Свет

Поранешна „Плејбој“ зајачица ќе сведочи против Трамп- ќе го испрати ли во затвор? (ВИДЕО)

Поранешната „зајачица“ на Плејбој, Карен Мекдугал (53) ќе може да сведочи на судењето на Доналд Трамп, поранешниот претседател на САД, кој е обвинет дека платил пари за кампањата на Сторми Даниелс, поранешна порно ѕвезда, за да молчи за нивната афера.

За време на изборот на поротата за судењето во судот во Менхетен, судијата Хуан Мерџан одлучи дека Карен може да сведочи против Трамп.

Како што пренесува Dailymail, поранешната манекенка на Плејбој тврди дека имала афера со Трамп која траела десет месеци и дека пет месеци пред претседателските избори во ноември 2016 година, компанијата „American Media Inc“, која го издава познатиот таблоид „National Enquirer “, ѝ платил 150.000 долари за признание, но дека нејзината приказна никогаш не била објавена. Оваа афера стана позната на пошироката јавност подоцна во 2016 година кога Карен даде интервју за „Волстрит џурнал“. Трамп постојано ги негираше нејзините наводи. Исплатата на Карен Мекдугал не е предмет на кривична истрага, но обвинителите веруваат дека нејзиното сведочење ќе го утврди моделот на однесување на Трамп. Тод Бланч, адвокатот на поранешниот претседател, се обидува да ги оспори овие наводи под изговор дека се работи за приватен семеен живот.

Судијата Мерџан изјави дека поротата нема потреба да биде информирана за периодот кога се случила оваа наводна афера. Карен Мекдугал тврди дека таа и Трамп имале афера во период од десет месеци додека неговата трета сопруга Меланија била во друга држава. Во едно интервју од минатата година, таа истакнала дека ова не била случајна афера:

- Јас бев заљубена во него и тој во мене. Го знам ова затоа што постојано ми кажуваше колку ме сака. Ќе ми речеше „Ти си моја и те сакам“. Не се криевме од неговите пријатели. Во јавноста ме прикажуваат како незадоволна жена, но јас не сум тоа – изјавила Карен и открила како завршила аферата:

-Размислував како да излезам од таа врска. Еден роднина дојде во градот и излеговме во еден бар и таму запознав еден прекрасен човек по име Брус.

Тоа е холивудската ѕвезда Брус Вилис, со кого Карен била фотографирана неколку месеци подоцна на одмор во Италија. Двајцата биле во врска шест месеци.

- Не го изневерив Трамп. Зошто би останала со оженет, кога Брус беше фин и слободен – додала поранешната „зајачица“.

Компанијата „American Media Inc“ призна дека нејзините исплати на Карен Мекдугал биле направени за да му помогне на Трамп во изборната кампања. Ова е добро позната практика на „фати и убиј“, која спречува несаканите приказни да излезат во јавноста. Мајкл Коен, поранешен адвокат на Трамп, кој бил вклучен во плаќањето на Сторми Даниелс, снимил разговор со клиент кој разговарал за исплата на Карен Мекдугал. Во еден момент од видеото Трамп прашува - Колку треба да платиме за ова, 150? , мислејќи за 150.000 долари. Доколку биде осуден, Трамп се соочува со четири години затвор.

Карен пораснала во Мичиген. Таа била едно од петте деца во семејството. Работела како воспитувачка во предучилишна установа кога, по операцијата за зголемување на градите, се пријавила на шоу за костими за капење. Таа модна ревија ѝ го отворила патот до Плејбој, каде што била избрана за „зајачица“ во декември 1997 година, а набрзо освоила и награди за најдобар модел во 1998 и 2001 година. Ѝ ги отстраниле имплантите на градите во 2016 година поради здравствени проблеми . Трамп и таа, наводно, се сретнале на забава организирана од Хју Хефнер во неговата палата во Лос Анџелес.

- Цела вечер ме следеше како кученце на таа забава - изјавила Карен во претходно интервју.


Свет

Четворица американски полицајци убиени при апсење осуден криминалец во Шарлот

Четворица полицајци се убиени, а четворица се ранети во престрелка во градот Шарлот во американската сојузна држава Северна Каролина.

Началникот на полицијата во шарлот рече дека тројцата убиени полицајци се членови на американската оперативна група за бегалци, која ја сочинуваат полицајци од различни агенции.

Полицајците биле застрелани додека се обиделе да приведат осуден криминалец кој бил забарикадиран во куќа. Престрелката траела три часа, а еден од осомничените бил пронајден мртов во дворот. Уште две лица се осомничени за нападот, кој се смета за еден од најсмртоносните врз американската полиција во последните децении..

Македонија

Камениот мост во Скопје целосно запуштен од институциите

Камениот мост – наместо симбол на Скопје, тоне во агонија. 

Поранешниот грациозен поглед, сега е обраснат со гранки и секаква вегетација. Сводовите се посебна приказна, несовесните и натаму си ги користат како тоалети од каде се шири непријатна миризба, засилена од топлото време, некои ја изразуваат и својата „уметност“ на нив, а од страната на „чаршијата“ се користат и како паркинзи.

На целиот поразителен амбиент се додава и „живата музика“ што е распространета по Камениот мост, па чувството е повеќе како да пешачите во некоја земја од третиот свет, наместо среде Европа во Скопје.

Барем попладнево, најмногу од оние кои го преминаа Вардар преку овој мост беа туристи кои велат, дека ваквите објекти во нивните држави се третираат како светост.

Скопјани велат дека ваквата ситуација покажува и на негрижата на иснтитуциите, но и на несовесноста на граѓаните.

Се изгуби и вечерната магија на камени мост која ја даваше осветлувањето, бидејќи голем дел од светилките не работат. Град Скопје распиша и тендер за илуминација, но истиот заглави во институциите.

Од конзерваторскиот центар велат дека не може да се дозволи секој да работи на објект од толку големо значење, а избраната фирма, не поседува проектант со законски определената лиценца.

Што се однесува до грижата и состојбата на Камени мост, од конзерваторски велат имаат ингеренции само да направат увид и да ги известат надлежните инспектори, уверуваат, дека состјбата е единствено во надлежност на градот.

Одговор на прашањата побаравме и од Град Скопје, најавија одговори кои не пристигнаа до подготовката на прилогот.

Свет

Франција ги претстави предлозите за намалување на тензиите меѓу Израел и Хезболах

Во изминатите шест месеци, напоредно со војната во Појасот Газа, Израел и либанскиот Хезболах секојдневно разменуваа оган од двете страни на границата.

Француските власти денеска им презентираа предлози на либанските власти со цел да се намалат тензиите меѓу Израел и проиранската милитантна група Хезболах, изјави францускиот министер за надворешни работи Стефан Сежурне, додавајќи дека официјален Париз се обидува да посредува меѓу конфликтните страни.

„Имавме неколку предлози до либанската страна. Имаме околу 20.000 Французи во Либан за кои војната во 2006 година беше особено драматична, меѓу другото, и затоа соработуваме со Либан“, рече Сежурне во пресрет на состанокот во Ерусалим со израелскиот министерот за надворешни работи Израел Кац.

Сежурне рече дека основата на францускиот предлог е да се обезбеди спроведување на резолуцијата 1701 на ОН. Хезболах рече дека нема да влезе во конкретни разговори додека не дојде до прекин на огнот во Појасот Газа, каде што војната меѓу Израел и Хамас влезе во седмиот месец.

Во изминатите шест месеци, напоредно со војната во Појасот Газа, Израел и либанскиот Хезболах секојдневно разменуваа оган од двете страни на границата. /МИА

притисни ентер