои одговорности кои и политички ги носиме. Немам проблем за политичката одговорност. Ја ставам на маса каква и сака нека е. Дај да ја обезбедиме оваа држава. Да ја обезбедиме заедно. На ова прашање не личи заедно. Апелирам да размислиме до самиот крај на носењето на одлуките, рече Заев.

Реплики предизвика обраќањето на пратеникот Трајчо Димков од ВМРО-ДПМНЕ, за кого Предлогот за пристапување кон уставни измени е непрецизен и нејасен и побара да не се злоупотребува волјата на граѓаните, посочувајќи на резултатите од референдумот. Негова, како што кажа, замолница е да се седне да се разговара и владејачките партии и опозицијата да најдат начин како да се излезе од оваа ситуација. Не е добро, според него, барањето на сила нешто да се направи, со „закрвавувања, омраза“...

- Бришете се што е македонско, македонската историја, не само на Егејска Македонија туку и на тукашната рече Димков.

Министерот за надворешни работи Никола Димитров во однос на референдумот праша на кој народ се повикува ВМРО-ДПМНЕ и кој глас посилно се слуша: тој на над 609.800 кои гласале за, тие што гласале против 37.700 или граѓаните што молчеле.

- Како ќе го чуеме гласот на граѓаните што молчеле. Значи побаравме совет од граѓаните, не добивме целосен совет, бидејќи излезноста не е постигната. Меѓутоа, гласноста е 610.000 наспроти 38.000, а се друго е молк. Со РМ владеат 610.000 и на парламентарни и на локални избори. Ке има прилика и ќе зборувам за одговорност, а пред сите нас бидејќи мислам премногу имаме „вие“ и „ние“, а премалку ги имаме реалниот контекс и иднината на нашата, рече Димитров.

Вие кажавте, одговори Димков, дека референдумот не е успешен, а имаме и изјава од ДИК.

- Имате најголема одговорност, можеби најхрабар сте, можеби единствен, вие, што се потпишавте на тој договор. Вие ќе си го носите товарот на вашиот попис, рече пратеникот на ВМРО-ДПМНЕ.

Иван Стоиљковиќ од Демократската партија на Србите во Македонија во дебатата предложи Собранието да иницира донесување одлука резултатот од референдумот на 30 септември да се тргне настрана, бидејќи тоа е еден од кумулативните услови за грчката страна да го ратификува Договорот од Преспа во нивниот Парламент. Посочи на опасност дека овој Договор би можел да ја доживее судбината на Времената спогодба од 1995 година. Стоиљковиќ укажа дека пратениците во своите одлуки можат да се водат од законите и Уставот.

Заев на ова кажа дека за да не дојде до оваа ситуација, ќе решаваат институциите и дека затоа беше донесена одлуката референдумот да биде консултативен. Според него, пратениците не се далеку од договор само доколку сакаат заедно да ја споделат одговорноста.

- Дајте да го направиме квантниот скок, рече премиерот Заев.

Во една од репликите Илија Димовски од ВМРО-ДПМНЕ кажа дека тој не памети покомплицирана состојба во државата од оваа. Укажа на проблемите што, според него, ќе се појават во грижата на нашата земја за Македонците во светот и во соседството.

Самка Ибраимовски од Партијата за целосна еманципација на Ромите, рече дека ќе ги поддржи уставните измени и оти Ромите, кои ги претставува во Парламентот, секогаш биле за ЕУ. Ова, според него, е голема шанса што не смее да се пропушти. Првпат, како што рече, сите соседни земји пријателски се настроени кон Македонија. Ги повика пратениците од ВМРО-ДПМНЕ, како што рече да не ставаат „сопки“.

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер