Подводното истражување започнало во 2022 година во близина на брегот на пристанишниот град Квекен, во најнаселената провинција Буенос Аирес, пренесува АП.
Многу историчари и нацистички ловци веруваат дека подморницата била користена и за „евакуација на Хитлер“, во време кога сојузниците ја освојувале Германија.
Ова е и најпознатата теорија за нацистичкиот водач, која инспирирала книги и документарни филмови.
АП известува дека нуркачите пронашле „јасни знаци на потекло“ на подморницата долга 24 метри.
Експертот за оружје од Втората светска војна, Фабио Бишиоти, го потврди откритието по истражувањето на крајот на април, објави Сан.
Нацистичкиот ловец Абел Басти објасни:
„Подморницата беше ископана до палубата и уништена со експлозив, што беше тешкотија. Мора да се направи детална реконструкција. Но, експертите јасно ги идентификуваат соодветните делови на германската подморница“.
Се додава дека куполата и перископот се со исти димензии како и на подморниците кои биле заробени за време на војната.
А новата истрага на организацијата „Група за изгубена врска“ наводно укажува дека нацистичките лидери, како што е Хитлер, успеале да заминат во Јужна Америка.
Според една верзија, која е популарна меѓу теоретичарите на заговор, Хитлер не се самоубил во 1945 година, во својот бункер, туку починал на 80-годишна возраст во Јужна Америка, патувајќи во Чиле, Бразил, Боливија, Колумбија и Парагвај.