Живот

Во Охрид се собираа средства за лекување на малата Сара Настеска – потребни се 200 000 евра

Граѓаните на Охрид уште еднаш демонстрираат хуманост и подготвеност да помогнат во неволја.

Голем број граѓани, но и фирми, компании, здруженија, спортски клубови, институции се мобилизираат за активно учество во акцијата за собирање средства за лекување на 15-годишната Сара Настеска, која боледува од Anemia Aplastica, што може да се лекува со трансплантација на коскева срж.

Најавени се серија хуманитарни акции за собирање на 200-те илјади евра потребни за интервенцијата што би се спровела во Германија.

Веќе се организирани хуманитарни саеми во училишта во Охрид, козметички салони вршат шминкање, акции за собирање средства организираа и навивачката група „Рибари", Општинската организација на Црвениот крст, спортистите од градот.

Сите средства собрани од продажба на билетите за ракометното дерби Охрид – Струга што ќе се игра утре ќе бидат донирани за помош на Сара, исто како и фудбалскиот натпревар меѓу Охрид и Струга, прволигашкиот кошаркарски натпревар меѓу „АВ Охрид" и Куманово. Во акцијата се вклучија и организаторите на најмасовната спортска манифестација во градот „Охрид трчаТ" кои ќе делат стартни пакети за компаниите, институциите и сите што ќе донираат средства за помош на Сара.

Отворени се и трансакциски сметки за донации, телефонски линии за собирање средства преку мобилните оператори, како и профили за собирање средства преку социјалните мрежи.

200001557959672 – Горан Настески, Стопанска банка

143102 т-мобиле 143480 вип

Македонија

АСО: Поскапувањето на осигурувањето за регистрација на возилата е неоправдано

Агенцијата за супервизија на осигурување ја известува јавноста дека зголемувањето на цената на полисите за задолжително автомобилско осигурување е неоправдан чекор на осигурителните компании.

По добиените известувања од осигурителните компании дека ќе ја зголемат цената направени се актуарски пресметки за проверка. По извршените актуарски пресметки утврдено е дека зголемувањето на цената, со дадените образложенија, не е оправдано.

Поради тоа АСО го информираше и достави предлог до Министерството за финансии, во рамки на неговите законски надлежности, да иницира изготвување и донесување нова тарифа на премии за задолжително осигурување од автомобилска одговорност. И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност, стои во соопштението од Агенцијата за супервизија на осигурување .

НБА

Бранителот на тронот Денвер по трет пат подобар од ЛА Лејкерс

Кошаркарите на шампионот Денвер поведоа со 3:0 во првото коло од плејофот на Западната конференција во НБА лигата, откако утринава на гостински терен го совладаа Лос Анџелес Лејкерс со 112:105.

Српскиот репрезентативец Никола Јокиќ повторно беше најзаслуниот за триумфот на популарните Грутки над тимот на Леброн.

Јокиќ за 39 минути на паркетот постигна 24 поени, имаше 15 скока и девет асистенции, што значи дека беше на прагот на уште еден „трипл-дабл“ учинок во плеј-офот. На овој начин Нагетси ја остварија единасеттата победа во низа против тимот од Лос Анџелес, а легендарниот Леброн Џејмс за првпат во кариерата загуби десет последователни натпревари против еден тим. Денвер сега е на чекор до конференциско полуфинале, затоа што води со 3-0 во серијата со „езерџиите“. Покрај Јокиќ, во „Крипто центарот“ расположен беше и Арон Гордон кој постигна 29 поени, додека кај Лејкерси, Ентони Дејвис имаше учинок од 33 поени и 15 скока, а Леброн Џејмс даде четири поени помалку.

Македонија

180.000 гласа разлика во корист на Силјановска Давкова и ВМРО-ДПМНЕ пред Пендаровски

180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата.

Народот не поддржува политика на понижување на Македонија.

Граѓаните јасно кажаа дека се против криминалот на СДС и ДУИ.

7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствувале безбеден, криминалот царуваше по улиците.

Народот не сака да живее повеќе во несигурност.

Над 180.000 гласови предност се обврска за ВМРО-ДПМНЕ Македонија повторно да ја врати на народот.

Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот.

Македонија повторно твоја.

Со почит,

Центар за комуникации на ВМРО-ДПМНЕ