Македонија

„Само Вистина“ вечерва со Арбен Таравари и Тодор Пендаров

Во вечерашната „Само Вистина“ ќе дебатираат Арбен Таравари и Тодор Пендаров.

Почитувани гледачи, магливо утро не дочека во првиот работен ден од оваа недела, ќе има ли конкретни мерки против загадувањето или како и вообичаено ќе се крстиме на ветерот за да дишеме подобро, вечерва жешкиот икс на „Само Вистина“ резервиран за градоначалникот на Гостивар Арбен Таравари и новинарот Тодор Пендаров.

Дали обвинителката Лиле Стефанова ќе ја искористи „третата среќа“ да му даде на „Рекет“ нова кулуминација?

Боки 13-ка или македонскиот судски систем, кој е ексериментален глушец во очите на страните?

Дали истрагата за „Јавна соба“ на апликацијата Телеграм ќе исфрли на површина имиња на познати политичари и бизнисмени?

Колку сурова може да биде виртуелната реалност?

Дали отстранувањето на оградите од училиштата ќе го подобри образовниот процес?

Арбен Таравари е на став дека ДУИ се како мали деца, но може ли да ни каже има ли „големи“ деца од албанскиот блок што ќе им бидат сериозна конкуренција на 12-ти април?

Тодор Пендаров уште го „чека“ животот и е на став дека „ниедна партија не дава вистинска мотивација да се излезе на гласање“.

За власта 2019-та била економска година, за опозицијата квантниот скок на власта е во место, а на што се должи падот од 13 места на Македонија по индексот за перцепција на корупција?

Мурто, Хурто, Дурто или некои нови јунаци ќе руча од питата на Илинденска, дали македонските политичари имаат капацитет да скројат закон по мерка на граѓаните, вечерва на единственото место каде се говори „Само Вистина“ со градоначалникот на Гостивар Арбен Таравари и новинарот Тодор Пендаров, на Канал 5 Телевизија.

Свет

Ер Франс, КЛМ, Луфтханза и Брисел Ерлајнс се меѓу 20-те авиокомпании под истрага од ЕУ

Авиокомпаниите мора да разјаснат до кој степен тврдењата дека емисиите на јаглерод диоксид предизвикани од летовите може да се надоместат со „зелени“ проекти или употребата на одржливи горива се засновани на цврсти научни докази.

Европските авиокомпании „Ер Франс“, „КЛМ“, „Луфтханза“ и „Брисел ерлајнс“ се меѓу 20-те авиокомпании што се под истрага од страна на Европската унија за потенцијално погрешни практики дека нивната активност е ориентирана кон заштита на животната средина.

Ова го соопштија дел од компаниите, потврдувајќи ја информацијата на белгиската телевизија РТБФ.

Авиокомпаниите мора да разјаснат до кој степен тврдењата дека емисиите на јаглерод диоксид предизвикани од летовите може да се надоместат со „зелени“ проекти или употребата на одржливи горива се засновани на цврсти научни докази.

„Ер Франс“ потврди дека добиле писмо од Европската комисија. Компанијата во моментов ја прегледува нејзината содржина и ќе ги испита дејствијата што треба да се преземат, изјави портпаролот на француската авиокомпанија.

Луфтханза во соопштението наведе дека и таа внимателно го разгледува случајот.

Портпаролот на КЛМ рече дека холандската компанија, дел од групацијата Ер Франс, исто така добила писмо од ЕК. /МИА

Регион

Приведени 14 државјани на Србија кои измамиле германски државјани за милион евра

Четиринаесет лица во Србија се приведени поради меѓународна измама преку „кол-центри“ во кои се оштетени неколку германски државјани за сума од околу еден милион евра, соопшти денеска Министерството за внатрешни работи на Србија.

Како што се наведува во соопштението на МВР, на барање на Германија, припадници на полицијата и на Службата за борба против високотехнолошки криминал при Техничката управа учествувале во меѓународна полициска акција, а се однесува на измама извршена од меѓународно организирана криминална група.

При претрес на станови и други простории на 22 локации, од кои две се на територијата на Ниш и девет на територијата на Нови Пазар, пронајдени се доказни предмети./МИА

Живот

Црн лебед во грчката река Еврос

 Единицата за управување со Националните паркови во областа Еврос во североисточниот дел на Грција, додека спроведувала научно набљудување на делтата на реката Еврос наишла на ретка и невообичаена појава – црн лебед, јави дописничката на МИА

Црниот лебед воопшто не е својствен за Грција и затоа е непознато како воопшто се нашол во реката.

Најзастапен е во Австралија и Нов Зеланд, а живее во реки, големи езера, лагуни, а понекогаш и по должината на бреговите.

-Вработените во единицата за управување ги пречка пријатно изненадување бидејќи при научно набљудување на делтата на Еврос забележаа црн лебед, напишаа на Фејсбук од надлежните за Националниот парк објавувајќи фотографии од ретката појава.

притисни ентер