Емисии

„Здраво Македонијо”

Секое работно утро од 06:45 до 11:00 часот

Започнете го денот со „Здраво Македонијо” - најгледаната утринска прогама во етерот, во која вие го имате главниот збор.

Секој работен ден, имате можност да се јавите и да дискутирате во живо за сите актуелни теми и збидувања од општествената сфера, но и да актуелизирате проблеми од јавен интерес за коишто треба да се алармираат институциите.

Дискусии, совети, гости, актуелности, секое работно утро од 06:45 до 11:00 часот, со вашите домаќини Милена Антовска Станковска, Јелена Спенџарска, Александра Пановска Илиевска, Вера Мештеровиќ, Бисера Ловачева и уредникот на емисијата - Роберт Јанков.

Свет

Видео: Експлозија и пожар во зграда во Хаг, 20 луѓе се заробени во урнатините

Најмалку 20 луѓе се заробени во урнатините откако силна експлозија уништи трикатна станбена зграда во населбата Маријахоев во Хаг.

Експлозијата се случила утрината во 6 часот и 15 минути, по што избувнал пожар и делови од зградата се урнале, а пет до седум станови биле целосно уништени, пишува „АН-Ел Тајмс“.

Спасувачките служби, вклучително и специјалистички тимови за урбано пребарување и спасување, четири кучиња чувари и градежни инженери дошле на местото каде се случи експлозијата.

Досега најмалку четири лица се спасени и пренесени во блиските болници.

Експлозијата предизвика сериозна штета и на околните згради, а неколку улици во областа беа затворени од безбедносни причини.

Истрагата за причините за експлозијата е во тек. /МИА

Свет

Во Тбилиси приведени 50 демонстранти, полицијата употребила водени топови и солзавец

Грузиската полиција денеска соопшти дека 50 лица се уапсени во текот на деветтата ноќ од протестите во Тбилиси. 

Од нив 48 лица се приведени поради непослушност и вандализам, додека други двајца се уапсени под обвинение за учество во насилни групи.

Протестите се одржуваат поради најавата на владејачката партија дека ќе ги суспендира на четири години преговорите за приклучување кон Европската Унија.

Полицијата и за време на синоќешните протести употреби водени топови и солзавец и интервенирала со специјални единици за да ги задуши протестите, а демонстрантите повторно возвратија фрлајќи разни предмети, како и со огномет и петарди. Демонстрантите се движеа низ центарот на градот, јавија медиумите.

Според властите, од почетокот на масовните протести се уапсени вкупно 341 демонстрант. Речиси 150 полицајци се повредени./МИА

Свет

Портокалово предупредување во Франција поради бурата Дара, во прекин железничкиот сообраќај

Метеоролозите сметаат дека вкупната количина на снег ќе достигне и до метар и половина на планините.

Во Франција е објавено портокалово предупредување поради бурата Дара и опасност од силен ветер, снег и мраз, а поради најавените временски услови, церемонијата на свеченото отворање на реновираната париска катедрала Нотр Дам ќе се одржи во внатрешноста на објектот.

Француската метеоролошка служба денеска предвидува силни налети на ветер во главниот град, а попладне врнежи од дожд пропратени со ветрови со брзина од над 70 километри на час, поради што вечерашната музичка програма по повод отворањето на катедралата ќе биде изменета, а најавениот свечен концерт ќе биде одложен, јавува телевизијата БФМ.

Вкупно 15 провинции се во состојба на готовност, од кои девет на северозападниот брег и уште две на југоисточниот дел поради силниот ветер, додека четири на југозапад се ставени во состојба на готовност поради снег и можни лавини.

Девет провинции во северозападна Франција, меѓу кои и Ла Манш, Сен Маритим и Па де Кале, меѓу другите, се ставени под портокалова тревога поради силните ветрови.

Поради силните ветрови, Француските железници соопштија дека услугите на регионалните железнички линии ќе бидат целосно прекинати за викендот, а услугите на некои линии во Бретања, Нувел-Аквитанија и регионот Лоара ќе бидат откажани или изменети.

На југозападниот дел на Франција, во четири провинции е вклучен портокалов аларм поради снег и мраз.

Метеоролозите сметаат дека вкупната количина на снег ќе достигне и до метар и половина на планините.

На пониските, од околу 800 метри, се предвидува снег меѓу 15 и 30 сантиметри, додека на повисоките од 1.200 до 1.400 метри, снегот може да достигне висина од 70 сантиметри до еден метар.

Овие снежни врнежи придружени со силен ветер може да предизвикаат опасни снежни наноси и да го зголемат ризикот од лавини во регионот, посочуваат метеоролозите.

Метеоролозите предупредуваат дека откако ќе помине бурата Дара, ќе следи многу нестабилно време, со обилни врнежи од дожд во текот на попладневните часови, што ќе го зголеми ризикот од дополнителни временски непогоди.

На удар од невремето Дара е и Велика Британија./МИА

притисни ентер