Култура

„Дваесет и првиот“ на Томислав Османли ќе биде објавен на српски јазик

„Дваесет и првиот“, наградениот роман на македонскиот писател Томислав Османли наскоро ќе биде објавен на српски јазик во издание на белградската издавачка куќа „Дерета“.


Објавата на српски јазик доаѓа по објавите на романот на црногорски, во издание на ОКФ од Цетиње и пред тоа на хрватски јазик, во издание на агрепското книгоиздателство „Сандорф“.

Се очекува македонскиот роман под знакот на издавачката куќа „Дерета“ да се појави од печат до крајот на годинава. Инаку, книгоиздателството има сопствена печатница и две книжарници во Белград во кои се нудат над дваесет илјади наслови сопствени, домашни и странски наслови.
Преводот на македонскиот роман на српски јазик, инаку исцело помогнат од меѓународната преведувачка мрежа „Традуки“, го реализираше познатиот белградски преведувач Зоран Ж. Пауновиќ.

Романот „Дваесет и првиот“ кој на македонски се појави во издание на „Блесок“ од Скопје и во Македонија доживеа две изданија, возбудливо ја проблематизира драматичната историја на прагот од новиов век кој и нас, но и целиот свет соочен со воени судири, правејќи фантастични временски скокови низ повеќе епохи. Тој предочува книжевна потрага по изгубеното Добро во современиот свет на непријателства и воедни судири.

Книгата е добитник на нашата највисока награда Роман на годината на „Утрински весник“ и македонски претставник на натпреварот за наградата „Балканика“ во Валона, Албанија во 2010, кадешто беше второпласиран, веднаш по победничкиот роман на Исмаил Кадаре.

Инаку, делови од наградениот македонски роман пред година во серија презентации дена објави Третата програма на Радио-Белград, а по неколкукратните, изразито позитивните огласи на загрепската критика по повод хрватското издание на „Дваесет и првиот“ (2012), Втората програма на Радио Белград, во емисијата „Окото на Балканот“ неодамна емитуваше получасовен разговор со авторот Томислав Османли.

Прозите и драмските дела на Томислав Османли се публикувани на англиски, фанцуски, српски, хрватски, словенечки, бугарски, грчки, црногорски, полски, романски и ладино.

Шоу биз

Фото: Британска манекенка ужива на одмор во Дубровник

Британската манекенка Ферне МекКан веќе одлучила да замине на одмор. Деновиве таа ги покажа своите фотографии од Хрватска. Како што откри таа е на одмор во Дубровник и околината.

„Верувајте си дека ќе го изберете она што е соодветно за вас. Најубавиот ресторан на островот. Каков прекрасен, посебен ден во Хрватска“, напиша таа во описот на фотографијата на која позира во црн костим за капење.

Дејли мејл известуваше за нејзиниот летен одмор во Хрватска. „Ферне МекКан ја истакнува својата неверојатна фигура во црно бикини додека се сонча во Хрватска“, гласи насловот на нивната статија.

Ферне неодамна изјави дека ослабела многу откако ја родила ќерката Финти, а многумина ја фалат затоа што покажала реален поглед на нејзиното тело. „Сакам да гледам реални фотографии, сите имаме целулит и маани кои попрво би ги немале, но добро е да ги славиме. Благодарам Ферне за искрената објава“, гласи пофалбата на еден следбеник.

Од 2022 година, Ферне е во врска со бизнисменот Лори Хејнс, со кој ја има ќерката Финти. Тој има уште една ќерка, од претходната врска.

Свет

Бајден настапи пред дипломците на Морхаус колеџот во Џорџија

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

Претседателот на САД, Џо Бајден во денешното обраќање пред дипломците во Морхаус, високообразовна установа од Џорџија каде мнозинството студенти се афроамериканци, прати пораки од неговата предизборна кампања за зацврстување на врските со младите од етничките малцинства.

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

- Сакам сите да запаметите, кога не избраа први ни велеа дека нема да направиме ништо значајно. Но ние направивме се. Благодарејќи вам … Мошне многу ценам што ми дадовте можност за повторен настап тука, изјави претседателот во обраќањето до дипломците на Морхаус.

Тој говореше и за својот соперник на претстојните избор – поранешниот претседател Доналд Трамп.

- На овие избори многу е ставено на коцка, мошне многу. Станува збор не за мене, туку за алтернативата … Работата е во тоа што тој (Трамп) изложи што имено планира да прави (ако биде избран). И републиканците во Претставничкиот дом ќе кажат и моите колеги ќе кажат, што тие имено ќе прават ако победат, рече Бајден.

Колеџот Морхаус е основан во 1867 година како машки колеџ за школување на црномурести кои скоро биле ослободени од ропство. Еден од они кои дипломирале тука е и Мартин Лутер Кинг помладиот.

Морхаоус е голем град во Џорџија со има значајна улога во претседателската трка во 2024 година. Бајден овде во 2020 година стана првиот кандидат за претседател од Демократската партија кој доби поддршка од оваа држава по Бил Клинтон во 1992 година.

Бајден денеска попладне патува во посета на Мичиген, каде ќе учествува на настан организиран од Детроитски фонд за борба за слобода. /МИА

Ракомет

Алкалоид го освои трофејот во ракометниот Куп на Македонија

Ракометарите на Алкалоид се победници во Купот на Македонија, откако вечерва во финалето одиграно во СРЦ „Борис Трајковски“ во Скопје го совладаа фаворитот Еурофарм Пелистер со 25:23 по изведувањето пенали.

Ова е прв трофеј во својата куса историја за младиот тим на Алкалоид кој на завршниот турнир ги совлада најголемите две имиња во македонскиот ракомет, Вардар и Еурофарм Пелистер.

Во финалето двете екипи во повеќе наврати се менуваа во водство, највисокото беше четири голови разлика, за на крај победникот да биде решен по пенал-рулетот во кој се истакна голманот на скопскиот тим Иван Галевски.

Токму Галевски беше прогласен за најдобар голман на завршниот турнир, наградата за најдобар стрелец отиде кај Богдан Радивојевиќ, а за МВП Филип Кузмановски (двајцата од Еурофарм Пелистер).

Претходно во текот на денот, во женското финале, Ѓорче Петров го победи Чаир со 36:24. /МИА

притисни ентер