„Разговаравме со него, разговаравме со центарот за социјална работа за да се најде начин како да се разговара со родителите и тоа да се подобри. Децата коишто бегаат од дома како резултат на семејно насилство – многу често можат да бидат жртви и манипулирани, меѓутоа, ова е еден позитивен пример на нас, како граѓанска организација со центарот за социјална работа во насока на згрижување и давање на соодветен третман на првенствено и од нас и од центарот за социјална работа - изјави Јана Зенговска, психолог во „Меѓаши“ .
Детето кое подлежи на насилство е агресивно кон преостанатите дечиња или пак, е повлечено од средината, објаснуваат психолозите. Токму така наставниците можат да препознаат дали во домот на едно дете има семејно насилство, вели Јана Зенговска од детската амбасада „Меѓаши“.
„Доколку препознаат дека некое дете има некакво типично однесување по однос на спроведување на активностите, во однос, на односот со другарчињата, на самите наставници или воспитувачи, бега, нема концентрација, многу навредува, критички е настроено, уринира, а надмината е таа фаза, во тој случај треба да ја информираат стручната служба во училиштата или градинката. Не значи дека детето коешто било жртва на семејно насилство дека автоматски треба да се одземе родителството“, изјави Јана Зенговска, психолог во „Меѓаши“.
За само шест месеци на СОС телефонот се пријавени 50 деца потенцијални жртви на прекршување на правата. Од нив, 10 случаи жртви на семејно насилство.
СОС Телефон: 0800 1 2222