Откако полета на ракетата “фалкон хеви“, автомобилот сега се наоѓа на околу три милиони километри од Земјата, а се очекува дека во вселената би можел да остане засекогаш. Меѓутоа, симулациите покажуваат дека автомобилот својот пат може да го заврши многу порано.
„Тесла најверојатно ќе се удри во Земјата за неколку десетина милиони години“ – изјави Хано Рејн за „Национална географија“.
РЕјн со колегите направил симулација на патот на кој ќе го помине автомобилот, кој веќе е класификуван како вселенско тело. Станува збор за проценка која покажува дека орбитата ќе го пресекува патувањето на Земјата и Марс и блиските средби со планетите ќе го менува правецот на автомобилот. Тоа ќе ја направи целата работа уште потешка за предвидување, но со доволен број на симулации, може да се дојде до најверојатното сценарио.
Па така, нивното пресметување покажува дека на автомобилот му преостануваат “само“ неколку десетина милиони години кружење низ вселената. Се знае дека во 2091 ќе помине поред нас, и тоа меѓу Земјата и Месечината, и ќе може да се види со телескоп. Такви средби ќе има многу, но подоцна ќе има и поблиски поминувања покрај Венера и Марс, а таквите средби ќе ја променат орбитата на автомобилот.
И додека изгледите за судир со Марс скоро и да не постојат, има скоро шест отсто веројатно дека автомобилот за милион години ќе се судри со Земјата. За три милиони тие шанси ќе пораснат на 11 отсто, а Рејн објаснува дека веројатноста за судир со текот на времето само ќе расте.
Со неговата проценка се согласува и Рен Малхотр од Универзитетот во Аризона, кој објаснил дека автомобилот сега се однесува како и секој природен објект со истата големина.
Во Земјината атмосфера неколку пати годишно влетуваат објекти со ваква големина, и таквите судири се безначајни, изјавува Малхотр.
Сепак, тој верува оти најверојатниот крај за автомобилот ќе биде судир со Сонцето, за неколку милиони години.