Македонија

Билетарниците и центрите за персонализација на ЈСП од утре ќе работат од 7:30 часот

Утре, понеделник, првите утрински поаѓања на сите линии ќе бидат оние од 6 часот.

Од денеска, со оглед на одлуката на Влада на РМ за забрана за движење на населението во период од 21 до 06 часот, јавниот превоз нема да сообраќа во посочениот период, а изменето работно време ќе имаат и билетарниците и центрите за персонализација, соопштуват од ЈСП.

Утре, понеделник, првите утрински поаѓања на сите линии ќе бидат оние од 6 часот.

Исто така, од ЈСП соопштуваат дека од утре, понеделник билетарниците и центрите за персонализација ќе работат од 7:30 часот.

Термини на последни поаѓања за денеска, недела (22.03.2020 год):

Линии на ЈСП Скопје:

Линија 2 – 19:55 часот од Автокоманда – 19:39 часот од Сарај

Линија 4 – 19 ч асот од Хром – 19:40 часот од 11 Октомври

Линија 5 – 19:35 часот од Ново Лисиче – 19:25 часот од Дексион

Линија 7 – 19:22 часот од Горно Лисиче – 19:39 часот од Карпош 3

Линија 9 – 19.46 часот од Клинички центар – 19:53 часот од Скопје Север

Линија 15 – 19:25 часот од Ново Лисиче – 19:20 часот од Карпош 4

Линија 16 – 19:31 часот од Пржино – 19:06 часот од Железара

Линија 21 – 18.20 часот од Тр.центар – 19:10 часот од Бардовци

Линија 24 – 19:50 часот од Тафталиџе – 19:50 часот од Кисела Вода

Линија 27 – 19:32 часот од Вардарска – 20:04 часот од Дом на печат

Линија 41 – 19:52 часот од Тр.центар – 19:51 часот од Типо

Линија 50 – 20:05 часот од Клинички центар – 20:05 часот од Хиподром

Линија 57 – 19:40 часот од Козле – 19:50 часот од Радишани

Линија 59 – 18:15 часот од Карпош – 19:05 часот од Кучевишка бара

Линија 65В – 19:46 часот од Тр.центар – 20 часот од Страчинци

Линија 31 – 18:40 часот од Тр.центар – 19:15 часот од Долно Лисиче

Линија 47 – 18:50 часот од Тр.центар – 19:35 часот од Љубанци

Линија 56 – 18:15 часот од Тр.центар – 19:15 часот од Бојане

Линија 60 – 18:45 часот од Тр.центар – 19:30 часот од Матка

Линија 65 – 18:30 часот од Тр.центар – 19:30 часот од Раштак

Линија 65А – 19:20 часот од Тр.центар – 20 часот од Страчинци

Линија 66 – 18 часот од Тр.центар – 19:05 часот од Бучинци

Линија 67 – 18:50 часот од Тр.центар – 19:45 часот од Зелениково

Линија 68 – 18:35 часот од Тр.центар – 19:50 часот од Сушица

Линија 70 – 18:45 часот од Тр.центар – 19:25 часот од Батинци

Линија 71 – 19:30 часот од Тр.центар – 18:40 часот од Бањани

Линија 74 – 20:30 часот од Драчево – 17:20 часот од Количани

Линија 81 – 16 часот од Тр.центар – 17 часот од Блаце

Линија 160 – 19:05 часот од Дексион – 19:30 часот од Горна Матка

Линија 164 – 19:30 часот од Кучково – 19:15 часот од Никиштани

Линии на приватни превозници:

Линија 9 – 20:03 часот од Клинички центар – 20:13 од Скопје Север

Линија 11 – 19:20 часот од Транспортен центар – 19.20 од Рашче

Линија 11а – 19 часот од Транспортен центар /

Линија 12 – 19:55 часот од Шишево – 19:55 од Скопски саем

Линија 19 – 20:12 часот од Карпош 4 – 20:12 од Шуто Оризари

Линија 20 – 20:20 часот од Транспортен центар – 20:20 од Шуто Оризари

Линија 22 – 19:45 часот од Транспортен центар – 19:45 од Лепенец

Линија 23 – 19:55 часот од Ченто – 19.55 од Дом на печат

Линија 45 – 20 часот од Транспортен центар – 20 од Ченто

Линија 55 – 19:15 часот од Арачиново – 18:30 од Транспортен центар

Линија 61 – 19:10 часот од Транспортен центар – 20 од Побожје

Линија 63 – 19:10 часот од Транспортен центар – 20 од Мралино

Утре, понеделник, првите утрински поаѓања на сите линии ќе бидат оние од 6 часот.

Комплетниот преглед на сите линии може да се види на веб страницата на ЈСП Скопје http://www.jsp.com.mk/PlanskiVozenRed.aspx.

На пример вообичаениот возен ред на линија 5 е од 5.05 ч, 5.30 ч, 5.55 ч, 6.15 ч, што значи дека во актуелнава ситуација, првиот автобус што ќе почне да сообраќа ќе биде тој во 6.15 часот.

Дополнителни информации во врска со возниот ред можат да се добијат во Диспечерски центар на 3173-224.

*За последни поаѓања утре и први од задутре, корисниците на јавниот превоз ќе бидат информирани во текот на утрешниот ден.

РАБОТНО ВРЕМЕ НА БИЛЕТАРНИЦИ И ЦЕНТРИ ЗА ПЕРСОНАЛИЗАЦИЈА

Од утре, понеделник (23.03.2020 год) билетарниците и центрите за персонализација ќе почнуваат со работа од 7:30 часот.

Билетарници

*Воопшто нема да работат билетарниците кај Транспортен центар (на излез), таа кај Пошта, а затворени во наредниов период ќе бидат и билетарниците во населбите Радишани, Карпош 4 и Железара.

*До 13 часот од понеделник до сабота, ќе работат билетарниците во Бутел (кај поранешното кино), Кисела Вода, Лисиче и билетарницата во населба Даме Груев.

*До 17 часот од понеделник до сабота ќе работат билетарниците во ГТЦ, Аеродром, Ѓорче Петров, Ново Лисиче, Буњаковец, Зелен пазар, Бутел (кај пазарот), а истото работно време ќе важи и за билетарниците во Маџари, Драчево, кај дирекција на ЈСП Скопје, Сарај и Дом на печат.

*Во недела, до 13 часот ќе работат билетарниците во Ѓорче Петров, кај Зелен пазар и таа на излез кај Транспортен центар.

Центри за персонализација

*Времено затворени ќе бидат четири центри за персонализација, оној во Автокоманда (кај Шумарски факултет), во Аеродром, Влае и центарот за персонализација во просториите на ЈСП Турс.

*Центрите во Карпош 2, на Бит пазар и Транспортен центар ќе работат од понеделник до сабота до 17 часот. Во недела ќе бидат затворени.

Оттаму потсетуваат дека услугите на ЈСП Скопје можат да се купат и во над сто маркети и трафики дел од секундарната продажна мрежа (прегледот на локации е достапен на фејсбук страната на ЈСП Скопје https://www.facebook.com/jspskopjee/ ), чие работно време зависи од одлуката на сопствениците на субјектите.

И во наредниот период продолжуваат да важат одлуките за времено укинување на бесплатните годишни средношколски и студентски билети, а и натаму укината е одлуката за бесплатен превоз за возрасни лица во вторник, петок, сабота и недела.

Времено и во наредниот период, не сообраќа туристичката линија, трите линии до Водно, а не работи ниту Жичарницата.

Од ЈСП апелираат до сите граѓани, рационално да го користат јавниот превоз, притоа да носат заштитна маска и ракавици и да се однесуваат во возилата согласно препораките за превенција од ширење на коронавирусот. /МИА

Регион

Солзи, цвеќе и прекината ТВ програма- годишнина од масакрот во училиште во Белгград

Родителите на децата кои загинаа пред точно една година во пукање во основното училиште „Владислав Рибникар“ во Белград утрово пристигнаа пред училиштето.

Таму положија цвеќе и запалија свеќи во спомен на убиените деца и училишниот чувар.

Во масовното убиство кое тринаесетгодишникот го започна на 03.05.2023 година во 08.41 часот, убиени се: Мара Анѓелковиќ, Бојана Асовиќ, Ангелина Аќимовиќ, Ана Божовиќ, Адријана Дукиќ, Ема Кобиљски, Катарина Мартиновиќ, Софија Негиќ, Андрија Чикиќ и Драган Влаховиќ.

Во 08:41 часот пред училиштето се огласија сирените. Истовремено, со прекин на програмата, медиумите во Србија одбележаа едноминутно молчење во спомен на загинатите.

Српскиот претседател Александар Вучиќ положи цвеќе во училиштето „Владислав Рибникар“ на годишнината од убиството на деветте ученици и чуварот на училиштето.

„Пред точно една година осамна последното училишно утро за нашите девет ангели и човекот кој се грижеше за нив. Помина една година од невидената трагедија која остави неизбришлива лузна на душата на целата земја, но болката, неверувањето и огромната тага не поминаа“, напиша Вучиќ на Инстаграм.

Тој додаде дека зад бесмислениот чин кој за миг згасна животи, иднини и соништа, се крие празнина, но и страшно предупредување до целото општество да ги заштити своите деца со сите сили од секакво зло, опасност и придружба.

„Ние сме врзани со нивните соништа и со сето она што можеа да станат. Ајде да направиме сѐ за да се издигнеме како земја по овој ужас што нè снајде. Изразувам искрено и најдлабоко сочувство до семејствата на загинатите. Нека почиваат во мир. “ напиша Вучиќ.

Седмоодделенец на ОУ Владислав Рибникар во Белград К.К. со пиштол пукал кон обезбедувањето на училиштето, наставничка и учениците. Осум ученици и работник од обезбедувањето загинаа на лице место, додека тешко ранетата девојка Анџелина Аќимовиќ подоцна им подлегна на повредите. Малолетникот сам повикал полиција и се предал. Приведени се и неговите родители.

Веста за пукањето во Врачар, во училиште во центарот на Белград брзо се прошири и ги вознемири граѓаните на Србија. Родителите, пријателите на децата кои одат во ова училиште почнаа да се собираат пред влезот за да дознаат нешто за нивните деца. За жал, на 3 мај некои од родителите ја добија трагичната вест дека нивното дете е убиено.

Во наредните денови влезот на училиштето стана збирно место каде граѓаните им оддадоа почит на жртвите, палеа свеќи, носеа цвеќиња, играчки и оставаа пораки за убиените. Медиумите во регионот и светот ги прекинаа своите програми и известуваа за овој настан.

Српското општество беше во состојба на шок, а потоа следната ноќ, меѓу 4 и 5 мај, се случи ново масовно убиство во Дубона и Мали Орашје, каде исто така беа загубени млади животи.

Учебната година заврши порано, а почетокот на новата беше во спомен на убиените деца.

По повод првата годишнина од масовното убиство, Основното училиште Владислав Рибникар на својата веб-страница објави In Memoriam посветен на повредените ученици и работникот од обезбедувањето.

„Кога првпат дојдоа во Рибникар, како првачиња, беа љубопитни и горди да почнат со училиште. Потоа им ветивме дека ќе ги учиме и ќе ги образуваме. Ветивме дека ќе ги испратиме од Рибникар како тинејџери, безбедни, слободни и подготвени за она што ги чека до крајот на нивниот живот. Ветивме дека ќе ги чуваме. И ние ги научивме. И ги задржавме. Не ги спасивме. Ве молиме простете ни што не можевме да го исполниме ветувањето...“, се наведува меѓу другото на веб-страницата на училиштето.

По повод годишнината од масовното убиство беше организирана програмата Будење која треба да го означи почетокот на повеќеслоен процес на меморирање во спомен на жртвите. Недела на сеќавање ќе биде организирана во сите училишта во Србија од 7 до 10 мај.

Македонија

Силна соларна бура ја погоди Земјата, за утре се најавува уште една експлозија

Сончева бура ја погоди Земјата порано од очекуваното и сега се засилува. Ова го објави Центарот за следење на вселенското време при рускиот институт за применета геофизика.

Според податоците, геомагнетната бура се очекувало да биде од категоријата Г2, која е со умерен интензитет, но утрово таа се засилила до категорија Г3, што е силен интензитет.

На 30 април и 1 мај биле регистрирани моќни соларни изливи.

Сончевите блесоци се поделени во пет класи според јачината на рендгенското зрачење - најслаби се класата А, а потоа следат B, C, M и X.

Сончевите блесоци се моќни експлозии во сончевата атмосфера кои испраќаат соларна плазма во вселената. Облаците од оваа плазма можат да предизвикаат геомагнетни бури кога ќе стигнат до Земјата.

- Две коронални експлозии го погодија магнетното поле на Земјата на 2 мај. Поединечно, ударот беше мал, но предизвика силна геомагнетна бура од класата Г3 со поларници далеку на југ. Се очекува уште една коронална експлозија да го погоди магнетното поле на Земјата на 4 мај, објави порталот Space Weather.

Македонија

Репортери без граници: Македонија со најголема медиумска слобода во регионот

Иако новинарите не работат во непријателско опкружување, раширените дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади.

Понатаму, владините функционери имаат тенденција да имаат лоши и понижувачки ставови кон новинарите, се наведува во извештајот на организацијата „Репортери без граници“.

Медиумски пејзаж

Иако телевизијата е доминантен извор на информации, онлајн медиумите играат важна улога. Сепак, мора да се направи разлика помеѓу професионални онлајн редакции кои вработуваат новинари и објавуваат оригинална содржина, и поединечни портали кои вршат плагијат и копираат содржина. Исто така, постои голем јаз помеѓу употребата и довербата: најгледаните ТВ станици имаат низок индекс на доверливост.

Политички контекст

Целокупното опкружување останува поволно за слободата на печатот, но владините агенции не се многу транспарентни и критичкото новинарство е сè повеќе подложно на напади. Поради силната политичка поларизација, медиумите можат да бидат под притисок на властите, политичарите и бизнисмените и на национално и на локално ниво. Двете најголеми партии (на власт и во опозиција) создадоа паралелни медиумски системи врз кои го вршат своето политичко и економско влијание. Јавниот радиодифузен сервис нема уредувачка и финансиска независност.

Правна рамка

Додека уставот ја гарантира слободата на говорот и забранува цензура, земјата бавно го усогласува законодавството за медиумите со стандардите на Европската унија, на која има намера да и се придружи. Процедурите на SLAPP служат како инструменти за заплашување и притисок врз независните медиуми. Осудата за клевета, во 2023 година, на медиумот IRL за нејзината истрага од општ интерес постави опасен преседан. Новиот закон со кој повторно се овластуваат националните и локалните власти да се рекламираат во медиумите во приватна сопственост, ја зголеми загриженоста за можното поврзано ширење на влијание.

Економски контекст

Иако одредени видови медиумска концентрација се забранети со закон, редакцијата на некои од главните ТВ канали е изложена на економски притисоци од нивните сопственици. Државното финансирање е ограничено и нетранспарентно, а независните медиуми во голема мера се потпираат на донаторите. Странските грантови засновани на проекти придонесуваат само за опстанок, но не и за понатамошен развој. Новинарството е многу несигурна професија. Некои медиуми се подложени на влијанија од страна на маркетинг агенциите.

Социокултурен контекст

Иако не постојат јасни ограничувања во социјалната и културната средина кои влијаат на слободното новинарство, социјалните медиуми и дигиталната сфера генерално го фаворизираат ширењето на дезинформации и сајбер-закани. Во комбинација со ниските професионални стандарди, тие придонесуваат за намалување на довербата на јавноста во медиумите и го отвораат патот за напади врз новинари врз основа на пол, етничка припадност или религија.

Безбедност

Новинарите често се мета на вербални напади. Под изговор за заштита на државните тајни и личните податоци, тие можат да бидат изложени на судски притисок и произволни правни постапки. Сепак, судовите имаат тенденција да ја поддржуваат слободата на печатот и да ги штитат новинарите. Во главниот град беше назначен специјален обвинител кој ќе ги води случаите на напади врз новинари, а се разгледува и отворањето на слични канцеларии низ целата земја.

притисни ентер