Македонија

Изборите во Македонија во фокусот на регионалните и светските медиуми

Ден по изборите во земјава, додека на адреса на ВМРО – ДПМНЕ и Гордана Силјановска Давкова се редат честитки по двојната победа изборите, соседна Бугарија ги повтори позициите.

Без да честита било кому, бугарскиот претседател Румен Радев, коментирајќи го исходот од изборите, порачува наскоро ќе видиме по кој пат ќе тргне земјата.

Очекувал да се да случат уставните измени, а Македонија да ги почитува принципите на добрососедство, Копенхашките критериуми и да стави крај на како што потенцира, говорот на омраза.

„Како што беше со претседателите Ѓорѓе Иванов и Стево Пендаровски, така ќе биде и со Гордана Силјановска Давкова. Како што беше со СДСМ, така ќе биде и со ВМРО- ДПМНЕ. Но јас мислам дека е крајно време, и тоа ќе се види многу брзо дали новиот претседател и партијата која извојува победа на изборите ќе работат за европската перспектива или ќе тргнат по некоја друга насока.“ - изјави Румен Радев – Претседател на Бугарија.

Официјална Атина засега воздржана за коментар. Владиниот портпарол Павлос Маринакис на брифинг со новинарите рече дека ќе ги почекаат позициите на новата македонска влада, а потоа ќе коментираат, нагласувајќи дека очекува Преспанскиот договор да биде почитуван.

Први доцна синоќа двојната победа на ВМРО-ДПМНЕ и Силјановска Давкова им ја честитаа, српскиот претседател Александар Вучиќ и унгарскиот премиер Виктор Орбан на социјалните мрежи.

„Убеден сум дека ќе продолжиме да работиме заедно за зајакнување на врските меѓу Србија и Македонија за таа цел на напредокот и благосостојбата на нашиот народ, како и на просперитетот на целиот регион“ – напиша - Александар Вучиќ – претседател на Србија во својата честитка.

Заслужена и историска победа за ВМРО ДПМНЕ и Силјановска, се вели во честитката на Орбан, а со свои очекувања излезе и еврокомесарот за проширување, Вархеји.

„Со нетрпение очекувам да работиме заедно за да дадеме нов поттик на процесот на пристапување на Македонија до ЕУ!“, се додава во честитката на - Виктор Орбан – Премиер на Унгарија.

„Со нетрпение очекувам да работиме со претседателката Гордана Сиљановска Давкова на забрзување на потребните реформи за да се придвижи напред процесот на пристапни преговори“ – порача утрово еврокомесарот за проширување и соседска политика Оливер Вархеји во својата честитка и до новоизбраната претседателка и до ВМРО – ДПМНЕ.

Честитки упатија и хрватскиот премиер Андреј Пленковиќ, екс словенечкиот премиер Јанез Јанша, евроамбасадорот во земјава Дејвид Гир, на кои Силјановска Давкова им возврати со јавна благодарност.

Свет

Хамнеи прогласи петдневна жалост во Иран поради смртта на Раиси

Хамнеи прогласи петдневна жалост во Иран поради смртта на Раиси кој загина во пад на американски хеликоптер.

Врховниот лидер на Иран, ајатолахот Али Хамнеи денеска прогласи петдневна национална жалост поради смртта на иранскиот претседател Ебрахим Раиси кој загина во хеликоптерска несреќа.

Хамнеи претходно изјави дека првиот потпретседател на Иран Мохамед Мохбер е одговорен за извршната власт и оти има рок од 50 дена за одржување претседателски избори.

Според Уставот, во случај на смрт на иранскиот претседател, првиот потпретседател ја презема функцијата шеф на државата во текот на 50-дневен преоден период до одржување на избори, што е предмет на одобрение од иранскиот врховен лидер, кој го има последниот збор во сите државни прашања.

Хеликоптерот во кој загина Раиси беше американски Бел (Bell) 212 кој го развила компанијата „Bell Helicopter“ за канадската армија во доцните 1960-ти како надградба на оригиналниот UH-1 Iroquois.

Цивилната верзија на тие хеликоптери од ерата на Виетнамската војна беше во широка употреба низ целиот свет и ја користат и влади и приватни оператори. Хеликоптерот беше претставен во 1971 година и набргу потоа почна да се користи во САД и Канада, според американски документи за воена обука.

Хеликоптерот Бел 212 е прилагодлив на сите типови ситуации, вклучително и превоз до 15 луѓе, распоредување на воздушна противпожарна опрема, транспорт на товар и монтирање оружје.

Иранскиот модел што се урна вчера беше модифициран за да носи државни функционери. Хеликоптерите Бел 212 ги користат, меѓу другите, крајбрежната стража на Јапонија, агенциите за спроведување на законот во САД, полицијата во Тајланд. Иранското воздухопловство и морнарица имаат вкупно 10 вакви хеликоптери, а не е познато колку летала од овој тип користи иранската влада. Во последната несреќа во Иран со хеликоптер Бел 212, што се случи во 2018 година, загинаа четири лица.

Шоу биз

Фото: Елегантната Деми Мур блеска во Кан!!

Холивудската ѕвезда Деми Мур блесна во фустан поради кој сите се едногласни во ставот, дека само вака се доаѓа во Кан!!!!

Познатата актерка е главна ѕвезда на филмот „The Substance“ кој вчера премиерно беше прикажан на Канскиот фестивал.

Убавата актерка на црвениот тепих во Кан се појави како вистинска дива.

Канскиот фестивал е во полн ек, а вчера се одржа премиерата на филмот „The Substance“, во кој главната улога ја има холивудската дива Деми Мур.

Познатата актерка пред премиерата на филмот прошета на црвениот тепих во елегантен фустан со кој уште еднаш потсети зошто е една од најубавите и најдобро облечените дами во светот на славните.

Таа позираше пред претставниците на медиумите во елегантна креација со потпис на модната куќа Скиапарели, тоалет во боја на шампањ.

Забава

Фото: Олимписка шампионка се соблече за роденденот!!

Руската уметничка лизгачка Алина Загитова вчера го прослави својот 22 роденден.

Најпознатата Татарка објави фотографии од роденденот во Дубаи, а на радост на голем број обожаватели атрактивната Алина се сликала на јахта во костим за капење.

Загитова е единствената уметничка лизгачка во историјата која ги освоила сите светски титули во уметничко лизгање.

Алина е олимписка шампионка во поединечна конкуренција, светски и европски шампион, победник на финалето на Гран при, шампион на Русија.