-Европските лиги остро се спротивставуваат на создавањето на затворен франшиза систем на Суперлига. Домашниот фудбал е срцето на играта низ Европа, за фудбалерите, клубовите и навивачите, порачаа претставниците на Здружението на европските лиги(ЕЛ).
Во ова здружение кое ги претставува 25 европски лиги учествуваат и англиската Премиер лига, германската Бундес лига и шпанската Ла Лига.
Според здружението формирањето на Суперлига би имало трајни и сериозни импликации во долгорочната одржливост на професионалниот фудбал во Европа.
Лигите го подржуваат Европскиот спортски модел кој се темели на пирамидална структура е дополнето во соопштението.
Минатата недела беше објавено дека водечките европски клубови планираат во 2021 година да формираат Суперлига.
Во затворената Супер лига би играле Реал, Барселона, Манчестер Јунајтед, Барен М . Јувентус, ПСЖ, Сити, Ливерпул и Милан, како основачи и поканетите гости, Атлетико Мадрид, Борусија Д. Олимпик, Марсеј, Интер и Рома.