Здравје

Научниците докажаа : Јадењето црвено месо го зголемува ризикот од рак на дојките

Новата студија , на која тим научници работеле осум години , покажа дека конзумирањето црвено месо за 23% го зголемува ризикот од појавата на рак на дојките.

Со студијата , објавена во стручното списание International Journal of Cancer, научниците сакале да ја откријат поврзаноста меѓу конзумирањето црвено месо и појавата на рак на дојката на 42 012 жени во САД. Развојот на состојбата бил следен во просек 7,6 години, а учесници во испитувањето биле жени на возраст од 35 до 74 години кои имале барем еден случај на рак на дојка во семејството. За време на споменатиот период, биле дијагностицирани 1536 инвазивни карциноми на дојка.

Тим научници предводени од епидемиолог од универзитетот Колумбија, Џејми Ј Ло, откриле дека жените кои консумираат повеќе црвено месо, повеќе од една четвртина килограм или повеќе на ден, се изложени на 23 проценти поголем ризик од развој на инвазивен карцином на дојка во споредба со жените кои не консумираат црвено месо. Во исто време, месото од живина имало 15 проценти помал ризик за развој на рак на дојка во споредба со жените кои јаделе помали количини.

Поточно, студијата утврдила дека ризикот од карцином на дојка е многу помал кај жените кои го заменуваат месото со живина како пилешко, мисиркино, од патка, гускино месо за разлика од оние кои јаделе црвено месо - говедско, телешко, свинско, јагнешко и месо од дивеч.

Набљудуваниот однос не се сменил дури и кога истражувачите пресметале дополнителни фактори што може да влијаат на резултатите, како што се семејна историја на карцином на дојка, дебелина на женските субјекти, фреквенција на физичка активност, метод на подготовка на месо и консумација на алкохол.

Шоу биз

Стивен Спилберг откри за кој филм жали

Иако денес важи за еден од најуспешните режисери кои некогаш живееле, Стивен Спилберг зад себе има филмови за кои и денес жали.

И покрај тоа што работел на хорор филмовите „Jaws“ и „Poltergeist“, Спилберг смета дека вториот филм од серијата Индијана Џонс, „Indiana Jones and the Temple of Doom“, е премногу мрачен и не се гордее со тоа.

- Не бев задоволен од „Temple of Doom“. Беше премногу темно, премногу таинствено, премногу застрашувачко. Мислам дека беше пострашно од „Poltergeist“ – изјави Спилберг, пренесе „LADbible“ и додава „Нема ни зрнце мои чувства во „ Temple of Doom “. Проблемот со правењето продолженија е што не можеш да им угодиш на сите“.

Извор: Аваз

Здравје

САД ќе инвестираат милиони долари да се спречи ширењето на птичјиот грип кај стоката и луѓето

Американската сојузна влада планира да потроши милиони долари за спречување на ширењето на птичји грип во стадата и фармите за млеко за да се спречи вирусот да мутира и се прошири меѓу луѓето, изјави денеска службено лице.

Според експертите, вирусот моментално циркулира низ пилешките фарми и говедата меѓутоа неодамнешното префрлање на вирусот и кај млечните крави е причина за узбуна бидејќи постои загриженост дека колку подолго се шири меѓу животните може да ги инфицира и луѓето.

-Нашата мисија е да го запреме ова како настан исклучиво поврзан со животните. Конечно, сакаме да го елминираме вирусот во индустријата и со текот на времето да развиеме вакцина за да спречиме уште една појава на N5H1 во стоката, изјави денеска министерот за земјоделие Том Вилсак.

Инвестицијата доаѓа по критиките од страна на јавните здравствени експерти до владата дека не се тестира доволно стока или работници изложени на инфицираните стада, со што се загрозува способноста на САД брзо да одговори на мутациите на вирусот. Според новиот план, владата ќе ги компензира оштетените фармери за трошоците поврзани со вирусот и ќе ги финансира напорите за негово лоцирање и следење.

Досега е забележан само еден случај на човек заразен од птичји груп, и тоа во Тексас, каде првпат беше регистрирана епидемија меѓу млечни крави.

Сега, со новите напори за лоцирање на вирусот Министерството за земјоделие (УСДА) објави дека четири дополнителни стада во Мичиген и едно во Колораде се тестирани позитивни за птичји грип со што сега се инфицирани се вкупно 42 стада во девет држави. /МИА

Свет

Белгија: Помош од 9 мил. евра за санирање на оштетената енергетска инфраструктура на Украина

Белгија ќе додели дополнителна помош од девет милиони евра за да помогне во санирањето на оштетената енергетска инфраструктура во Украина, објави денеска белгиската министерка за развојна соработка Каролин Женез.

„Со помош на ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воената поддршка, и овие средства ќе помогнат да се изгради отпорноста на Украина", рече министерката.

Според нејзините зборови, Белгија ќе одвои средства за поддршка на проекти во рамките на Програмата за развој на Обединетите нации, што е специјализирана за економски развој. /МИА