Се очекува успешна втора вечер на „Пивофест" во Прилеп

Неподелен е впечатокот дека првата вечер на „Пивофест 2019" помина во одлична атмосфера и голема посетеност, што во претходните години не беше карактеристика за првиот фестивалски ден.

Соопштија на денешната прес-конференција организаторите на една од најголемите и најатрактивни летни забавни манифестации „Пивофест" што синоќа почна во Прилеп.

Посетителите синоќа ги проследија настапите на групата „Прилепски еснаф", на дуетот Селимова – Желчески, на рок-изведувачите Ѓорѓе Давид и на Ивана Негатив, како и концертот на групата „Галија", кој привлече огромен интерес кај сите генерации.

Според прилепскиот градоначалник Илија Јованоски, нескриено е чувството на радост што синоќешната вечер помина одлично, на задоволство, како на учесниците и организаторите, така и на посетителите.

– Задоволството е уште поголемо што и на алтернативните сцени беше исто така добро, како и во детското катче и на јавниот простор, така и на Камената бина каде младите се забавуваа до раните утрински часови. Најважно е што сѐ помина во најдобар ред. Вечерва очекуваме да има уште поголема посетеност, не само од нашите сограѓани, туку и од посетителите од другите градови во нашава држава и надвор од неа. Сите екипи се подготвени да одговорат на предизвикот што го носи овој ден и очекувам дека и оваа вечер ќе помине во најдобар ред и дека посетителите, гостите и сите ние ќе бидеме задоволни, истакна Јованоски.

Љупчо Тодоровски и Александар Митриќески, кои се дел од организацијата на „Пивофест 2019" задолжени за алтернативнот дел од програмата, оценија дека првата вечер на Камената бина на плоштадот „Александрија" поминала во прекрасен амбиент и не се сомневаат дека понудата за втората вечер ќе биде на задоволство на помладите посетители.

– Пред сѐ, мора да кажеме едно големо „благодарам" за тоа што имаме можност да бидеме дел од еден ваков голем фестивал. Помина првиот ден со многу посетители и имавме можност да ги чуеме ди-џеј Гејм Овер и Васко Бојаџиски, Марио Еди и „Архитек мјузик". Вечерва ќе ги проследиме настапите на Александар Миланов, Дејан Декс и Митрик, изјави Тодоровски.

Михајло Миленкоски, одговорниот за детската зона, напомена дека на вчерашната забава присуствувале околу 350-400 деца, кои покажале голема креативност и придонеле да се создаде одличен амбиент. Програмата во детската зона е поделена во два дела, првиот од 9 до 12 часот и попладневниот дел кој почнува во 18 часот, а завршува со детското кино во 21 часот.

Во втората вечер на „Пивофест 2019", главната бина е резервирана за настапите на Миле Кузмановски, Ален Хасановиќ, Уска Кан и Демир Кантуровски, а вечерта ќе ја затвори Светлана „Цеца" Ражњатовиќ. /МИА

Кој и сервираше појадок во кревет на Елизабет Харли?

Елизабет Харли е жив доказ дека годините се само бројка.

Сексапилната Англичанка во шестата деценија од својот живот има совршено тело, кое често го користи за да ја рекламира својата линија на костими за капење.

Таа своевремено имала бурен љубовен живот. Но Елизабет одамна не е видена во машко друштво а да тоа не е нејзиниот син или некој пријател. Пред неколку дена таа ги заинтригира своите фанови на Инстаграм кога објави фотографија од кревет.

Позираше покриена со јорган и со чинија овошје во рацете а многумина се запрашаа кој и сервирал појадок во кревет на Елизабет?

Научниците за прв пат ја измерија брзината на отчукување на срцето на синиот кит кога ќе нурне

Научниците со помош на електрокардиограф прицврстен за телото на синиот кит за прв пат во историјата ја измериле брзината на отчукувањето на срцето на ова животно.

Кога ќе се нурне под вода во потрага по храна, заклучиле дека има само неколку отчукувања во минута.

Научниците заклучиле дека, најголемиот цицач, синиот кит, кој може да достигне должина и до 30 метри и да тежи 200 тони, ја намалува активноста на срцето на само неколку отчукувања во минута кога ќе се нурне во вода.

Кога  синиот кит е под вода на моменти срцето му чука со само две отчукувања во минута а откако ќе излезе на површината на океанот и ќе вдише воздух срцето му чука со 37 отчукувања по минута, пишува „Ројтерс“.

Кај луѓето, срцето во состојба на мирување отчукува во распон од 60 до 100 отчукувања во минута а за време на напор или вежбање околу 200 отчукувања во минута.

.

Мекларен го претстави најмоќниот модел од својата Спорт серија

Британскиот Мекларен поприлично богатата година, кога се во прашање новите модели, ја заокружи со најмоќната верзија од својата Мекларен Спорт серија.

Се работи за ограничена серија од тркачкиот модел „620R“ прилагоден за цивилна употрева.

Мекларен ќе направи само 350 примероци со 3.8 литарски „V8“ мотор кој испорачува 611 коњски сили.

Овој модел базиран на тркачката верзија  „570S GT4“ забрзува од 0 до 100 км/ч за само 2,9 секунди.

За сопирање на „620R“ се задолжени карбон- керамички сопирачки со дискови со дијаметар од 390 милиметри напред и 380 милиметри назад.

Почетната цена на моделот е 299.000 долари.

притисни ентер