НЛБ Банка како дел од регионална Групација која оперира на 6 различни пазари во рамки на регионот на Југоисточна Европа (Словенија, Босна и Херцеговина, Црна Гора, Косово, Северна Македонија и Србија), веќе четврта година по ред го реализира проектот „Рамка за помош“. Станува збор за иницијатива која има за цел да ги помогне и промовира иновативните проекти кои го подобруваат и збогатуваат нашето општество и овој пат решаваат предизвици како што се на пример: прекумерна употреба на дигитални технологии кај младите луѓе, врсничко насилство, кршење на човековите права, родова еднаквост, сиромаштија, како и предизвици поврзани со деменција и други болести на стареењето на населението.
Веќе четврта година НЛБ Банка успева да одржи континуитет во рамки на еден цел регион. Нивната порака е дека единствено заедно можеме да се справиме со клучните предизвици со кои се соочуваме во општеството, односно дека секој треба да соработува и активно да придонесе за решенија.
Во рамките на „Рамка за помош“, оваа година се даде одлична можност на оние кои работат за доброто на луѓето, односно беа избрани 10 финалисти од нашата земја, но и на секој поединечен пазар каде што работи НЛБ Групацијата, а секој од нив ќе биде награден со финансиска и комуникациска поддршка.
Потоа, регионалната комисија ќе избере 3 победници на проектот, од 60- те финалисти од Словенија, Босна и Херцеговина, Црна Гора, Косово, Македонија и Србија. Добитниците ќе бидат објавени на 9-ти мај 2024-та година во Љубљана, а ќе добијат значајна финансиска поддршка која ќе им овозможи полесно да ја реализираат својата визија и да почнат да ги менуваат општеството и светот на подобро.
Во продолжение, Ви го претставуваме проектот ИНКЛУЗИВНА ГРИЖА на Сашко Јованов од Здружение за подршка и развој “ХУМАНОСТ”
Проектот „Инклузивна грижа“ пред се е креиран од потребите на заедницата ( клучните чинители, образовниот систем и семејствата на лицата со попреченост) и истиот има за цел да воспостави иновативен центар за дневен престој кој ќе ги задоволи потребите на лицата со попреченост ( деца, млади и возрасни) во Демир Капија. Препознавајќи ја итната потреба за инклузивни и поддржувачи средини, нашиот центар се стреми да направи значајна разлика во животот на лицата со попреченост обезбедувајќи им средина за поддршка и зајакнување каде што ќе можат да напредуваат, растат и да го постигнат својот максимален потенцијал. Центарот за дневен престој пред се ќе ги задоволи пропишаните нормативи и стандарди согласно со законските и подзаконските акти и истиот ќе нуди низа сеопфатни услуги кои ќе бидат приспособени за да ги задоволат различните потреби на лицата со попреченост. Ова вклучува помош за лична нега, исхрана, потребите за учење, обезбедување моторна и говорна терапија. пат ќе се воспостави и треба да биде пример и водилка за во иднина. Тимот кој ќе биде вклучен во проектот е составен од струни работници (социјален работник, дефектолог, логопед, асистенти, раководител) и професионалци во областа на социјалната заштита за воспоставување и испорака на оваа социјална услуга. Воспоставувањето на ваквиот тип на социјална услуга е за првпат на територија на општина Демир Капија и е во корелација со мапираните потреби на градинката, основните училишта, семејствата и самата заедница
Зошто е меѓу избраните?
Психосоцијалната грижа за лица со попреченост и нивните семејства е голем проблем во земјава. Стигмата од зедницата доведува до исклучување на лицата со попреченост и нивните семејства од редовните животни текови и социјални збиднувања, а инклузијата на лицата со попреченост станува предизвик. За жал, државата нема систем за одговор на овие предизвици, но за среќа постојат организации кои ги адресираат потребите на оваа маргинализирана група и кои треба да се поддржат.