Други спортови

Бах: Повеќе од десет држави кандидати за организација на ОИ 2036

Шефот на Меѓународниот олимписки комитет, Томас Бах (ИОК) е убеден дека иднината на олимпиското движење никогаш не била посветла, бидејќи кандидатура за организација на Олимписките игри во 2036 година поднеле двоцифрен број држави.

Наспроти заканите предизвикани од климатските промени, допингот со помош на вештачка интелигенција или е-спорт натпреварувањата, шефот на Меѓународниот олимписки комитет, Томас Бах (ИОК) е убеден дека иднината на олимпиското движење никогаш не била посветла, бидејќи кандидатура за организација на Олимписките игри во 2036 година поднеле двоцифрен број држави.

Бах, 70-годишен поранешен германски олимписки мечувалец, го предводи МОК од 2013 година, кога интересот за организација на Олимписките игри беше на историски најниско ниво поради честите скандали околу трошоците и корупцијата.

Намалената привлечност на Игрите беше очигледна за време на кандидатурите за Летните игри 2024 и 2028 година, кога имаше само двајца кандидати, Париз и Лос Анџелес.

Игрите во 2032 година оттогаш се доделени на австралискиот град Бризбејн, а Бах во изјава за француските медиуми обелодени дека двоцифрен број земји се натпреваруваат за Игрите во 2036 година.

Според медиумите, меѓу земјите кандидати се и Саудиска Арабија и Катар, но Бах не сакаше да ги коментира амбициите на двете спортски сили од Персискиот залив.

„До овие игри има само 12 години, па рано е да се коментираат какви било интереси“, рече Бах.

Свет

Шукри: Израелската воена операција во Рафа создава сериозни безбедносни ризици

Шукри во телефонскиот разговор со Блинкен ја истакнал и потребата од обновување на испораката на хуманитарна помош за Појасот Газа.

Шефот на египетската дипломатија, Самех Шукри, денеска телефонски му соопштил на американскиот државен секретар Ентони Блинкен дека актуелната израелска воена операција во Појасот Газа, а особено во пограничниот град Рафа, создава „сериозни безбедносни ризици“, јавија британските медиуми.

Шукри во телефонскиот разговор со Блинкен ја истакнал и потребата од обновување на испораката на хуманитарна помош за Појасот Газа.

Двајцата разговараа и за израелското заземање на граничниот премин Рафа од палестинска страна, се додава во соопштението на египетското Министерство за надворешни работи. /МИА

Регион

Маринакис: Грција е многу силна за да се исплаши од настани како оној на Рама во Атина

Рама вчера беше во приватна посета на грчката метропола во рамките на неговата турнеја во неколку европски земји со цел да се сретне и да им се обрати на неговите сонародници.

Грција е многу силна за да се исплаши од ваков настан. Законски беше невозможно да се забрани, истакна портпаролот на грчката Влада Павлос Маринакис на денешниот редовен брифинг со новинарите во однос на вчерашниот собир во Атина на албанскиот премиер Еди Рама за Албанците кои живеат во Грција, јави дописничката на МИА од Атина.

-Не постоеше никаков начин грчката страна да забрани приватна посета на еден странски лидер. Оние кои го тврдеа ова не ни го кажаа начинот. Тоа беше приватна посета во рамките на турнеите на господинот Рама вон Албанија. Негов беше изборот. Ниту се стремевме кон тоа, ниту го организиравме, ниту беше билатерална средба. Но, не можевме ниту да го забраниме, објасни Маринакис.

Рама вчера беше во приватна посета на грчката метропола во рамките на неговата турнеја во неколку европски земји со цел да се сретне и да им се обрати на неговите сонародници и во затворена спортска сала во атинска населба одржа митинг на кој присуствуваа над 6.000 Албанци кои живеат во Грција. /МИА

Свет

Русите тврдат дека влегле во Вовчанск, Украина негира, но оцени дека „ситуацијата е тешка“

Русија тврди дека нејзините сили влегле во градот Вовчанск во североисточниот дел на границата, во близина на вториот по големина град во Украина, Харков.

Украина потврди дека Русија денеска ги интензивирала копнените операции кон Харков, напаѓајќи нови области со мали оперативни, борбени групи за да го прошири фронтот и да ги истроши украинските сили, но не и дека руските војници влегле во Вовчанск.

Гувернерот на Харковската област Олех Сињехубов оцени дека „ситуацијата е тешка“.

Според него, од петокот руските војници влегуваат во Украина во близина на Харков, отворајќи нов североисточен фронт во војната која се води главно на исток и југ речиси две години.

„Непријателот се обидува намерно да ја истегне линијата на фронтот, напаѓајќи во мали групи, но во нови насоки. Ситуацијата е тешка“, изјави гувернерот Сињехубов. /МИА

притисни ентер