Свет

Избрани се сите 12 поротници за судењето на Трамп

Адвокатите во историскиот кривичен судски процес против Доналд Трамп избраа 12 поротници да одлучат за неговата вина или невиност во наредните недели.

Адвокатите во историскиот кривичен судски процес против Доналд Трамп избраа 12 поротници да одлучат за неговата вина или невиност во наредните недели во случајот што вклучува плаќања на ѕвезда од филм за возрасни за да се зачува тајноста, објави Ројтерс.

Адвокатите на одбраната и обвинителството сè уште треба да изберат алтернативни поротници за судењето, прво во кое што е обвинет поранешен претседател на САД.

Претходно, судијата што го надгледува судењето разреши една поротничка која рече дека се чувствува заплашена бидејќи некои лични информации станале јавни.

Судијата Хуан Мерчан, исто така, ослободи друг поротник, откако обвинителите рекоа дека тој можеби не ги открил претходните судири со законот.

Преголемото присуство на Трамп во јавноста создаде уникатни проблеми за време на процесот на избор на поротата, што започна во понеделникот.

Околу половина од првите 196 поротници прикажани на силно демократскиот Менхетен беа отпуштени откако рекоа дека не можат непристрасно да судат за вината или невиноста на републиканскиот политичар.

Критиките на Трамп кон сведоците, обвинителите, судијата и нивните роднини во овој и други случаи, исто така, предизвикаа загриженост за вознемирување, што го натера Мерчан да наложи делумна наредба за замолчување.

Мерчан отфрли поротничка која рече дека се чувствува заплашена откако семејството, пријателите и колегите заклучиле дека е избрана за судењето.

„Не верувам дека во овој момент можам да бидам фер и непристрасна и дека надворешните влијанија нема да влијаат на моето одлучување во судницата“, рече поротничката.

Трамп, републиканскиот претседателски кандидат до претседателските избори на 5 ноември, исто така се соочува со кривични случаи во Вашингтон, Џорџија и Флорида, но случајот во Њујорк е единствениот кој сигурно ќе оди на суд оваа година.

Официјални лица вклучени во тие случаи пријавиле дека добивале смртни закани и малтретирање откако биле критикувани од Трамп.

Трамп рече дека не е виновен во сите четири случаи и без докази тврди дека тие се дел од пошироките напори на сојузниците на демократскиот претседател Џо Бајден да ја ослабат неговата кандидатура.

Осудата нема да го спречи да ја преземе функцијата претседател на Соединетите Држави.

Свет

Судири во Истанбул меѓу полицијата и демонстрантите кои го одбележуваат 1 Мај

Турската полиција интервенираше за да спречи групи кои сакаат да стигнат до плоштадот Таксим во Истанбул за да учествуваат во демонстрации по повод Меѓународниот ден на трудот, 1 Мај, кои се забранети од властите, објави турскиот весник „Хуриет“.

Дојде до судирите меѓу полицијата и демонстрантите и дел од нив се приведени.

Турските власти претходно оваа недела објавија дека ги забрануваат првомајските демонстрации на централниот плоштад Таксим во Истанбул и предупредија на планирани терористички напади во метрополата за празникот.

Во различни делови на Турција вчера беа приведени 58 осомничени откако беше утврдено дека учествувале во подготовка на провокации по повод Денот на трудот, а денеска следуваа серија нови апсења на 41 лице во акција против Исламската држава.

Во рамки на мерките за 1 мај, од утрото се затворени патиштата кон централниот истанбулски плоштад Таксим. Властите идентификуваа вкупно 40 места во Истанбул за одржување настани по повод Денот на трудот, чие обезбедување ќе го следат над 42.000 полицајци. /МИА

Здравје

15 годишник најмлад пациент со мозочен удар

25 илјади пациенти во статистиката биле запишани дека минатата година имале мозочен удар.

15 годишен пациент е најмладјиот на клиниката за неврологија. Неврохирургот Рендевски вели дека бројката се зголемува и на клиниката за неврохирургија, но и расте бројот на мозочни удари и кај млади луѓе. Причина за мозочните удари се нерегуларниот висок притисок. Емотивниот стрес, големата количина на храна со сол е причина за високиот притисок. Неврохиругот Рендевски вели дека многу често високиот крвен притисок се игнорира но последиците се големи и со ризик за губње на живот. Она што е важно е лекувањето по хеморагичните мозочни удари. Неврохирургот Рендевски и биологот Алексовски со години ја истражуваат маркерките кои по прележаниот удар покажуваат како ќе се лекува пациенотот. Преку математички формули определуваат како биомаркерите влијаат вра развојот на отокот по ударот.

Истражувањето е објавено во престижното медицинско списание Интеч Опен во Лондон го објави истражувањето „Двете страни на глутаматот“ маркер кој е најодговорен за лекувањето по прележан удар.

Рендевски и Алексовски веруваат дека со развојот на ова истражување ќе се направи фокус во лекувањето кај пацинтите со мозочен удар.

Македонија

Утре нов обид да се намалат ценита на осигурителните полиси

Утре во министерството за финасии ќе има нов состанок каде повторно ќе се разговара, дали граѓаните ќе продолжат да плаќаат за 15% повисоко на осигурувањето за регистрација на возилата.

Одлуката доаѓа откако и покрај предлогот на финасии да останат старите цени пред 25 Април осигуртелние компании наплатуваат по повиски цени. По утрешниот состанок се очекува да се достави предлог со цени до владата за формирање на нов тарифник со кои ќе се влијае на намалување на цените. Владата ќе ја донесе конечната одлука на седница кои цени ќе останат. Според извори од Агенцијата за супервизија со податоци за Канал 5 објаснуваат зошто цените на задолжителната автомобилска одговорност не треба да се зголемат.

Според добиените податоци, за 2023 година за штети осигурителните компании исплатиле 39,3 милиони евра што претставува само 45%од парите наплатени од осигурениците. Додека наплатата била 65милиони евра. Во однос на претходниот тренд бил дека осигуртелните компании исплаќале и до 50% од собраните средства. Вкупно за 2023 година се исплатени над една милијарда денари провизии за продажба на автомобилско осигурување. Доколку останат цените што ги одредило Националното биро, сопствениците на возила со моќност на моторот од 44 до 55 киловати наместо 5.453 денари, сега за осигурување ќе треба да платат 839 денари повеќе, односно 6.292 денари. Најголемо зголемување на цената на осигурителната полиса ќе почувствуваат сопствениците на возила со помоќен мотор. Над 1300 денари повеќе ќе платат возачите чии коли се со моќност од 84 до 110 кв, додека пак над 1500 денари повеќе ќе ги чини осигурувањето тие кои поседуваат автомобил со моќност на моторот од над 110 киловати.

Оправдувањето на осигурителните компании одлуката за зголемување на цената на осигурителната полиса за 15,4 ‘ ја оправудваат дека повеќе од десет година цената не е промената, а трошоците им се зголемиле.