Забава

„За моите ќерки“ - нова серија на Канал 5

Од среда 20.06.2018 во 21 часот, започнува нова првокласна серија -  „За моите ќерки“!

Јашар е тотално безвреден во очите на својата сопруга. Откако го изгубил наследството од татко му, таа кон него се однесува со гнев и презир. Сите негови обиди да биде добар сопруг и татко, завршуваат со нејзиното непочитување, омаловажување, и најтешки навреди.

Што оти кутриот Јашар работи на дури две работни места. Прва смена во автоперална, втора смена во меана, и пак заработката не е доволна за потребите на семејството. Кавгите дома се пеколно секојдневние кое веќе со години ги трауматизира децата.

Најстарата ќерка Селва е мажена и навидум поштедена од семејниот немир. Но тежок е и нејзиниот живот покрај лошата свекрва.

Кумру е втората ќерка на Јашар и Ајтен. Нежна, чувствителна и полна со љубов и трпение. Студира медицина и ги одбројува последните денови до дипломирањето, кога ќе почне да заработува пари за да му го олесни товарот на татка си.

Сумру исто така студира, но таа е сосема друг карактер. За неа издувен вентил од секојдневните проблеми се забавата и шопингот, кои се луксуз за семејството.

Суна е се'уште гимназијалка. Задлабочена во книгите и учењето, таа сака да биде како својата сестра Кумру.

Најмладата Хума е најпогодена од семејниот немир и постојаните кавги. Затоа сите сестри кон неа се однесуваат топло и мајчински, зашто Хума навистина не добива мајчинска љубов.

Небаре збудалена, нивната мајка Ајтен ќе биде причината за името на семејството да се извалка со крв, Јашар да заврши во затвор, а неговите ќерки да испишат трагични страници од животот во кој тој засекогаш ќе биде нивна сенка.

Од среда 20.06 во 21 часот, започнува „За моите ќерки“. Не пропуштајте го почетокот на оваа исклучителна драма.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер