Може ли секојдневното 20 минутно пешачење да биде клуч за губење на тежината? Се чини дека фитнес фанатиците на Тикток веруваат во ова.
Популарното вежбање 10-2-20 се појави на социјалните мрежи како тренинг со низок интензитет, но сепак исклучително ефикасен начин за слабеење до 15 килограми за два месеци.
Вежбањето вклучува одење по лента со наклон од 10% со брзина од 3,2 км/час (2 милји на час), 20 минути четири пати неделно.
Ова се предлага како алтернатива на рутината 12-3-30, која бара одење со брзина од 4,8 км/час (3 милји на час) под наклон од 12 проценти во траење од 30 минути.
Втората верзија исто така дава ефект
Сепак, експертите велат дека помалку интензивната верзија е сепак ефикасен начин за слабеење.
Вежбањето 10-2-20 додека кревате тегови и се храните здраво може да ви помогне да изгубите осум до десет килограми масти за шест до осум недели, изјави Никол Раух Винтер, фитнес тренер во фитнес програмата„Ladder“ базирана на Тикток апликацијата.
Иако првичниот тренинг можеби не изгледа толку тежок за почеток, тој е всушност интензивен, вели Дин Дејвис Брукс, професорка по кинезиологија на Универзитетот во Северна Каролина Гринсборо.
- Мора да бидете во прилично пристојна форма за да одите 30 минути со такво темпо, по таква угорнина, изјавила таа за „Health“.
Според тоа, корисниците создале малку поблага верзија која би била полесна за постигнување за просечен човек.
- Наместо да тренирам погрешно, или уште полошо, воопшто да не вежбам, јас го модифицирав според себе, 10-2-20, што сепак е предизвик, но нешто што јас можам да го издржам, изјавила една корисничка на Тикток со име Џенифер Никол.
Некои од корисниците на социјалните мрежи биле воодушевени од постигнатите резултати.
- Ослабев 1 кг за две недели само со помош на лента за трчање, коментирала корисничката Наима на објавата на г-ѓа Винтер.
- За девојките кои ја користеле оваа апликација и се заблагодариле за правилото 10-2-20 на Тикток, споделила во видео корисничката со име Миранда Чејен, наведувајќи дека оваа рутина ќе ѝ помогне да го доведе своето „тело“ во форма пред одморот.
Тренинзите на лента за трчање стануваат сè попопуларни
Овој тип на вежбање, според г-ѓа Џорџи Спарлинг, основач на онлајн платформата GS Method, обезбедува одличен кардиоваскуларен тренинг кој истовремено ги зајакнува мускулите на долниот дел од телото и ја зголемува издржливоста. Таа нагласува дека овие вежби го зголемуваат отчукувањата на срцето без премногу оптоварување на зглобовите, што ги прави помалку страшни како вовед во вежбањето за оние кои можеби не се чувствуваат подготвени за поинтензивна рутина.
Додека г-ѓа Спарлинг го препорачува овој вид вежбање како дел од здравиот начин на живот, таа ја нагласува важноста на варијациите и комбинирањето со други форми на кардио вежби или физички активности како пилатесот или различни спортови за да се избегне монотонијата при вежбањето.
Исто така, важно е да се земат предвид потенцијалните ризици од прекумерното оптоварување на зглобовите и грбот, како и можноста за болки во колената, зглобовите или потколениците кај некои луѓе кои не се навикнати на интензивни вежби, како што се одењето или трчањето.