Македонија

Мишел во Скопје: Охрабрување, но без гаранции за позитивен епилог напролет

Со пораки на силна посветеност, но и без гаранции дека Македонија може да се надева на сигурен почеток на преговори на пролет, првиот човек на Европскиот совет, Шарл Мишел ја заврши посетата на земјава.. 

Новата методологија и реформската агенда на земјава беа во фокусот на разговорите на Претседателот на Европскиот совет Шарл Мишел со државно-политичкиот врв на Македонија. Тој денеска посетата на земјава ја заокружи на средби со лидерите на двете најголеми политички партии, СДСМ и ВМРО-ДПМНЕ, но Мишел денеска не даде изјава. Претседателот на СДСМ, Зоран Заев, по средбата кажа дека со првиот човек на Европскиот совет разговарал за европската перспектива на Македонија и порача дека земјава треба да си ја заврши домашната задача преку носење на потребните закони.

Од опозициската ВМРО-ДПМНЕ пак, за средбата се огласија преку соопштение во кое посочуваат дека на средбата со Шарл Мишел, било заклучено дека реформската агенда на земјава мора да продолжи, а лидерот на партијата Мицкоски истакнал дека членството на Македонија во Унијата за нив е на највисоко ниво.

,,Претседателот Мицкоски истакна дека членството во ЕУ е највисоко во агендата на ВМРО-ДПМНЕ и како партија која ќе ја формира владата по 12 април ќе направи се за Македонија да биде ставена на брза трака кон интеграција во Унијата. Заклучено е дека мора да има реформи, како на судско, административно, безбедносно, така и на секое друго ниво од значење на државата.

Пораките на Претседателот на Европскиот совет Шарл Мишел, во поглед на проширувањето, за дел од аналитичарите во земјава се позитивни. Поранешниот дипломат Нано Ружин вели дека воздржаноста на Мишел за некои прашања е бидејќи процесот кој следува не е лесен, а Европа од нас очекува да ги исполниме барањата.

Претседателот на Европскиот совет Шарл Мишел, по вчерашните средби со премиерот на техничката влада Оливер Спасовски и Претседателот Пендаровски порача дека на советот во март ќе се водат тешки разговори околу проширувањето. Мишел додаде и дека за време на неговиот мандат ќе се залага за отворање на процесот на преговори со Македонија и во таа насока до Европскиот совет ќе предложи стратегија базирана на три столба.

Рецепти

„Гответе со Дракче“ - Оброк со варени јајца

Во четврток (25.04.2024) во емисијата гостин ни беше Благоја Грујовски.

Состојки за денешниот рецепт:

4 јајца

1 лажица јаболков оцет

1 лажица крупна сол

100 гр. рендан пармезан

1 коцка путер

малку бибер

неколку парчиња двопек

Погледнете како се подготвува овој рецепт:

Регион

Локалните избори во Србија и изборите во Белград ќе се одржат на 2 јуни

Претседателката на српскиот парламент, Ана Брнабиќ, за недела, 2 јуни, распиша локални избори во 66 единици на локалната самоуправа во Србија.

Во своето обраќање во српскиот парламент, Брнабиќ рече дека распишувањето на локалните избори за 2 јуни, кога ќе се одржат и изборите во Белград, е резултат на „успешниот дијалог“ и усвојувањето со двотретинско мнозинство во парламентот на измените и дополнувањата на законот за локални избори.

- Среќна сум што испративме порака од парламентот до сите наши граѓани дека како нивни избрани претставници сме способни да постигнеме договор и покрај сите наши разлики. Ваквиот договор е победа на сите одговорни луѓе, рече претседателката на српскиот парламент.

Веднаш потоа, претседателот на привремената управа на Белград, Александар Шапиќ, за недела, 2 јуни, распиша избори во 17 белградски општини.

Шапиќ рече дека од денеска почнуваат роковите за спроведување на изборните дејствија.

- Им посакувам среќа на сите учесници на изборите и на граѓаните кои покрај претставниците во собранијата на градските општини избираат и свои претставници за Собранието на град Белград, рече Шапиќ.

Свет

Украина ги повлекува американските тенкови „Абрамс“ од првата борбена линија

Украина ги отстрани борбените тенкови „Абрамс М1А1“ од фронтот, потврдија двајца американски воени претставници. 

Ваквиот потег тие го објаснија со тоа што руските беспилотни летала ја отежнале операцијата на тенковите.

Украина ги отстрани борбените тенкови „Абрамс М1А1“ од фронтот, потврдија двајца американски воени претставници. Ваквиот потег тие го објаснија со тоа што руските беспилотни летала ја отежнале операцијата на тенковите.

САД се согласија да испратат 31 „Абрамс“ во Украина во јануари 2023 година по агресивната повеќемесечна кампања на Киев. Украинците тврдат дека тенковите, кои чинат околу 10 милиони долари по парче, се клучни за нивната способност да ги пробијат руските линии.

Пет од 31 тенк веќе се изгубени во руските напади. Висок американски воен функционер, кој сакаше да остане анонимен, истакна дека ширењето на беспилотните летала на украинското бојно поле значи дека „нема отворен терен преку кој можете само да возите без страв дека ќе бидете откриени“.

Дека тенковите се поместени од линијата на фронтот потврди и потпретседателот на Здружениот Генералштаб Кристофер Грејди, но најави и дека Вашингтон ќе му помогне на Киев да подготви нова тактика.

-Кога размислувате за начинот на кој борбата еволуирала, масивниот оклоп во средина каде што се присутни беспилотни воздушни системи може да биде изложен на ризик. Ќе работиме со нашите украински партнери и другите партнери на теренот, за да им помогнеме да размислат како можат да ги користат, во таква променета средина, каде што сè е веднаш видливо, рече тој, додавајќи дека тенковите се сè уште важни.

притисни ентер