Македонија

Османи и Маричиќ со спротивни ставови за „Опен Балкан“ и за резолуцијата за Сребреница

Коалициските партнери во владата со различни ставови за резолуцијата за геноцидот во Сребреница и Отворен Балкан.

Шефот на дипломатијата и кандидат на ДУИ за Претседател Бујар Османи вели дека како министер има право да одлучи за поддршка на резолуции и токму затоа му дал инструкции на амбасадорот во Обединетите Нации да гласа за резолуцијата. Реакциите од Србија смета дека не се основани и повика на помирување на балканот. Вицепремиерот Бојан Маричиќ пак, вели дека Македонија уште во 2010 година го осудила геноцидот во Сребреница. Вината според него треба да биде индивидуална, а не колективна.

-Одлуката, ко-спонзонирањето е одлука на министер за надворешни работи и како министер сум дал инструкции до нашиот амбасадор во ООН да биде ко-спонзор и да ја поддржи резолуцијата. / Навистина не очекував, дури сум малку и шокиран од реакциите на дел од граѓаните кои мислам дека се поттикнати од одредени политички партии. Не смееме да реагираме на тема геноцид во Сребреница, бидејќи ова прашање влегува во делот на негирањето на геноцидот што е забрането. Јас ги донесувам тие одлуки, јас на дневна одлука носам одлуки за прифаќање или одбивање на резолуции. - Бујар Османи – Министер за надворешни работи

-Ставот на Македонија е многу јасен и утврден со декларација на собранието уште на почетокот на 2010 година, тогаш едногласно нашето собрание ја поддржало резолуцијата на ЕП за Сребреница каде таа е осудена како геноцид. / Меѓутоа треба да разграничиме две работи, едно е тоа во Сребреница, но таа дамка не може да се фрли врз целиот српски народ или Србија./Одговорноста кон Сребреница треба да се индивидуализира и затоа постојат меѓшународни судови и трибунали таа треба да биде со име и рпезиме за да во никој случај не биде доведена со цел народ или цела држава. - Бојан Маричиќ – Вицепремиер за евроинтеграции

Покрај за Сребреница, Османи и Маричиќ и со различни гледишта за членството на земјава во Отворен Балкан. Иако најави дека ќе бара од Владата да го разгледа учеството на Македонија во иницијативата, сепак Османи не го покренал до сега прашањето, но тврди дека ргументите ќе ги презентира на затворена седница. Маричиќ пак со став дека сите иницијативи од кои македонските граѓани имаат бенефит, мора да продолжат. Членството во Отворен Балкан, смета дека не треба да се политизира.

-Кога се случи нападот во Бањска во Косово јас имав една изјава и реков ако има директна вмешаност на Србија во Бањска, тогаш треба да се преиспита учеството во Отворен Балкан. Бидејќи имам повеќе информации сега, што се случило во Бањска, планирам на затворена седница, да ја информирам Владата, а таа да одлучи како понатаму. - Бујар Османи – Министер за надворешни работи

-Ние инсистиравме да остане таа иницијатива отворена и таа остана отворена и се додека имаше и има поддршка од нашите стратешки партнери, треба во неа да партиципираме и да се фокусираме на конкретните придобивки без големи политички теми. Затоа што тие крупни политички теми блокираа други регионални процси и не донесоа ништо добро. Берлинскиот процес, Отворен Балкан и сите тие иницијативи ги гледаме како позитивни и треба од нив да извлечеме максимум наместо да ги доведуваме во политички контекст. - Бојан Маричиќ – Вицепремиер за евроинтеграции

Иницијативата за Отворен Балкан инаку е во застој од декември минатата година откако албанскиот премиер Еди Рама порача дек регионот сега треба да се фокусира на Берлинскиот процес. Вечерва пак, во седиштето на ООН треба да се одржат неформалните консултации за нацрт резолуцијата со која се предлага „Меѓународен ден на сеќавање на геноцидот во Сребреница, а гласањето за резолуцијата е предвидено да се одржи на пленарна седница на 2 мај.

Македонија

Ковачевски: Силен СДСМ во Собранието е потребен заради иднината на државата, нема откажување

Претседателот на СДСМ Димитар Ковачевски од предизборниот митинг на СДСМ и Коалицијата во Аеродром порача дека ако десничарска партија како ВМРО ДПМНЕ добие преголема моќ, тоа ќе ги убие ЕУ перспективите. 

ВМРО ќе ја одложува евроинтеграцијата во недоглед, тие немаат ниту план, ниту се доследни во остварување на стратешките цели. Тоа го правеше и Груевски, тие само ќе продолжат кај што застана тој. Оваа земја нема да се помести ни милиметар напред со ВМРО. Ќе глумат дека работат, а во реалноста нема ништо да се менува. Сме го виделе тоа со Груевски, знаеме како изгледа. Не сакаме само лоша реприза на неговото владеење, нагласи Ковачевски.

Ковачевски ги повика граѓаните масовно да излезат на гласање и да ја дадат довербата за Пендаровски и за СДСМ бидејќи силен СДСМ во Собранието е потребен заради иднината на државата!

Основната цел на нашата програма е брзи, ефикасни и успешни преговори со ЕУ затоа што знаеме дека само на тој начин може да обезбедиме повисок животен стандард, поефикасна борба против криминалот и корупцијата, подобро образование и здравство, порача Ковачевски.

Ковачевски во своето обраќање пред граѓаните на Аеродром истакна дека СДСМ е единствената политичка партија која никогаш нема да се откаже од инклузијата и која константно придонесува мултиетничкиот карактер на Македонија.

Но, деновиве, за жал, слушам опасни наративи кои може лесно да разгорат меѓуетничка нетрпеливост. Лидерите на ВМРО и на ДУИ се однесуваат во најмала рака неодговорно и кон државата и кон граѓаните. Им порачувам на Мицкоски и на Ахмети – граѓаните се свесни за вредноста на мирот и стабилноста што ги гради СДСМ, граѓаните знаат дека на сите нѝ треба европска иднина, а не враќање 20 години во минатото. Престанете да се препукувате со штетни скандирања и закани, кои никому не носат добро. Ние нема да ви дозволиме да си играте со европската иднина на нашите деца! Граѓаните нема да ви дозволат да се коцкате со нивната иднина, порача претседателот на СДСМ Димитар Ковачевски од предизборниот митинг на СДСМ и Коалицијата во Аеродром, се наведува во партиското соопштение.

Македонија

Битиќи: Не смееме да дадеме шанса ВМРО-ДПМНЕ да ја загрози европската иднина

„Потребно е СДСМ да биде водечкиот глас во Владата и во Собранието, потребно е поради иднината на државата и за зачувување на европските перспективи на идните генерации. “

„Наследниците на Груевски не смеат да добијат преголема моќ, тоа е опасност за европската иднина“, порача на денешните средби со жителите на скопската општина Гази Баба, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.

Тој порача дека не е време за откажување, за кревање на рацете од битката за Македонија и затоа на 8-ми мај треба да се спротивставиме на желбите за изолација.

„Мораме да се сплотиме за да ги одбраниме нашите европски вредности и да ја одбраниме нашата држава од разорните политики и желбата за изолација на наследниците на десничарскиот режим на Груевски“, рече Битиќи.

Потпретседателот на СДСМ, Битиќи предупреди дека доколку се дозволи на парламентарните избори да се врати нереформираното ВМРО-ДПМНЕ, ќе треба многу време за земјата повторно да се врати на вистинскиот пат.

„Секој од нас има важна улога во обликувањето на судбината на државата, никој не е изоставен од одговорноста. На 8-ми мај секој глас еднакво се брои. Секој глас нема да биде само заокружување на број, туку влог во наследството кое ќе го оставите зад себе“, порача на жителите на оваа скопска општина, во населбата Железара, Битиќи, воедно нагласувајќи дека грешките во владеењето може да се поправат, но поделбите предизвикани од национализмот не се надминуваат лесно.

Битиќи посочи дека СДСМ има јасна програма и план со кои ќе ѝ донесе добро на Македонија.

„Гласот за ВМРО-ДМНЕ не ѝ носи добро на Македонија, а само со заокружување на бројот еден може да одиме напред и да изградиме подобра држава за нашите деца, држава во која тие ќе сакаат да живеат. Може да нè казните, но истовремено ќе ги казните и сопствените деца. Краткорочната казна за прогресивните политички сили ќе има долгорочни последици. Затоа, потребно е силно СДСМ во Собранието“, порача Битиќи, се наведува во партиското соопштение.

Свет

Турчин избодел граничен полицаец во Ерусалим, по кавгата бил застрелан на самото место

Турски државјанин денеска во Ерусалим избодел израелски граничен полицаец, по што полицајците го убиле на лице место, соопшти израелската полиција.

Граничниот полицаец е полесно ранет, јави Ројтерс.

Полицијата го идентификуваше напаѓачот како 34-годишен државјанин на Турција.

„Терорист вооружен со нож пристигна во Стариот град на Ерусалим, нападна граничен полицаец и го избоде“, се вели во соопштението на полицијата.

Ранетиот полицаец и уште еден полицаец на местото на настанот се степале и го застрелале напаѓачот, кој подоцна бил прогласен за мртов, се додава во соопштението.

притисни ентер