Македонија

Андоновска: Бујар Османи ја искористува позицијата министер за собирање предизборни поени

Министерот за надворешни работи, Бујар Османи ја искористува позицијата на министер за собирање на поени како канидат за претседател на Република Македонија.

Министерот за надворешни работи, Бујар Османи ја искористува позицијата на министер за собирање на поени како канидат за претседател на Република Македонија, вели носителката на пратеничката листа на коалицијата „Храбро за Македонија“ во изборната единица еден, д-р. Добрила Андоновска во гостување во „Само вистина“ на Канал 5 телевизија. Андоновска смета дека Отворен Балкан е добра организација, од која Македонија и граѓаните имаат придобивки.

-Ако имате недостиг на лекари во југот на Србија, можат нашите лекари да одат да работат таму, или обратно. Добивка има пазарот на труд, значи за ситни политички поени пред избори не треба да се искористуваат овие прашања, истакна Д-р. Андоновска.

- Јас сум апсолутно сигурна дека сами можеме да изградиме систем, без Европската унија, а најголемите партии кои 30 години се менуваат во Македонија имаа време да спроведат реформи. Имаа и време и луѓе, а тоа што не успеаја е загуба за сите граѓани, истакна Андоновска.

- Три основни столба, од кои мислам дека секој човек што ќе има можност да направи во Република Македонија, се образованието, здравството и судството. Ние имаме едно образование како што имаме, тотално руинирано здравство и судство.

Во образованието, самите вработени во високото образование бараат реформи во однос на апсолутна нивна автономија, кадровска автономија, немаат млади кадри за да се напредува во научна смисла. Одредени катедри имаат нула, или еден или два асистенти. Мора да генерираме квалитетни кадри.

Во однос на судството повторно се почнува од чесни и компетентни личности, не партиски личности, знаеме кај нас како се бираат судиите, знаеме како се елиминираат квалитетни кадри од ЈО, кадешто имавме една одлука дека е дискриминирана една кандидатка во однос на мајчинство, затоа што е мајка на две близначиња. За какви реформи ние во судството зборуваме? Треба да се руши системот за да изградите нов систем, нас системот ни е веќе до дното. Има можност со чесни кадри да се поправи тоа, вели д-р Андоновска.

Таа истакна дека ГРОМ и коалицијата „Храбро за Македонија“ е против промена на Уставот со цел внесување на Бугарите во Уставот доколку не се затвори целиот пакет за бугарското прашање.

- Ние како коалиција сме против внесување на Бугарите во Уставот, ако не биде комплетно затворен целиот пакет во смисла на националните прашања и јазикот. Проблемот со јазикот е тоа што источните соседи велат дека зборуваме бугарски дијалект и дека сме нација од 1944 година, тоа никогаш не може да помине кај македонскиот надор, тоа што двете големи македонски и сега и албански партии го заговраат, сите ќе ги внесат Бугарите без да го затворат комплетниот пакет, само едните пред, а другите по изборите. Тоа е умирање на рати, значи можете да умрете веднаш, а ова е умирање на рати. ВМРО-ДПМНЕ кокетира затоа што знае дека евроскептицизмот расте, вели Андоновска. Отворање на Уставот е отворање на Пандорината кутија, вели Андоновска.

Македонија

Јојуз: Тврдам дека на крај сите ќе одат на „баци рака' кај Мицкоски

„ВМРО-ДПМНЕ ќе ги потпише уставните измени“

ВМРО-ДПМНЕ е апсолутен победник на овие избори, не е камелеон партија, најбројна е и најорганизирана, имаат програма, има економска програма за разлика од сите нив што немаат ниту една и тврдам дека на крај сите ќе одат на „баци рака' кај Мицкоски. Но, тука ќе се отвори Пандорината кутија дента кога ќе победи ВМРО-ДПМНЕ. Во таа Пандорина кутија тие преферираат да имаат коалиција со ВРЕДИ со тоа што цело време ја користат синтагмата „бугарски диктат“ и тука оправдување ќе им биде дека сега е т.н. европски диктат и тоа ќе им служи како изговор. Во политиката нема ништо случајно, рече Агим Јонуз во Само Вистина.

Свет

Хамас тврди дека САД му вршат притисок да го прифати договорот со Израел

Блинкен претходно неколку пати го повика Хамас да ја прифати понудата на Израел да ја прекине војната и да ги ослободи заложниците.

Високиот функционер на милитантната група Хамас, Сами Абу Зухри, денеска изјави дека американскиот државен секретар Ентони Блинкен врши притисок врз Хамас да ги прифати барањата на Израел во преговорите за прекин на огнот и ослободување на заложниците.

- Коментарите на Блинкен се спротивни на реалноста. Тоа не е чудно за Блинкен, кој е познат како министер за надворешни работи на Израел, а не на Америка, да дава такви изјави, ја пренесуваат светските медиуми изјавата на Абу Зухри која тој ја дал за Ројтерс.

Тој додаде дека „дури и израелскиот преговарачки тим признал дека Нетанјаху е тој што го попречува постигнувањето договор“.

Блинкен претходно неколку пати го повика Хамас да ја прифати понудата на Израел да ја прекине војната и да ги ослободи заложниците, опишувајќи ја како „исклучително дарежлива“, додека Абу Зухри рече дека групата сè уште ја проучува понудата./МИА

Македонија

Пандов: ВМРО-ДПМНЕ нема да гласа за уставни измени под бугарски диктат

„Имаме цврста намера и желба да направиме коалиција со ВРЕДИ“

Мицкоски го доживувам како политичар од 21-от век и не сме оптеретени со национализам, што јас го нарекувам шовинизам. Пораките се дека Македонија треба да се врати во рацете на народот, Историски гледано ВМРО-ДПМНЕ и со ДПА и со ДУИ имало коректна коалиција, но ДУИ се повампири во времето на Заев и работите ги доживуваат низ признма на бизнис и пари и така ја гледаат државата. Не прифаќам дека нема нова понуда, Мицкоски има земено кај себе многу млади кадри и тие луѓе не се бирани за да дојдеме на власт и да ги фатиме фотењите. Идејата е Македонија повторно да биде горда, имаме во секое село Албански комитети, има бошњаци, роми, власи. Мораме да го причекаме 8 Мај да видиме што ќе каже семафорот, очекувам да добиеме 58-60 пратеника. Имаме цврста намера и желба да направиме коалиција со ВРЕДИ, веруваме на нивната желба тие да го променат ДУИ. ВМРО-ДПМНЕ нема да гласа за уставни измени под бугарски диктат тоа значи дека историската комисија може да разговара, но тоа да не биде услов за отворање поглавја со ЕУ, рече Александар Пандов во Само Вистина.

притисни ентер