Автомобилизам

Apple iCar сака да ја надмине не само Тесла, туку и целата автоиндустрија

Проект Титан: ова е името на проектот што Стив Џобс, основачот на Apple, го започна пред 15 години.

Поточно, по средбата со тогашниот шеф на Фолксваген, Мартин Винтеркорн, на која се разговарало за иднината на автомобилската индустрија. Се разбира, идејата на Стив Џобс не била само да учествува во производството на возило. Исто како што iPhone направи револуција на пазарот на мобилни телефони, iCar треба да го револуционизира пазарот на возила.

Фактот дека Apple има мало или никакво искуство со автомобили навистина нема никаква врска со тоа. Денес, автомобилските компании и онака само склопуваат автомобили: скоро сите делови ги прават специјализирани компании и ги носат на производствена линија. Веќе ги развиваат според добиените спецификации. Значи, останува на Apple да го замисли производот. Земете го ова „само“ многу опционално, бидејќи тука лежи најголемиот проблем. Затоа, тие веќе почнаа да ги „крадат“ најдобрите луѓе од конкуренцијата, за автомобилот навистина да стане она кон што се стремат: нешто сосема друго.

Така, дизајнерот Џулијан Хониг, познат како дизајнер на футуристичкиот концепт Audi RSQ за блокбастерот I, Robot, со Вил Смит во насловната улога, се пресели од Audi во Apple. Раководител на комплетниот проект, на кој работат повеќе од илјада луѓе во седиштето на Apple во Купертино, Калифорнија, е германскиот инженер Урлих Кранц со тридецениско искуство во BMW, со заслуги за лансирањето на моделите i3 и i8. И не само тоа: Apple тесно соработува со иновативни компании како Hyundai, Nissan, па дури и Mercedes, собирајќи информации и знаење. Згора на тоа, овие компании - или поточно нивните погони - се сметаат за најверојатните кандидати да ја добијат работата за склопување на iCar.

Се разбира, Тим Кук, шефот на Apple, е под посебен притисок, бидејќи неговата цел не е само да биде подобар од Tesla, туку подобар од сѐ што постои на пазарот денес. Ризиците се големи, профитот не толку: кај автомобилите, велат тие, може само да се сонува за оперативен профит како што се постигнува со мобилните телефони. Тоа е само над 20% во Ferrari, а Tesla не зафаќа ниту 15%, според аналитичарите.

Конечно, каков ќе биде iCar? За разлика од Илон Маск, кој сака да покажува сѐ што е поврзано со Тесла, Тим Кук ги крие деталите. Она што е познато е дека веднаш ќе го има третото ниво на автономија, што значи дека ќе може целосно сам да вози, но возачот ќе треба да може да ја преземе контролата. Во следната фаза веднаш се очекува петтото ниво, што значи дека iCar нема да има ниту волан, ниту педала за гас.

Дури и најголемите скептици, на пример поранешниот шеф на Фолксваген, Херберт Дис, сега признаваат дека Apple е на последното плато и дека многу веројатно можеме да очекуваме детали за возилото веќе следната година, а првите примероци на патиштата во 2027 година.

Шоу биз

Јелена Карлеуша најави што ќе објавува на „OnlyFans“: Тоа не е дозволено на „Instagram“

На „Instagram“  ја следат речиси два ипол милиони следбеници, но и покрај тоа, оваа социјална мрежа има многу ограничувања, кои се „проблем“ за Јелена Карлеуша.

Иако многумина се надеваа дека содржината на пејачката на „OnlyFans“ ќе биде многу поексплицитна, таа проговори на оваа тема и објасни за што всушност се работи.

„Instagram ги заостри правилата и ја санкционира секоја поексплицитна содржина, па дури и фотографии во бикини. Затоа сум на „OnlyFans“. Реакциите се како да најавив снимање на порно, секакви работи“, изјави Јелена Карлеуша за Информер. .

Извор: Аваз

Автомобилизам

Членките на ЕУ одобрија построги ограничувања за CO2 за камиони и автобуси

Земјите-членки на Европската унија денеска одобрија нов закон со кој ќе се заострат ограничувањата за емисиите на јаглерод диоксид (CO2) од тешките патни возила, како камиони и автобуси.

Како што пренесе ДПА, законот ќе ги прошири правилата согласно кои моментално се регулираат камионите со тешки товари за да ги опфатат урбаните автобуси, автобусите и приколките.

Просечните емисии на CO2 за големите патни возила треба да се намалат за 45 проценти до 2030 година, 65 отсто до 2035 година и 90 проценти до 2040 година, во споредба со нивоата од 2019 година. Урбаните автобуси не би требало воопшто да испуштаат CO2 до 2040 година и да ја исполнат целта за намалување од 90 отсто до 2030 година.

Ограничувањата беа привремено договорени во јануари од Белгија, дејствувајќи во име на земјите-членки на ЕУ и преговарачите за Европскиот парламент. Највисоките дипломати потоа му дадоа зелено светло на тој договор во февруари, отворајќи го патот за позитивно гласање во Европскиот парламент во април.

Денешната одлука на министрите од земјите-членки е последниот чекор. Се очекува Европската комисија да го разгледа влијанието на законот во 2027 година.

Во соопштението за печатот на ЕУ се вели дека тешките возила се одговорни за 25 отсто од емисиите на стакленички гасови од патниот транспорт во ЕУ. Првите ограничувања за такви возила беа поставени во 2019 година. /МИА

Свет

Британскиот крал Чарлс му предаде воена улога на принцот Вилијам

Британскиот крал Чарлс официјално му ја предаде улогата на врховен полковник на армискиот воздушен корпус на принцот Вилијам за време на посетата на аеродромот во Хемпшир.

Чарлс, кој е инаугуриран носител на оваа титула веќе 32 години, попладнево се сретна со својот најстар син во редок заеднички официјален ангажман во базата Мидл Валоп за да му ја пренесе улогата.

Воздухопловниот корпус на Армијата е старата единица на војводата од Сасекс, во која служеше како командант на хеликоптер Апачи и копилот-стрелец за време на неговата втора воена служба во Авганистан во 2012 година.

Одлуката на кралот да му ја предаде улогата на Вилијам се сметаше за удар за Хари кога беше објавена минатата година.

Кралот рече дека е „голема радост“ да се сретне со војниците, нивните семејства и ветерани при претходна посета на Музејот на военото воздухопловство, но додаде дека предавањето било „преплавено со голема тага“.

- Се надевам дека во иднина ќе бидете се поуспешни со принцот од Велс како ваш нов врховен полковник, рече крајот Чарлс.

- Одлична работа е што тој навистина е многу добар пилот – па тоа е охрабрувачки, додаде британскиот крал. /МИА

притисни ентер