Технологија

НАСА објави колку ќе чини патувањето во вселената!

Љубителите на космосот веднаш нека започнат со штедење. НАСА објави дека Меѓународната вселенска станица (ИСС) ќе биде отворена за обични граѓани  по цена од 50 милиони долари.

Со новата политика со која на ИСС и се дозволени комерцијални летови, на приватните астронаути ќе им биде дозволено летање до Меѓународната станица , најрано од 2020 година, објави НАСА.

Мисиите на приватните астронаути би траеле најдолго до 30 дена и нивните должности би биле во склад со неодамна одобрената политика на комерцијални и маркетиншки активности во врска со ИСС.

НАСА предвидува по две приватни мисии годишно по цена од 50 милиони долари по астронаут. Секако и за приватните астронаути ќе важат правилата за строги медицински стандарди и правила за обуки на НАСА.

За превозот на приватните астронаути до Меѓународната вселенска станица ќе се грижат две американски компании кои развиваат капсули за транспоирт на луѓе , компаниите „ SpaceX“ и „ Boeing“.

ИСС инаку е плод на соработка на пет вселенски агенции кои преставуваат 15 држави , станицата се градела десет години во повеќе од 30 вселенски мисии.

Вселенската станица сега е голема колку едно фудбалско игралиште и кружи на височина од 400 километри над Земјата.

Екипажите од три до шест астронаути се менуваат периодично.

Досега во станицата престојувале астронаути од САД, Русија, Канада, Јапонија и Европа.

Фудбал

Саудиски „Арамко“ нов глобален партнер на ФИФА

Саудискиот нафтен гигант „Арамко“ ќе биде главен глобален партнер на Меѓународната фудбалска федерација (ФИФА) заклучно со крајот на 2027 година, соопшти ФИФА.

Македонија

Најстудено во Лазарополе, најтопло во Дојран

Најстудено утрово е во Лазарополе -2 степена, -1 степен е измерен на Попова Шапка, еден во Маврови Анови, Битола, Крушево и Тетово.

Најстудено утрово е во Лазарополе -2 степена, -1 степен е измерен на Попова Шапка, еден во Маврови Анови, Битола, Крушево и Тетово, два во Крива Паланка, Прилеп, Охрид и Претор, три во Берово, четири во Струмица, Виница, Штип, Скопје-Петровец и Скопје-Зајчев Рид, пет во Велес и Демир Капија, шест во Кавадарци и Гевгелија, а 10 степени во Дојран.

Управата за хидрометеоролошки работи информира дека во изминатите 24 часа најмногу дожд наврнало на Попова Шапка со седум литри на квадратен метар, пет во Тетово, четири во Пожаране, Крива Паланка и Крушево, три во Охрид, два во Прилеп, Виница, Маврови Анови и Претор и еден литар на квадратен метар во Лазарополе, Демир Капија, Берово, Штип, Кавадарци, Гевгелија, Велес, Битола, Ѓуриште.

Во текот на ноќта и изутринава времето е претежно ведро со мала до умерена локална облачност.

Утрово во крајните западни и источни делови има појава на умерена облачност, а наместа долж речните долини има појава на магла. Дуваше слаб до умерен ветер претежно од северен правец.

Времето денеска ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец.

Максималната температура ќе биде во интервал од 16 до 23 степени. Во Скопје сончево со мала до умерена облачност и со слаб ветер од северозападен правец.

Свет

Ким Џонг-ун надгледуваше пробно истрелување ракети и изрази задоволство од прецизноста

Ким Џонг-ун надгледуваше пробно истрелување ракети и изрази задоволство од прецизноста и досегот.

Севернокорејскиот лидер Ким Џонг Ун вчера го надгледуваше пробното истрелувањето ракети од 240 милиметри од повеќецевни лансири, произведени од новоформираната фабрика на воената индустрија, објави денеска агенцијата КЦНА.

Севернокорејската агенција не даде повеќе детали за фабриката. Се верува дека Северна Кореја го зголемува производството на артилерија, а САД и Јужна Кореја ја обвинуваат дека ја снабдува Русија со оружје.

Пробното истрелување покажа дека ракетите ги исполнуваат потребните стандарди за точност и досег, соопшти КЦНА.

Ким изјави, пренесе КЦНА, дека повеќецевниот ракетен систем, што вклучува нова технологија, „ќе донесе стратешка промена во зајакнувањето на артилериските способности на војската“.

притисни ентер