За тоа време должноста ја презеде потпретседателката Камала Харис, првата жена во историјата на САД што ја извршува оваа функција.
Американскиот претседател, кој беше подложен на „рутинска“ колоноскопија, разговарал со Камал Харис и шефот на кабинетот околу 11:35 часот по локално време. „Тој беше добро расположен и повторно ја презеде функцијата во тоа време“, напишала на Твитер портпаролката на Белата куќа Џен Псаки.
Таа прецизира дека Џо Бајден моментално престојува во болницата Волтер Рид, во близина на Вашингтон, каде што продолжува со рутинските прегледи.
Деталите за здравствената состојба на претседателот, кој во сабота го има својот 79-ти роденден, ќе бидат објавени подоцна во текот на денот.
Бајден, кој не пуши и не консумира алкохол, беше вакциниран против Ковид со трета доза кон крајот на септември.
Како 78-годишник Бајден стана најстариот американски претседател во историјата. Иако се уште се шпекулира дали ќе се кандидира повторно во 2024 година, тој вели дека очекува втор мандат.