Свет

Израел ја одобри вакцината на ,,Модерна’’

Американската фармацевтска компанија „Модерна“ објави дека израелското министерство за здравство ја одобрило вакцината за употреба, што е трето одобрување за вакцините на оваа компанија и прво надвор од Северна Америка.

Во Србија почнува вакцинацијата против ковид-19 на 110 пунктови на 30 локации.

Американската фармацевтска компанија „Модерна“ објави дека израелското министерство за здравство ја одобрило вакцината за употреба, што е трето одобрување за вакцините на оваа компанија и прво надвор од Северна Америка.

Вакцините на „модерна“ претходно беа одобрени во САД и Канада, а постапката за издавање дозволи во ЕУ, Сингапур, Швајцарија и Велика Британија е во тек.

Компанијата „Модерна“ најави зголемување на минималното производство на вакцини за 100 милиони дози.

Во САД досега се дистрибуирани околу 15,4 милиони дози вакцини против ковид-19, но само околу 4,5 милиони луѓе ја примиле првата доза.

Повеќе од две третини од вакцините дистрибуирани во САД се уште не се употребени, соопштија здравствените власти.

Гувернерите на Сојузните држави Њујорк и Флорида соопштија дека болниците кои нема да го забрзаат процесот на вакцинирање ќе бидат казнети.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.