Живот

Братче и сестриче загинаа на роденденска забава- во куќата им влетала пијана жена со автомобил

Маршела Чидестер (66), која е обвинета за убиство на две деца кога со својот автомобил влетала во куќа во која се одржувала роденденска забава во Мичиген, наводно страдала од „напад сличен на епилепсија“.

Маршела Чидестер (66), која е обвинета за убиство на две деца кога со својот автомобил влетала во куќа во која се одржувала роденденска забава во Мичиген, наводно страдала од „напад сличен на епилепсија“, што било наведено во нејзина одбрана од нејзиниот адвокат.

Обвинетата пред судот се појавила со гипс на десната рака поради повреда која наводно ја здобила за време на инцидентот.

Во трагичниот настан загинаа Лана (8) и Зејн (5), додека нивната мајка Марија Додс и постариот брат Џејден се борат за живот.

Осомничената жена е во притвор по несреќата и на барање на семејството на жртвите ѝ е одредена кауција од 1,5 милиони долари. Нејзиниот адвокат, Били Коловос, побарал од судијата да ѝ ја намали кауцијата на 100.000 долари поради здравствени проблеми како што е „напад сличен на епилепсија“ што го имала минатиот ноември, пишува Дејли Меил.

Адвокатот исто така тврдел дека испила „само една чаша вино“ четири часа пред несреќата.

"Таа не е чудовиште. Страшно е тоа што се случи, но има некои работи врз кои немаме контрола", рекол адвокатот во одбрана на жената.

Исто така, Били истакнал дека нема историја на несовесно возење или сообраќајни казни. Сепак, извештаите покажуваат дека жената не покажувала знаци на „епилептични“ напади пред несреќата и дека нејзиното ниво на алкохол во крвта било „значително над дозволената граница“.

На суд сведочел тетката на децата, Ракел Смаутерс. Таа рече дека имало забава кога Чајдестер ги убил нејзината внука и внук.

"Тие седеа на масата и јадеа, а оваа жена влезе со својот автомобил во куќата и ни ги уништи животите. Никој никогаш не треба да оди на роденден мислејќи дека ќе умре", рекла тетката Ракел.

Да потсетиме, страшниот настан се случил кога жена поради несовесно возење наводно во алкохолизирана состојба го пробила ѕидот на зградата во која се одржувал детски роденден. Во инцидентот се повредени уште 15 лица, меѓу кои и осум деца.

Свет

Зеленски до Парламентот поднесе предлог-закон за продолжување на мобилизацијата

Украинскиот претседател Володимир Зеленски денеска до Парламентот на Украина, Врховната Рада, поднесе предлог-закони за продолжување на вонредната состојба и периодот на општа мобилизација.

Во Врховната Рада се регистрирани предлог-закони „За продолжување на вонредната состојба во Украина“ и „За продолжување на периодот на општа мобилизација“, пренесува Украинформ.

Во образложението на предлог-законот пишува дека се работи за продолжување на општа мобилизација и вонредна состојба за 90 дена, од 14 мај, кога истекува претходното продолжување од 14 февруари.

Македонија

Николоски од Прилеп: Очекувам во 4 изборна единица ВМРО-ДПМНЕ да освои помеѓу 13-14 пратеници

Би сакал да ги поканам сите жители на 4-тата изборна единица и на цела Македонија, а особено жителите на општина Прилеп и соседните општини, од општината Кукуречани, општината Могила, Новаци, Битола да ни се приклучат вечерва тука на плоштадот .

Би сакал да ги поканам сите жители на 4-тата изборна единица и на цела Македонија, а особено жителите на општина Прилеп и соседните општини, од општината Кукуречани, општината Могила, Новаци, Битола да ни се приклучат вечерва тука на плоштадот во 20:30 часот и заеднички да ја затвориме досега најуспешната кампања за ВМРО-ДПМНЕ.

Не случајно тоа го правиме во Прилеп. Затоа што Прилеп е од огромно значење за сите нас, и ќе следи голем инвестициски циклус по завршување на изборите во кој што ќе се решат бројни инфраструктурни прашања во самиот град и во населените места кои што гравитираат кон градот. Градот инфраструктурно ќе се врзе со реална изградба на експресниот пат Прилеп – Градско, а не со монтирани видеа со вештачка интелигенција. Ќе се изгради и автопат од Прилеп до Битола и Меџитлија, пругата ќе стане многу побрза и многу покористена помеѓу Прилеп, Битола и Солун.

Ќе доаѓаат и странски инвестиции, ќе се стимулираат домашните. И многу битно ќе има одговорност за сите што прават криминал и во Прилеп, и во Македонија.

Кампањата помина за нас исклучително успешно. Очекуваме масовна референдумска излезност во среда на осми мај. И ги повикувам сите граѓани да излезат и да гласаат. Потребна е најголема излезност досега за најголема победа за ВМРО-ДПМНЕ, за Христијан Мицкоски премиер, за Гордана Силјановска Давкова претседател на Македонија и за Влада која што нема никој да ја уценува.

Затоа посакуваме 61 пратеник, а ќе си дозволам еве првпат пред медиумите да кажам што очекувам во 4-тата изборна единица, досега во кампањата тоа не го кажувам експлицитно и очекувам ВМРО-ДПМНЕ да освои најмногу пратеници досега и најмногу гласови досега, а тоа е зависно и од малце среќа и од Донтовата формула да имаме помеѓу 13 - 14 пратеници за ВМРО-ДПМНЕ.

Александар Николоски, потпретседател на ВМРО-ДПМНЕ и носител на изборна единица 4

Центар за комуникации на ВМРО-ДПМНЕ

Свет

Данскиот крал Фредерик Десетти во прва официјална посета на Шведска

Данскиот крал Фредерик Десетти и неговата сопруга кралицата Мери денеска ја посетија Шведска, што е нивна прва официјална посета во странство откако станаа монарси во јануари годинава.

Кралската двојка беше свечено пречекана во Стокхолм од принцезата Викторија и нејзиниот сопруг Даниел, како и шведскиот крал Карл Шеснаесетти.

Со данските монарси во посета на Шведска се и данските министри за одбрана и за надворешни работи, а најавен е состанок со шведскиот премиер Улф Кристерсон и со претседателот на шведскиот Парламент, Андреас Норлен.

притисни ентер