Полицијата уапси 40-годишен маж од Бангкок на 10 јануари, кого првично го именуваше само како Апичаи , пишува „Бангкок пост“. Неговиот вистински идентитет наскоро беше откриен, а тоа е Апичаи Онгвизит, богат наследник од Бангкок.Жртвата е идентификувана како 22-годишна Варинторн Чајахт, со прекар Кики, со кого биле во врска.
Онгвизит е уапсен во неговиот дом, а полицијата го пронашла телото на 22-годишно девојче завиткано во пластична кеса и фрлено во езерце.
Нуркачите го пронашле нејзиниот скелет завиткан во облека и ќебе.
Истрагата наскоро откри дека неколку жени кои го познавале убиецот неодамна исчезнале, вклучувајќи ги и неговите девојки и проститутки, изјави началникот на полицијата Џиракрит Јарунат.
Езерцето било полно со месојадни риби што се хранеле со телата на жртвите.
Семејство кое живее во близина на имотот на Онгвизит смета дека телото на нивната исчезната 12-годишна ќерка може да биде и во езерцето.
При првичното пребарување на езерцето, полицијата пронашла скоро 300 коски.
Остатоците биле испратени во болницата „Сирирај“ на судско вештачење, а полицијата смета дека тие припаѓаат на најмалку три лица.