Свет

Австрискиот монструм Фрицл, сака да биде ослободен и да ужива во Шкотска

Јозеф Фрицл, осуден силувач кој на својата ќерка и направи седум деца, неодамна изјави дека кога ќе биде слободен, би сакал да живее во Австрија или евентуално да емигрира во Велика Британија.

По оваа информација се огласи и министерот за внатрешни работи кој остро ја осуди неговата намера.

„Џозеф Фрицл е „чудовиште“ на кое никогаш не требаше да му се дозволи да го оствари својот сон да влезе во Британија“, вели министерот за внатрешни работи Џејмс Клеверли.

Клеверли рече дека секој обид на австриски сексуален престапник да дојде во Британија ќе биде одбиен. Фрицл претходно зборуваше за својата желба „слободно да шета“ по шкотските висорамнини доколку биде ослободен од затвор.

Фрицл, кој сега има 88 години и боледува од деменција, беше затворен во 2009 година затоа што ја држеше својата ќерка Елизабет во заробеништво 24 години во подрумот на својот дом во Амштетен, околу 80 милји западно од австриската престолнина Виена.

Со текот на годините, тој постојано ја силувал својата ќерка и со неа имал седум деца. Тој е осуден на доживотен затвор и моментално се наоѓа во Штајн.

Според најновиот психијатриски извештај, било откриено дека Фрицл повеќе не претставува закана за јавната безбедност и рекол дека сака да емигрира во Британија кога ќе биде ослободен. Покрај „дивите височини“, тој зборуваше и за „зелените широки полиња на Велс“.

„Ова чудовиште никогаш нема да дојде во нашата земја. Секој обид за патување во Британија ќе биде одбиен - како што би било за секој кој е осуден за сериозни сексуални престапи како што е овој“, рече министерот.

Насоките на Обединетото Кралство, воведени во јануари 2021 година, наведуваат дека на странски државјанин „нормално“ би му била одбиена виза доколку сторил прекршок за кој се казнува со затворска казна од 12 месеци или повеќе.

„Пополнет сум со ова прекрасно, возвишено чувство, ова чувство на инспирација за оваа фантастична култура. И тогаш знаев дека кога ќе бидам ослободен, не сакам да останам во Австрија, туку сакам да емигрирам во Обединетото Кралство. Пред сè, сакам слободно да шетам по дивите висорамнини на Шкотска. За мене, бујните зелени полиња во Велс се исто така многу, многу примамливи. Но, главната работа е да одам во Обединетото Кралство“, изјавил Фрицл за The Sun.

Окружниот суд во Австрија го одобри барањето на Фрицл да биде префрлен во редовен затвор во јануари, но подоцна беше поништено. Новата одлука за трансферот се очекува следниот месец откако понискиот суд ќе утврди повеќе факти за случајот.

Фрицл ја чувал Елизабета како сексуална робинка во куќата уште од нејзината 18-та година. Неговите грозоморни злосторства биле откриени кога едно дете, родено како последица на инцест, било однесено во болница бидејќи животот му бил во опасност.

Фудбал

Реал се откажа од трансферот на Дејвис

Лидерот во шпанското првенство Реал Мадрид ги прекина преговорите за потписот на дефанзивецот на Баерн Минхен, Алфонсо Дејвис во претстојниот летен преоден рок, објавија денеска шпанските медиуми.

Според „Релево“, Реал ги променил приоритетите во плановите за засилување на одбранбената линија пред почетокот на следната сезона.

Реал постигна вербален договор со левиот бек Дејвис, но приоритетна трансфер цел на Кралскиот клуб во дефанзивата сега е централниот бек на францускиот Лил, Лени Јоро.

Според медиуми, Дејвис би можел да му се приклучи на Реал, но по крајот на следната сезона, кога му истекува договорот со Баерн.

Македонија

Трипуновски: Извршивме порибување на рекреативната зона акумулацијата Градче со 185кг крап

Извршивме порибување на рекреативната зона акумулацијата Градче со 185кг подмладок на крап.

Дополнителниот заменик министер за земјоделство, шумарство и водостопанство Цветан Трипуновски денеска е во работна посета на Кочанскиот регион и општина Чешиново-Облешево каде што оствари повеќе средби со земјоделците од овој регион, но исто така изврши и порибување на акумулацијата Градче.

Денеска заедно со пратениците, градоначалникот и концесионерот извршивме порибување на акумулацијата Градче со 185 килограми подмладок на крап. Подмладокот е обезбеден од репро центарот Акватика и истиот поседува здравствен сертификат, порибувањето се изврши во присуство на инспектор од Државниот инспекторат за земјоделство. - изјави Трипуновски.

Порибувањето се врши се со цел одржување на рибниот фонд во акумулациите ширум територијата на Република Македонија и овозможува одржување на водниот свет како и можност за рекреативен риболов.

Зачувување на рибниот фонд во Република Македонија е еден од приоритетите на ВМРО-ДПМНЕ и во иднина ќе извршиме порибување и на останатите акумулации за да го зачуваме еко системот и рибниот фонд во Република Македонија.

Свет

Шпански новинари потпишаа манифест во одбрана на премиерот Санчез и неговата сопруга

Шпански новинари потпишаа манифест во одбрана на премиерот Санчез и неговата сопруга, која е под истрага за корупција.

Илјадници шпански новинари јавно изразија поддршка на премиерот на земјата Педро Санчез, кој објави дека ги суспендира своите јавни активности поради истрагата против неговата сопруга Бегоња Гомез за трговија со влијание и корупција.

Санчез, кој в понеделник треба да ја соопшти одлуката за тоа дали ќе остане на функцијата, ги обвини истражителите за неосновани напади под влијание на десничарските и екстремно десничарските политички противници.

Како поддршка на Санчез, неколку илјади новинари потпишаа онлајн-манифест во кој се вели дека „нападот на медиумите и екстремно десничарските функционери во судството против сопругата на премиерот е нов обид да се поткопа со незаконски средства народната волја изразена на изборите“.

„Долупотпишаните новинари го повикуваат граѓанското општество да се приклучи на овој манифест и да се мобилизира на социјалните мрежи и на улиците против ова антидемократско безобразие“, се вели во манифестот.