СДСМ со позитивна оценка за предлогот Анита Ангеловска-Бежовска да биде гувернер на Народната банка

СДСМ со позитивна оценка за предлогот на Иванов,  Анита Ангеловска-Бежовска да биде гувернер на Народната банка

СДСМ со позитивна оценка за предлогот на Иванов,  Анита Ангеловска-Бежовска да биде гувернер на Народната банка. Од владејачката партија велат таа е докажан експерт и професионалец и дека ја заслужува нивната поддршка. В понеделник на координација ќе го разгледале предлогот.  

“Пратеничката група на СДСМ и Коалицијата позитивно гледа на новиот предлог на претседателот Иванов. Лично сметам дека г-ѓа Ангеловска Бежовска, којашто е докажан експерт и професионалец во својата област ја заслужува нашата поддршка. На позицијата гувернер потребно е да застане човек кој ќе ја гарантира независноста на институцијата, кој ќе се грижи за развој и унапредување на банкарскиот систем и за финансиската стабилност на државата и кој ќе работи исклучиво во интерес на граѓаните на РМ“, Томислав Тунтев, координатор на пратеничка група на СДСМ.

Бежовска поддршка добила поради богатото искуство.

Таа докторирала на Економскиот факултет во Љубљана во 2015та година. Има работено како главен економист во Народната Банка од 2004 до 2010 година. Била ангажирана во Меѓународниот Монетарен Фонд во Вашингтон, а работела и на повеќе позиции во министерството за финансии.

Бежовска во моментов е вицегувернер. Мандатот и беше продолжен лани во септември од страна на мнозинството на овој пратенички состав со 97 гласа „за“.

Од ВМРО-ДПМНЕ и ДУИ се уште немаат став за Ангеловска-Бежовска. Го разгледувале предлогот.

Доколку Бежовска биде избрана, Народната банка за прв пат во историјата ќе добие жена гувернер.

Мандатот на Богов истекува на 20 мај. Неофицијално, на 21 ќе биде седницата за избор на гувернер.

Тетовец баран со меѓународна потерница уапсен на Ќафасан

Тетовец баран со меѓународа потерница од италијанските власти е уапсен на граничниот премин Ќафасан, на албанско-македонската граница.

Станува збор за жител на селото Доброште,тетовско, по кого Интерпол Рим пред единаесет години распишал потерница и го бара за кривични дела по две основи „принудување на проституција" и „киднапирање".

– Лицето Мусли Халити (44), македонски државјанин, е упасен при влез на преминот Ќафасан откако при контрола на неговите документи во системот, произлезе дека е лице барано со меѓународна потерница. Судот во Монца, Италија во јуни 2001 година му изрекол мерка  притвор, за извршени кривични дел „принудување на проституција" и „киднапирање", а потоа Интерпол Рим распишал меѓународна потерница, стои во соопштението на регионалниот полициски комесаријат од Корча, под чија надлежност е преминот.

За неговото апсење известена е канцеларијата на Интерпол Тирана, која треба да превземе понатамошни активности за негова екстрадиција во Италија. 

Нападнати полицаец и обезбедувач при тепачка на две групи

Полицаец и работник на обезбедување биле напднати при расчитување на тепачка помеѓу две групи на млади лица што изминатата  ноќ околу 2 часот и 30 минути се случила пред угостителски објект во Тетово.

Според портпаролот на СВР Тетово Марјан Јосифовски, полицијата добила информации за нарушување на јавниот ред и мир пред угостителски објект на улицата "Благоја Тоска" во Тетово.

-Додека преземале службени мерки на местото од пријавата едно лице започнало вербална расправија со полицајците упатувајќи им навреди и закани. Откако од страна на полициските службеници бил предупреден тој удрил еден полициски службеник. Лицето веднаш било приведено во полициска станица каде бил утврден и неговиот идентитет односно било констатирано дека станува збор за 16- годишник од Тетово. Против него ќе биде поднесен соодветен поднесок рече Јосифовски.

Нешто подоцна околу 4 часот Б.Д.(49) од с.Жилче вработен во агенција за обезбедување пријавил во полиција дека бил физички нападнат од страна на лицето И.И.(23) од Тетово. Според неговата пријава додека тој извршувал работни задачи за обезбедување во угостителски објект на улицата „Благоја Тоска" околу 02.30 часот забележал тепачка помеѓу две групи на млади лица.  Тој при обид да интервенира односно да ги раздели да не дојде до поголемо нарушување на јавниот ред и мир два пати бил физички нападнат од И.И. Набрзо И.И. бил приведен и задржан во полициската станица Тетово.

Полицијата работи на идентификување на сите учесници во нарушувањето на јавниот ред и мир и по целосното расчистување и документирање на случајот ќе  следуваат соодветни поднесоци најави Јосифовски. 

СДСМ: Граѓаните и пратениците го победија антизападниот пион Христијан Мицкоски

Кон успехот да се приклучат сите кои се за ЕУ и НАТО без разлика на партиската припадност, реагираат од СДСМ на прес конференцијата на портпаролот на ВМРО- ДПМНЕ , Наум Стоилковски.

Антизападното раководство на ВМРО-ДПМНЕ и антизападниот пион, Христијан Мицкоски се спречени во намерите да ја закочат македонската иднина.

Мицкоски и антизападното раководство на ВМРО-ДПМНЕ се поразени, не успеаја да го блокираат патот на Македонија кон ЕУ и НАТО и остануваат единствени кои дејствуваат спротивно на наципналните и државни интереси.

Граѓаните и пратениците го победија антизападниот пион Христијан Мицкоски. 80 пратеници во Собранието слободно, по сопствено убедување гласаа за иднина во ЕУ и НАТО и ја испочитуваа јасно изразената волја на над 80 отсто од сите граѓани и над 90 отсто од граѓаните кои излегоа на референдумот на 30 септември.

Македонија се обденини околу врвните национални и државни интересе. Сега, кон таквиот историски успех треба да се приклучат сите кои се за НАТО и ЕУ без разлика на на нивната партиска припадност.

Македонија ќе биде членка на ЕУ и НАТО без разлика колку тоа да не му се допаѓа на Мицкоски и антизападните марионети во врвот на ВМРО-ДПМНЕ, се наведува во реакцијата на СДСМ. .

притисни ентер