Здравје

Бебе со две лица

Во Индонезија се родило бебе со две лица, поради тоа што нејзиниот сијамски близнак не се развил во матката, пишува „Дејли маил“.

Бебето Гиланг Андрика, кое сега има два месеца, е родено со две лица и два мозоци, но со само една глава и тело во градот Батама во Индонезија.

Иако има само едно тело и еден пар на раце и нозе Гиланг е технички споен близнак, тоа е состојба која се јавува многу ретко еднаш во 2,5 милиони раѓања.

Неговите родители очајнички бараат помош, поради фактот што локалните доктори им рекле дека е невозможно близнаците да се одвојат со операција.

Инаку за време на бременоста докторите не откриле никакви аномалии кај бебето, освен фактот дека тоа имало голема глава. Инаку во медицината ова е многу ретко пореметување познато наречено дипросопус, што се смета за една од најретките деформации во човештвото. Таквите бебиња инаку најчесто умираат многу брзо по раѓањето.

Свет

Најмалку 10 загинати или повредени во напад во болница во Кина

Неколку лица се убиени или повредени во напад во болница во југозападна Кина, јави ДПА, повикувајќи се на кинеската агенција Ксинхуа.

ДПА пренесе дека во нападот имало најмалку 10 жртви, но првично не било јасно колку се повредени, а колку загинале.

Во првичните извештаи од настанот немало информации за осомничениот сторител.

Според Ксинхуа, нападот се случил во раните попладневни часови во болница лоцирана во провинцијата Џенксионг во јужната кинеска провинција Сечуан.

На кинеската социјална мрежа Веибо, слична на X, корисниците споделуваа видеа на кои се гледа апсењето на осомничениот сторител.

Македонија

Најстудено утрово во Лазарополе

Најниска температура утрово е измерена во Лазарополе од 3 степени Целзиусови.

Следат Берово и Попова Шапка со 5 степени, 6 во Претор, 7 во Крива Паланка и Охрид, 8 Тетово, Маврови Анови, Битола, Демир Капија, 9 Скопје-Петровец, Прилеп, Гевгелија, Велес, 10 во Скопје-Зајчев Рид, Штип, Куманово, Крушево, Дојран, Кавадарци и 11 степени во Виница.

Времето денеска сончево и топло со мала до умерена облачност. Попладне и во текот на ноќта ќе има локална појава на пороен дожд и грмежи. Ќе дува слаб до умерен ветер претежно од југозападен правец. Максималната температура ќе биде во интервал од 20 до 27 степени.

Во Скопје сончево со мала до умерена облачност и со слаб ветер од јужен правец. Кон крајот на денот и во текот на ноќта во делови од котлината ќе има краткотраен пороен дожд и грмежи. Максималната температура ќе достигне до 27 степени.

НБА

Вембањама прогласен за дебитант на годината во НБА

Центарот на Сан Антонио, Виктор Вембањама е прогласен за најдобар дебитант на годината во НБА, објавено е на официјалната веб-страница на лигата.

Дваесетгодишниот Французин во гласањето освои 495 поени. Второто место му припадна на кошаркарот на Оклахома, Чет Холмгрен со 295 поени, додека трет е членот на Шарлот, Брендон Милер со 86 поени.

Вембањама беше избран од Сан Антонио како прв пик на драфтот на НБА во 2023 година.

Во сезоната 2023/24, кошаркарот учествуваше на 71 натпревар од регуларниот дел од сезоната, со просек од 21,4 поени, 10,6 скока и 3,9 асистенции по натпревар.

Сан Антонио заврши на 14. место во Западната конференција и не успеа да се квалификува за плејофот.