Живот

Арапски принц во Дубровник потрошил илјадници евра , па не сакал да плати

Иако пребогати , гостите кои на луксузната јахта “Yas” од Обединетите Арапски Емирати дошле во Дубровник, останале без текст кога по забавата во ноќен клуб им стигнала сметка од 50 000 евра.

Според хрватските медиуми , кои ја објавија фискалната сметка , точниот износ бил 368 120 куни.За време на забавата било испиено едно шише шампањ Дом Перињон и повеќе шишиња познати француски вина , поскапи и од шампањот.

Забавата се одржала овој викенд , откако 145 метри долгата луксузна јахта впловила во дубровничкото пристаниште.

Во ноќниот клуб Ревелин во тврдината на градот се забавувал Мохамед , синот на шеикот и крунскиот принц од Дубаи , Хамдан бин Зајед Ал Нахјан. Гостите уживале во програмата во клубот , каде настапувале латино девојки во перја од ној. Гостите од Емиратите се однесувале пристојно , освен што ги честеле хостесите .

Но , кога утрото околу 6 часот го напуштале клубот , остамнале без зборови кога ја виделе сметката. Износот бил таков , што принцот сам не можел да го плати , па се вклучиле и пријателите со кои ја минал ноќта.

Наводно , тој прво одбил да ја плати сметката , по што персоналот на ноќниот клуб Ревелин повикале полиција.

Така принцот и две Британки биле однесени во полициска станица , зашто немале документи. Откако им бил утврден идентитетот , биле пуштени , потврдуваат од полицијата.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.

Аугсбург заврши 11-ти со 39 бодови./МИА

притисни ентер