Македонија

На првиот ден од мај променливо облачно и топло, попладне локален дожд

Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи.

Минималната температура ќе биде во интервал од 6 до 12, а максималната ќе достигне од 20 до 27 степени.

Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени.

Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.

Дневната температура од четврток до сабота ќе биде во постепено опаѓање.

Свет

Неверојатна сцена: Девојки по сообраќајка, облеани во крв си прават селфи (ВИДЕО)

Бизарна сцена е снимена во мексиканскиот град Куернавака, каде две девојки доживеале тешка сообраќајна несреќа.

Без разлика на повредите и тоа што се облеани во крв, тие решиле да го овековечат моментот и - да позираат за селфи.

Неверојатната сцена е снимена неколку моменти по несреќата, односно откако излегле од превртениот автомобил, пренесува The Sun.

Гледаме девојки како седат на тротоар и позираат за социјалните мрежи. Во заднина е удрено возило со скршени стакла.

Се испоставило дека едно од девојките е тешко повредено и не може да оди. Откако направиле селфи, им пришол полицаец.

На една од снимките, која заврши на мрежите, гледаме друга девојка како прави селфи покрај возило на брза помош, опкружена со лекари и полицајци.

Настраданите се пренесени во болница, додека властите ги истражуваат деталите за несреќата.

Македонија

Вечерва во Кавадарци победничка еуфорија пред утрешниот натпревар на „Тиквеш“

Победничка еуфорија пред утрешниот историски натпревар!

Не постои кавадарчанец, кој е рамнодушен за овој натпревар. Сите од срце посакуваме победа!

ЛОЗАРИ само не потсетуваат и ни покажуваат што треба да се случи утревечер!

Сите сме за Тиквеш!, ечеше низ Кавадарци вечерва.

Фудбал

На Клоп му аплаудираа сите, освен најскапиот фудбалер на Ливерпул (ВИДЕО)

Јирген Клоп, сега поранешниот менаџер на Ливерпул, беше испратен во последното коло од Премиер лигата на прекрасен начин од навивачите, клупскиот персонал и играчите.

Една од почестите за Клоп беше шпалир, а сите играчи на Ливерпул му аплаудираа освен еден - уругвајскиот напаѓач Дарвин Нуњез.

Нуњез е играчот за кого Ливерпул плати највисока сума за дојдовен трансфер - 85 милиони евра. Но, незадоволството на Уругваецот растеше во текот на сезоната. Во еден момент од Инстаграм ги избриша сите фотографии на кои е во дресот на Ливерпул, пишуваше дека се скарал со Клоп и дека на лето ќе го напушти клубот.

притисни ентер