Ракомет

Ја завршува кариерата еден од најдобрите светски ракометари: Се повлекувам по Олимпијадата

Еден од најдобрите ракометари на сите времиња, Микел Хансен (36) ќе ја заврши кариерата по Олимписките игри ова лето, објави данската ТВ2.

Неговиот клуб Алборг за утре свика прес-конференција на која се очекува оваа информација и официјално да биде потврдена.

Легендарниот Данец ќе игра до крајот на оваа сезона во која досега со Алборг стигна до четвртфиналето од Лигата на шампионите, а потоа олимпискиот турнир во Париз ќе значи и збогување со активниот ракомет. Така, Игрите во Париз ќе го означат крајот на кариерите на двајца вистински ракометни великани, бидејќи покрај Хансен таму ќе се прости и Никола Карабатиќ.

Да потсетиме дека Хансен веќе накратко ја прекина кариерата минатата година. Тој се пензионираше во февруари поради стрес, но оваа сезона се врати на терените како играч на Алборг, на кој му се приклучи во 2022 година. Пред тоа играше за ГОГ, Барселона, Копенхаген и ПСЖ.

Хансен освои олимписко злато и сребро со репрезентацијата на Данска, три пати беше светски првак и двапати вицешампион. Покрај тоа, тој има и едно европско злато, две сребрени и една бронза. Три пати беше прогласуван за најдобар ракометар во светот (2011, 2015 и 2018 година). Сепак, тој се уште ја нема освоено Лигата на шампионите.

Свет

Ирачкиот премиер изрази сочувство до иранскиот народ

Ирачкиот премиер Шија ал-Судани изрази солидарност со иранскиот народ по смртта на Ебрахим Раиси.

„Со длабока тага и жалост ја примивме трагичната вест за смртта на претседателот на Исламската Република Иран, Ебрахим Раиси, министерот за надворешни работи, Хосеин Амир Абдолахиан и нивните придружници, како последица на несреќа во северен Иран“, наведе Ал Судани.

„Изразуваме искрено сочувство до врховниот лидер на Исламската Република Али Хамнеи и до нацијата на Иран, нејзината влада и народ. Ја изразуваме нашата солидарност со братскиот ирански народ и со претставниците на Исламската Република за време на оваа болна трагедија“, додаде ирачкиот премиер.

Свет

Мадуро изрази сочувство до Иран за „безусловниот пријател“ Раиси

Венецуелскиот претседател Николас Мадуро изрази сочувство до Иран и неговиот врховен лидер Али Хамнеи, велејќи дека Ебрахим Раиси е „безусловен пријател“ на Венецуела.

„Топла прегратка од Боливарската Република Венецуела. Ти, Иран, си пример за достоинство, морал и отпор“, напиша Мадуро во објавата на социјалните мрежи.

Македонија

Царинска управа: Одземена дрога испратена во мала пратка и огнено оружје од скопјанец

Одземени се 30 грама дрога и пиштол од скопјанец, по заедничка акција на инспектори од Одделението за истраги при Царинската управа и крим полицијата при МВР.

Дрогата е откриена при претрес на лицето извршен откако истото подигнало пратка во Пошта пристигната од Германија. Во координација со дежурен јавен обвинител, инспектори од Секторот за контрола и истраги заедно со припадници од МВР извршија и претрес во домот на лицето каде е пронајден пиштол кој е одземен од страна на царинските инспектори, соопшти Царинската управа.

Против лицето ќе биде поведена кривична пријава до Основното јавно обвинителство.

притисни ентер