Ова пред сè важи за сите дами, и оние што се на море и оние што се на планина, но и оние кои летото го минуваат во градот поради многубројните обврски.
Според дерматолозите, за време на летните топли денови, шминката треба да биде сведена на минимум, а за нега на лицето да се користат хидратантни креми давајќи приоритет на кремите за сончање. Кремата на лицето треба да се избере според типот на кожата.
И луѓето со масна кожа може да страдаат од дехидратација ако не внесуваат доволно вода, а како резултат на тоа кожата произведува повеќе себум и на површината изгледа помасна од вообичаено.
Дамите со осетлива кожа треба да избираат креми кои содржат состојки како арника, овес, а дамите со сува кожа треба да користат серуми и гел-креми за хидратација кои не ги зачепуваат порите.
Пет клучни совети за нега на кожата и одржување на блескав тен во текот на топлите летни денови:
1. Хидратантно средство за чистење
Првиот чекор во негата на кожата за време на летото е чистењето. Изберете хидратантно средство кое нема да ја отстранува природната влага на кожата.
2. Хидратантен тоник
Тоникот всушност ѝ дава влажност на кожата без да ги затнува порите.
3. Хидратантен серум
Овој серум ѝ обезбедува дополнителна хидратација на кожата. Се препорачува користење на серуми што содржат хијалуронска киселина, церамиди, сквален и алое вера, кои исто така ќе ја разладат кожата. Жените со сува кожа особено ќе имаат корист од овој чекор, и можат да користат серум колку што сакаат.
4. Хидратантна крема
Дерматолозите препорачуваат креми со водена текстура кои обезбедуваат влажност на кожата без чувство на тежина.
5. Крема за сончање
Кремата за сончање е неопходна за заштита од сонцето без оглед дали одите на плажа или сте во градот. Стручните лица за нега на кожата на лицето препорачуваат креми со заштитен фактор 30 и повеќе.