Македонија

Судскиот совет подготвува нова комуникациска стратегија

Меѓу другото ќе се кратат роковите за одлучување.

Промена на Деловникот на Судскиот совет во насока на предвидување на рокови за движење на предметите, кратење на роковите за одлучување, измена на правилникот за бодувањето на судиите за избор во повисоки судови, како и да мора да има образложение на избор и неизбор, а одлуките да бидат индивидуализирани, да се засноваат на објективни стандарди и да бидат конзистентни и компаративни, се дел од измените предвидени со новата комуникациска стратегија на Судскиот совет, со кои, како што информираа на денешниот брифинг, треба да бидат решени пет од препораките на Оценската мисија на ЕУ.

Претседателката на Судскиот совет, Весна Дамева, на брифинг со медиумите, појасни дека има околу пет препораки врзани со транспарентноста и отчетноста и во таа насока е изработена комуникациска стратегија, која ќе биде усвоена откако претседателите на судовите ќе дадат мислење и во јуни годинава.

Изработката на стратегијата, посочи Дамева, е дел од акциски план за спроведување на препораките на Оценската мисија на Европската унија за функционирањето на Судскиот совет, изработен во јануари годинава.

-Акцискиот план е јавно објавен. Во него се опфатени 17 препораки во директна надлежност на Судски совет. За секоја препорака има одговорно лице со конкретни мерки и не смее да има пречекорување на временската рамка, појасни Дамева.

Oценската мисија на ЕУ во декември минатата година го достави Извештајот за функционирањето на Судски совет со 40 краткорочни и среднорочни препораки за подобрување на неговото функционирање. Препораки, како што информираатогаш на брифинг во Делагацијата н ЕУ, се групирани во шест сегменти – структура и компетентност на самиот Судски совет, мандатот на неговите членови, процесот на селекција и изборот на судии, дисциплинските постапки, прашањето на транспарентност и комуникација со јавноста и ресурси и финансирање.

Вкупно 17 препораки, се однесуваат на подобрување на праксата и работењето на самиот Судски совет и може да бидат спроведени, без никакви законски измени. Од нив, седум се однесуваат на транспарентноста и десет за изборот и унапредувањето на судии, што е клучна функција на Судскиот совет.

Останатите мерки, предвидуваат уставни или законски измени и се однесуваат на тоа кој може да биде избран за член на Судскиот совет, должината на мандатот, дефиницијата „истакнат правник“, воспоставување рамка за начинот и постапката за разрешување на претседател на Советот, одговорноста на членовите на Советот, како и образложување на постапката и одлуката за санкционирање на судии, како и за зголемување на буџетската автономија.

Извештајот тогаш беше споделен со властите и надлежните институции и не беше јавно објавен.

Оценската мисија на ЕУ беше составена од тројца правни експерти од Хрватска, Белгија и Италија и престојуваше во земјава во септември минатата година, каде направи анализа на правната рамка и имаше средби со сите релевантни институции, како и експерти од невладиниот сектор.

Формула

Таткото на Норис: После 900 трки стигнавме до победа во Ф1

 После 900 трки стигнавме до победа во Ф1, следен предизвик за Ландо е да стане светски шампион.

Таткото на Ландо Норис, британскиот бизнисмен Адам Норис зборуваше за целите на неговиот син, откако возачот на Мекларен, викендот во Мајами ја оствари првата победа во Формула 1 шампионатот.

- Ова го чекавме долго време. По 110 Гран при, и околу 900 трки во последните 16 години, стигнавме до победа на трка во Формула 1. Поминавме низ многу и интересно е да се разбере колку време другите родители вложиле во поддршка. Избројав 350 викенди на пат, плус други трки за тие викенди, но тоа е неверојатно, ми се допаѓа. Многу сум среќен за него. Ова бара многу откажувања од приватниот живот. Во одреден момент се прашувате „Дали некогаш ќе стигнам во Формула 1? Кога ќе стигнете до Формула 1, мислите: „Дали некогаш ќе победам на трка? Ова е одлично, неверојатно. Но, сега има уште една цел. Да се стане светски шампион, изјави Адам Норис во интервју за „Sky Sports“.

Ландо Норис во моментов е на 4.место во поредокот во Формула 1 шампионатот со 83 освоени бодови. Лидер е актуелниот светски шрвак Макс Верстапен со 136 бода.

Свет

Затворен Босфорскиот теснец, се насука товарен брод од Украина

 Босфорскиот теснец, кој го поврзува Црното Море со Средоземното Море, е затворен за бродови откако товарен брод од Украина се насука, соопштија турските власти за ДПА.

„Брод по име Алексис превезува прехранбени производи од Украина до Египет. Се случи дефект на моторот во близина на излезот од пловниот пат“, изјави за ДПА портпаролот на Управата за крајбрежна безбедност.

Спасувачките напори се веќе во тек, додаде изворот.

Босфорот е прометен канал и служи како излез за украинското жито на светските пазари во екот на руската инвазија.

Речиси 40.000 бродови поминале низ Босфорот во 2023 година, според турското Министерство за транспорт.

Автомобилизам

Фото: Дебитираше новиот спортски кабриолет „Mercedes“ со 442 „коњи“

„Mercedes“ го претстави „AMG CLE53 Cabrio“.

Станува збор за кабриолет со средна големина со четири седишта и шестцилиндричен бензински мотор поддржан од „лесен“ хибрид од 48 волти.

Моторот инаку е ажурирана верзија на 3.0-литарскиот шестцилиндричен мотор од моделот „CLE 450“.

Вкупната моќност на погонскиот систем е 442 КС, а максималниот вртежен момент е 560 Nm (600 Nm во кратки интервали).

„Благиот“ хибриден систем може да додаде 22 КС и 200 Nm вртежен момент на погонот, но тие му помагаат на моторот само при мали брзини.

Во комбинација со „AMG“ деветстепен менувач и погон на четири тркала, „CLE53 Cabrio“ може да забрза од 0 до 100 km/h за 4,4 секунди (или 4,2 секунди со опционалниот пакет „Dynamic Plus“).

Максималната брзина е 250 km/h (280 km/h со гореспоменатиот пакет).

Исто како и „Mercedes-AMG CLE53 Coupe“, „Cabriolet“ се одликува со сопствена каросерија која нуди значително поширока патека на тркалата.

Разликата е 58 mm напред и 75 mm назад, а тркалата се стандардни со дијаметар од 19 инчи, додека како опција се достапни 20-ки.

Зголемени се и сопирачките на дискови од 370 mm на предната оска и 360 mm на задната оска.

Елементите специфични за кабриолетот го вклучуваат паметниот систем „AirScarf“ на „Mercedes“ интегриран во предните седишта, додека самиот покрив е акустички слоевита ткаенина што може да се подига и спушта при брзина до 48 km/h.

Волуменот на багажникот зависи од тоа дали механизмот на покривот е складиран, при што стандардниот багажник од 385 литри е намален на 295 литри.

Извор: Б92

притисни ентер