Свет

Тел Авив засега не открива каков одговор ќе има кон Иран по масовниот напад

Сите очи вперени кон Израел, Тел Авив засега не открива каков одговор ќе има кон Иран по масовниот напад што во саботата вечерта го изведе со стотици дронови и проектили.

По повиците на западните сојузници да се воздржи од ескалација, од средбата на воениот врв на Израел произлезе само порака дека одмазнички контраодговор ќе има, но прашање на време е кога и во каков обем ќе возврати на иранскиот напад, по кој, се нижат предупредувањата дека светот можеби е на раб на Трета Светска Војна.

-Иран, од почетокот на војната единствено што сака е да го ескалира регионот. Изминатите часови ние одобривме оперативни планови – и за офанзивни и за дефанзивни акции. , изјави Даниел Хагари, портпарол на израелската армија.

Воздржаноста на Израел, според аналитичарите се должи и на пораките на Вашингтон дека нема намера да учествува во какви било одмазнички напади против Иран и оти успехот на ракетната одбрана на Израел и сојузниците во саботата претставува победа сама по себе. Повици за воздржаност одекнаа и на синоќешната седница на Советот за безбедност, каде Техеран го бранеше како природно правото да возврати на неодамнешните израелски напади врз иранската амбасада во Сирија.

-Соочен со такви околности, Исламската република Иран немаше избор освен да го примени своето право на самоодбрана согласно меѓународното право. , изјави Амир Иравани, амбасадор на Иран во ОН.

-Помислете само на моментот што би се случило ако ајатолахот Хамнеи лансираше нуклеарна бомба минатата ноќ. Дали е ова светот во кој сакаме да живееме? Потребни се сите можни санкции кон Иран пред да биде предоцна. , изјави Гилад Ердан, амбасадор на Израел во ОН.

-Имаме споделена одговорност да работиме на мир. И регионалниот и глобалниот мир и безбедност се поткопуваат од час во час. Ниту регионот, ниту светот смеат да дозволат нови војни. , Антонио Гутереш, генерален секретар на ОН.

Иранскиот напад пред два дена ги разбранува духовите, но од друга страна, според најголем дел од аналитичарите, јасно сугерираше дека целта не беше да се нанесат значителни последици, туку да се обели образот на Техеран пред своите сојузници. Иран правовремено ги алармираше сите соседи, а неговите проектили со часови патуваа кон еврејската држава.

-Во која било воена операција вие не давате предупредување со денови однапред и не испраќате мали дронови кои бавно се движат, што му дава на вашиот непријател премногу време да се подготви. , изјави Алекс Ванка, Институт за Блискиот Исток во Вашингтон за „Ал Џезира“

Иран прв пат во историјата директно го нападна Израел од своја територија со околу 300 дронови, балистички и кростосувачки ракети, кои во 99 проценти беа соборени.

Свет

Дали Хамас ќе ја прифати дарежливата понуда на Израел?

Американскиот државен секретар Ентони Блинкен денеска во Ријад изјави дека се надева дека палестинското движење Хамас ќе ја прифати „исклучително дарежливата“ понуда за запирање на израелската офанзива во Појасот Газа.

„Хамас има понуда пред себе која е крајно, крајно дарежлива од израелска страна“, рече Блинкен на Светскиот економски форум, пренесува Тајмс оф Израел.

Тој нагласи дека Хамас мора брзо да донесе одлука за понудата.

„Се надевам дека ќе донесат правилна одлука“, рече Блинкен.

Делегација на Хамас денеска престојува во Каиро за да преговара за прекин на огнот во Газа.

Во саботата, висок функционер на Хамас, Калил ал-Хаја, рече дека групата го разгледува предлогот на Израел, но не даде детали.

Тој истакна дека понудата на Израел за примирје е одговор на предлогот на Хамас испратен пред две недели.

Светските медиуми објавија дека предлогот предвидува примирјето, доколку биде склучено, да биде претставено како „хуманитарен прекин на огнот“.

Хамас би ги ослободил заложниците во замена за неколкунеделен прекин на огнот и ослободување на палестинските затвореници во израелските затвори.

Разговорите се во застој за двете главни прашања, Хамас бара израелските трупи да се повлечат од Газа и да го прекинат конфликтот и детали за бројот и имињата на палестинските затвореници во израелските затвори.

Некои извештаи сугерираат дека Израел покажал подготвеност да направи дополнителни отстапки во иднина, вклучително и повлекување на силите кои го преполовија Појасот Газа и дозволувајќи им на жителите да се вратат на север.

Блинкен денеска отпатува за Саудиска Арабија, каде една од темите на разговор ќе биде војната меѓу Израел и Хамас и повоената иднина на Газа.

Шефот на американската дипломатија ќе разговара со саудиски претставници во Ријад, а ќе има средба и со министрите за надворешни работи на Советот за соработка на арапските држави од Персискиот залив.

Тој ќе се сретне со министрите на Саудиска Арабија, Египет, Јордан, Катар, Обединетите Арапски Емирати, како и со палестинската управа.

По Саудиска Арабија, Блинкен ќе ги посети Јордан и Израел.

Македонија

Тренчевска: До 2028 година 70% од децата ќе бидат вклучени во предучилишно воспитание

Ко-носителката на листата за пратеници, Јованка Тренчевска на изборната единица број 4 на СДСМ од вечерашната трибина во Неготино порача дека пораката која граѓаните ја испраќаат е примена.

Ко-носителката на листата за пратеници, Јованка Тренчевска на изборната единица број 4 на СДСМ од вечерашната трибина во Неготино порача дека пораката која граѓаните ја испраќаат е примена, но дека знае дека градењето на систем е многу поважно за граѓаните отколку само популистички мерки кои не оставаат долготрајни траги во подобрувањето на квалитетот на живот на граѓаните!

„Во 2016 година затекнавме детска заштита со опфат на деца во градинките од само 25%, куп лажни ветувања и сон за брза изградба на 100 градинки од нашите политички опоненти. Од 2017 година до денес, владата предводена од Социјал-демократскиот сојуз отвори 84 нови градинки и опфатот на деца го зголеми на 48%! Вие сте сведоци на нашето вложување во Неготино, во градинката „Фемо Кулаков“, објектот „Темјанушка“ каде инвестиравме и ги зголемивме капацитетите овозможувајќи детска заштита за дополнително 161 дете“ рече Тренчевска објаснувајќи ги заложбите на СДСМ за унапредување на детската заштита.

Таа посочи дека до 2028 година опфатот на деца во предучилишно воспитание и образование ќе се зголеми на 70% и дека патот кон исполнување на таа цел ќе се потврди со отворањето на 14 нови градинки во 2024 година!

Тренчевска истакна дека покрај влогот во најмладите СДСМ вложува и во највозрасните!

„Инвестираме во државни старски домови. Во поголеми пензии. Најниска пензија 20000, просечна 30000 денари. Поголеми плати. Минимална плата 36000 денари, просечна плата 67000 денари. Пoголеми права од социјална и детска заштита за 30%. Нови услуги за највозрасните достапни во сите 81 општина“ изјави Тренчевска.

На крај таа повика сите граѓани да ја заокружат опцијата со број 1 на изборите, затоа што нема друг начин Македонија да чекори напред, се наведува во партиското соопштение.

Забава

Ролинг Стоунси ја започнаа американската турнеја со распродаден концерт во Хјустон (ВИДЕО)

Легендарната рок група Ролинг Стоунс вчера со концерт во Хјустон ја започна својата турнеја во Северна Америка.

Според американските медиуми, обожавателите на Стоунс патувале од различни американски градови за да го видат еден од најголемите бендови во историјата на рок музиката, загрижени дека ова би можело да биде нивната последна турнеја, пренесува Ројтерс.

Настапот на Стоунс во Хјустон беше првиот од 16-те претстави што бендот ги планираше низ САД и Канада до јули оваа година.

Британскиот рок бенд, кој беше формиран пред повеќе од шест децении, го отвори своето шоу во Хјустон со песната „Start Me Up“, а фронтменот на бендот, 80-годишниот Мик Џегер, се прошета на сцената во јакна на пруги и сива кошула со светки.