Во 2017 година имало 170 милиони, а и во претходниот период бројките биле тука некаде. Тоа ни дава за право да имаме малку поголема комоција да проектираме малку поголема комунална изградба, изјави градоначалникот на Кавадарци Митко Јанчев.
Посочи дека околу седумдесет милиони денари чини двегодишната инвестиција во градскиот пазар.
– Ќе стартуваме годинава, а за периодот додека се гради, ќе имаме заменски пазар, кој подоцна ќе прерасне во втора пазарска локација во градот. Веќе е одобрен тендерот за доуредување на кејот на реката Луда Мара во селото Ваташа, инвестиција од дваесет милиони денари. Комплексот „Лалуна" планираме преку јавно приватно партнерство да биде исто така реализиран. Физибилити студијата се изработува и би требало да заврши за околу шест месеци. Се прави студија и за инвестирање кај спортската сала „Јасмин", информираше Јанчев.
Најави интензивно ново асфалтирање на улици, и дека Кавадарци ќе добие нов лик.
– Јавното претпријатие „Комуналец" ни е во многу добра кондиција, изминатата година таму беше обезбедена и нова опрема. Комуналци сега, за разлика од минатото, не користат услуги од трети лица. Таквите услуги ги извршуваат самите, а тоа е голем бенефит, бидејќи целокупната заработувачка си останува во јавното претпријатие, соопшти Јанчев.
Градоначалникот најави уредување на градските гробишта, обезбедување бесплатен паркинг во близина и електрично возило кое ќе им помага на старите и изнемоштените, од паркингот да стигнат до одредени гробни места кои сакаат да ги посетат.