Македонија

„Преку врата доаѓа лето"-мото на Демократската партија на Албанците за изборите

Демократската партија на Албанците (ДПА) го објави мотото „Преку врата доаѓа лето" со кое ќе настапи на предвремените парламентарни избори на 12 април. 

На градскиот плоштад во Тетово партијата одржа прес-конференција за ги претстави сите членови на новоизбраните партиски оддели и комисии.

-Иако на македонски тоа нема да функционира како што треба, ќе има експерти што ќе преведат. „Преку врата доаѓа лето" на албански има и рима. Ние сме спремни како ДПА не само со платформа и со програма туку сме спремни и со структура и со професионални структури кои ќе се појават денеска пред јавноста. Бараме од Албанците и од другите граѓаните да ни даваат мандат имаме сите експерти, спремни сме да преземаме одговорност и власт. Власта нема да ја преземе за да ја употребиме за себе туку преку таа власт ќе сакаме ако биде тоа возможно да им служиме на Албанците и на сите граѓани, рече партискиот претседател Мендух Тачи.

Според него оваа понуда со истакнати професионалци, покрај досегашните познати платформата и програмата ја прави ДПА уникатна во однос на другите партии.

-Една комплетна екипа на професуионалци кои имаат и искуство кои можат да раководат со институциите на системот и да раководат со Владата на Република Македонија. Ова е еден од најважните фактори после програмата и платформата. Другите политички партии на Албанците не само првото што ја немаат, мислам дека и второто веќе е јасно дека не поседуваат ресусрси кадровски и професионални кои би раководеле со институциите, рече Тачи.

За евентуалните предизборни коалиции Тачи истакна дека е рано да се зборува.

-Не сакам предвреме да зборам, има можности на помали партии на Албанците и други асоцијации и второ овие луѓе што ги гледате тука уште двојно повеќе имаме професионалци кои сакаме да ги заштитиме од репресиите на другите политички партии особено ДУИ кои се на жалост 99 отсто од локална и централната власт. Не се само овие луѓе кои ќе ги раководат институциите, имам перфектни професионалци кои не сакаме да ги експонираме за да не бидат објект на репресија на ДУИ, истакна партискиот лидер.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер