Регион

Хоспитализиран таткото на Новак Ѓоковиќ, Срѓан!!

Срѓан,таткото на најдобриот светски тенисер Новак Ѓоковиќ итно е примен во болница!

Таткото на најдобриот светски тенисер Новак Ѓоковиќ денеска е примен во Ургентниот центар! Информацијата ја пренесе Курир, а според Информер, таткото на првиот светски рекет го повредил рамото и затоа бил хоспитализиран!

Според информациите, повредата на Срѓан Ѓоковиќ настанала откако паднал додека ги хранел птиците. Во таа прилика тој паднал од столот и ги повредил рамото .

Во раните попладневни часови е примен на одделението за ортопедија и се чувствува добро.

- Точно е дека Срѓан Ѓоковиќ е примен во болница. Моментално е на ортопедско поради повреда на рамото. Во моментов се следи состојбата и се вршат сите потребни испитувања - вели извор на Информер запознаен со целиот случај.

Рекордерот по број на освоени Грен слем турнири, придружуван од неговиот брат Марко, денеска околу 13 часот и 30 минути дошол во Ургентниот центар каде што бил примен неговиот татко.

Срѓан Ѓоковиќ при падот ја скршил надлактицата и утре ќе биде опериран за што поскоро санирање на повредата.

Македонија

Потсекретарката на Стејт департментот Елизабет М. Ален доаѓа во Западен Балкан

Потсекретарката на Стејт департментот за јавна дипломатија Елизабет М. Ален ќе ги посети Босна и Херцеговина, Србија, Косово и Република Македонија за време на нејзината осумдневна посета на Западен Балкан.

„Посетата, која ќе трае од 12 до 20 мај, е со цел да ги продлабочиме партнерствата со земјите од Западен Балкан и да ги унапредиме нашите заеднички цели за регионална соработка и европска интеграција. Потсекретарката Ален ќе ги нагласи основните демократски вредности што ги споделуваме со луѓето од Западен Балкан и важноста да работиме заедно за да ги заштитиме слободните и отворени општества од злонамерни влијанија“, се вели во соопштението.

Турнејата на Ален ќе почне во Сараево, потоа следуваат Белград и Приштина, и ќе заврши во Скопје.

Потсекретарката на Стејт департментот за Скопје ќе се сретне со експерти за странско злонамерно влијание, стои во соопштението.

„Во однос на културната различност и богатото наследство на Македонија, потсекретарката Ален ќе го посети античкиот римски форум во Стоби, каде што поддршката на американската влада преку Фондот на амбасадорите за зачувување на културата помага да се зачува еден од највредните археолошки локалитети во Македонија. Додека е таму, таа ќе разговара со локалните партнери за потенцијалот на проектот за понатамошно проширување на економскиот развој, туризмот и врските меѓу луѓето“ информира Стејт департментот. /МИА

Македонија

Деспотовски: Се остави и впечаток дека СДСМ е во подредена позиција на самата влада

„ Премногу долго време се остави да биде приоритет да биде темата за уставните измени и да биде доминантна во јавноста“

Почнавме процес на анализа за историскиот пораз. Премногу долго време се остави да биде приоритет да биде темата за уставните измени и да биде доминантна во јавноста притоа знаејќи дека исходот нема да се случи. Темите поврзани со економијата и борбата со корупцијата беа потиснати во втор план. Се остави и впечаток дека СДСМ е во подредена позиција на самата влада. Перцепцијата дека играме подредена улога во сопствената влада е цената која ја плати СДСМ. Дозволивме таква перцепција да се створи во јавноста и таа перцепција постои и треба да се дискутира за тоа, а тука го изгубивме и фокусот на кадровските прашања, рече Јован Деспотовски во Само Вистина.

Свет

Зеленски разреши висок функционер во разузнавачката служба на Украина

Претседателот на Украина, Володимир Зеленски, го разреши Андриј Алексејенко, првиот заменик-шеф на Службата за надворешно разузнавање на Украина, а за негов заменик го назначи Олег Луговски.

„Со указ бр. 319/2024, претседателот го разреши Андриј Алексејенко, првиот заменик-шеф на Надворешната разузнавачка служба на Украина“, објавено е на веб-страницата на претседателот на Украина.

Андриј Алексејенко беше прв заменик-шеф на Службата за надворешно разузнавање од 27 ноември 2017 година./МИА